Fréttablaðið - 15.12.2012, Blaðsíða 152
15. desember 2012 LAUGARDAGUR| SPORT | 112
➜ Flestir framleiddir
leikmenn í fimm
bestu deildunum
1. Barcelona 38
2. Lyon 31
3. Real Madrid 29
4. Rennes 24
5. Manchester United 24
6. Bayern Munchen 23
7. Sochaux 22
8. Real Sociedad 21
8. Atalanta 21
10. Atletico Madrid 21
11. Bordeaux 20
12. Schalke 04 20
13. Arsenal 20
14. Atletic Bilbao 19
15. AS Monakó 19
➜ Næstu lið á Englandi
24. Aston Villa 15
29. Tottenham 15
35. West Ham 13
41. Newcastle 13
46. Manchester City 12
49. Southampton 12
51. Chelsea 12
60. Liverpool 10
FÓTBOLTI Það kemur kannski fáum
á óvart en ný svissnesk rannsókn
sýnir fram á það að Barcelona er
í nokkrum sérflokki þegar kemur
að því að framleiða leikmenn
fyrir fimm bestu deildirnar í Evr-
ópu. Unglingaakademía félagsins
fær enn eitt hrósið í nýrri alþjóð-
legri rannsókn.
Svissneska CIES-félagið, sem
leggur stund á margs konar
knattspyrnurannsóknir, ákvað að
kanna uppruna leikmanna í fimm
bestu deildum Evrópu. Þetta eru
enska úrvalsdeildin, spænska
úrvalsdeildin, ítalska A-deildin,
þýska bundesligan og franska 1.
deildin.
Lið telst hafa framleitt fót-
boltamann ef hann hefur verið
hjá félaginu frá 15 ára til 21 árs.
Í sumum tilfellum hafa tvö félög
komið að því að ala upp fótbolta-
menn ef hann hefur verið hjá
tveimur félögum á þessum árum.
Alls var uppruninn kannaður
hjá 2.286 leikmönnum í þessum
fimm deildum sem innihalda alls
98 félög. Eitt félag átti heiðurinn
af 2.170 leikmönnum en hjá 116
leikmönnum áttu tvö félög heiður-
inn að því að gera leikmanninn að
toppfótboltamanni. Alls eiga 805
félög uppalinn leikmann í fimm
bestu deildum Evrópu.
Barcelona hefur náð því á þessu
tímabili að stilla upp ellefu manna
liði af uppöldum Barcelona-leik-
mönnum og alls eru fjórtán leik-
menn úr akademíu félagsins að
spila með aðalliði félagsins. Þar á
meðal eru snillingar eins og Lio-
nel Messi, Xavi og Andrés Iniesta
en félagið á einnig fullt af mönn-
um annars staðar. Þegar betur er
að gáð kemur í ljós að alls eiga 38
leikmenn í fimm bestu deildum
Evrópu rætur í Katalóníu.
Barcelona á eitt heiðurinn af
36 mönnum en tveir eyddu líka
nokkrum árum hjá öðru félagi.
Meðal Barcelona-manna í öðrum
félögum eru Oriol Remeu hjá
Chelsea, Pepe Reina hjá Liverpool
og Mikel Arteta hjá Arsenal.
Barcelona hefur framleitt sjö
fleiri leikmenn en næsta félag,
sem er Lyon í Frakklandi. Real
Madrid er síðan í þriðja sætinu
með 29 leikmenn.
Manchester United er efst af
liðunum í ensku úrvalsdeildinni
(4.-5. sæti) en alls eru 24 leikmenn
frá United að spila í fimm bestu
deildum Evrópu í dag. Arsenal á
20 leikmenn í bestu deildunum og
bæði Aston Villa og Tottenham
eiga 15 leikmenn. - óój
38 toppleikmenn eiga rætur í Barcelona
Ný svissnesk rannsókn sýnir fram á hvar leikmenn í bestu deildum Evrópu mótuðust sem fótboltamenn.
FRÁBÆRT LIÐ MEÐ UPPÖLDUM LEIKMÖNNUM Barcelona-menn fagna hér einu
af fjölmörgum mörkum sínum í vetur. NORDICPHOTOS/GETTY
HANDBOLTI Það var frábær mæt-
ing á leik HK og FH í N1-deildinni
á fimmtudag. Það var ekki bara
handboltinn sem trekkti að því
allur aðgangseyrir rann til Bjarka
Más Sigvaldasonar sem er 25 ára
gamall leikmaður knattspyrnuliðs
HK. Hann glímir við erfið veikindi
um þessar mundir.
Í hálfleik á leiknum steig Þor-
geir Lárus Árnason, sem er grjót-
harður HK-ingur, út á gólfið og
kallaði Bjarka Má til sín. Fyrir
framan rúmlega 1.000 manns
flutti Þorgeir fallegt ljóð sem hann
hafði samið sjálfur. Flutningurinn
var frábær, rétt eins og ljóðið, og
komust flestir áhorfendur við á
þessari fallegu stund.
Þeir félagar föðmuðust síðan
áður en Þorgeir leysti Bjarka út
með ljóðinu innrömmuðu. Áhorf-
endur, allir sem einn, stóðu upp
og klöppuðu fyrir þessu frábæra
framtaki Þorgeirs.
HK-ingar standa þétt við bakið á
sínum manni en þann 27. desember
fer fram styrktarleikur í Kórnum
fyrir Bjarka. Þar mætir meistara-
flokkur HK liði gamalla HK-leik-
manna. Í því liði verða kempur
eins og Gunnleifur Gunnleifsson
og Rúrik Gíslason.
HK-ingar standa einnig fyrir
almennri söfnun til handa Bjarka
og fjölskyldu á þessum erfiðu
tímum og má leggja henni lið með
því að leggja inn á eftirfarandi
reikningsnúmer 536-14-400171,
kt. 630981-0269. - hbg
HK-fj ölskyldan stendur
þétt við hlið Bjarka
Falleg stund í Digranesi á fi mmtudag er stuðnings-
maður HK fl utti ljóð til Bjarka Más Sigvaldasonar.
HJARTNÆM STUND Þorgeir faðmar Bjarka að sér eftir flutning ljóðsins.
FRÉTTABLAÐIÐ/VALLI
BARÁTTUKVEÐJUR TIL
BJARKA
Hann er stórkostlegur vinur allra
sem hann þekkir,
enga manneskju í heiminum hann blekkir.
Í kollinum hann er mjög skýr,
enda er hann mjög góður við fólk og dýr.
Hann er svo einlægur og frábær,
svo skemmtilegur og glaðvær.
Hann berst af lífi og sál,
það er sko ekkert launungarmál.
Hann aldrei hnefanum beitir,
heldur fólki hann gjörbreytir.
Hann er mikil félagsvera,
enda metur hann hluti sem aðrir gera.
Hann hugsar hluti áður en hann
framkvæmir þá,
hefur ótrúlega marga góða hluti á sinni
afreksskrá.
Hann nýtur þess að hjálpa öðrum,
enda skreytir hann sig ekki með
gerviskrautfjöðrum.
Nú er komið að okkur að hjálpa honum,
gera líf hans að góðum lífsvonum.
Við erum saman að hjálpast að í dag,
því að við í HK erum eitt stórt samfélag.
Höfundur: Þorgeir Lárus Árnason
FÓTBOLTI Það verður nóg um að
vera í enska boltanum um helgina
líkt og vanalega. Á sunnudaginn er
áhugaverður leikur þar sem Gylfi
Þór Sigurðsson mætir sínu gamla
félagi þegar Swansea sækir Totten-
ham heim á White Hart Lane. Gylfi
vonast til þess að fá tækifæri gegn
Swansea og hann stefnir á að skora
með skalla, sem hefur ekki verið
hans sterkasta hlið.
„Það verður sérstakt að mæta
mínum gömlu félögum úr Swansea,
ég hef upplifað þetta áður þegar
ég lék gegn Reading. Það er alltaf
gaman að mæta þeim sem maður
hefur verið að æfa með áður,“ sagði
Gylfi í samtali við Fréttablaðið í
gær. Gylfi hefur verið að koma inn
á sem varamaður í deildarleikjum
Tottenham að undanförnu og hann
býst ekki við miklum breytingum
hjá Andre Villas-Boas, knattspyrnu-
stjóra liðsins.
„Ég hef ekki hugmynd um hvort
ég verði í byrjunarliðinu eða ekki.
Það má alveg gera ráð fyrir því að
hann velji sama lið og hefur spilað
vel að undanförnu.“
Gylfi átti skot í slá í leiknum gegn
Everton um sl. helgi og þar var hann
hársbreidd frá því að koma Totten-
ham í 2-0 á erfiðum útivelli. Ever-
ton náði að snúa taflinu sér í hag og
landaði ótrúlegum sigri með tveim-
ur mörkum á 88 sekúndum.
„Að sjálfsögðu hefði ég viljað sjá
boltann fara í markið en svona er
fótboltinn. Það heppnast ekki allt
sem maður reynir. Það hefði verið
frábært fyrir liðið ef ég hefði skorað
því þá hefði leikurinn nánast verið
búinn. Það var gríðarlega svekkj-
andi að fá þessi tvö mörk á okkur á
rétt rúmri mínútu og tapa leiknum.“
Gylfi er sáttur í herbúðum Totten-
ham og er ekki að ergja sig mikið
á því að hann sé í hlutverki vara-
manns. „Ég gerði mér alveg grein
fyrir því að það yrði erfitt að festa
sig í sessi í byrjunarliði Tottenham.
Þetta er stór klúbbur með marga
frábæra leikmenn og samkeppnin
er gríðarlega hörð. Ég er ekkert að
pirra mig á þessu og þetta er bara
hluti af því að vera í sterku liði. Auð-
vitað vil ég spila sem mest en það
eru margir leikir á tímabilinu og ég
þarf að nýta þau tækifæri sem ég
fæ. Það er gríðarleg stemning sem
fylgir leikjunum í desember í ensku
úrvalsdeildinni.
Og ég hlakka til að fá tækifæri til
að taka þátt. Við sem erum í fótbolta
viljum spila sem oftast og það eru
skemmtilegar vikur fram undan.
Fjölskyldan mín kemur yfir hátíð-
irnar og verður hér hjá mér í Lond-
on,“ sagði Gylfi.
Spyrnutækni Gylfa og skot hans
eru vel þekkt stærð en Villas-Boas
virðist hafa tröllatrú á íslenska
landsliðsmanninum hvað varðar
skallatækni hans í föstum leikatrið-
um. Gylfi hlær þegar hann inntur
eftir því hvort hann sé loksins orðið
öflugur skallamaður þar sem hann
fær ekki taka hornspyrnur liðsins.
„Ég þarf bara að setja einn í
markið með skalla, og sýna styrk-
leika minn á því sviði,“ sagði Gylfi
í léttum tón. „Ég er betri í því að
taka hornspyrnurnar en það er
áskorun að reyna að skora í teign-
um og það væri frábært að skalla
boltann í markið gegn Swansea. Ég
held ég hafi aðeins skorað tvisvar
eða þrisvar með skalla á ferlinum.
Ég stefni á að bæta einu við í leikn-
um á sunnudaginn,“ sagði Gylfi Þór
Sigurðsson. seth@365.is
Stefni á að setja
eitt með skalla
Gylfi Þór Sigurðsson mætir sínum gömlu félögum úr Swansea í enska boltanum
um helgina. Andre Villas-Boas, knattspyrnustjóri Tottenham, virðist hafa trölltrú
á íslenska landsliðsmanninum þegar kemur að skallatækni hans í vítateignum.
ORÐ Í EYRA Andre Villas-Boas, stjóri Tottenham ræðir málin við Gylfa Sigurðsson í
leik á móti Liverpool á White Hart Lane sem fram fór á dögunum. NORDICPHOTOS/AFP
Laugardagur
12.45 Newcastle - Man. City
Sport 2 & HD
15.00 Liverpool - Aston Villa
Sport 2 & HD
Man. United - Sunderland
Sport 3
Stoke - Everton
Sport 4
QPR - Fulham
Sport 5
Norwich - Wigan
Sport 6
Sunnudagur
13.30 Tottenham - Swansea
Sport 2 & HD
16.00 West Brom - West Ham
Sport 2 & HD
➜ Leikir helgarinnar