Fréttablaðið - 15.12.2012, Blaðsíða 69

KYNNING − AUGLÝSING Hátíðarmatur15. DESEMBER 2012 LAUGARDAGUR 5
Rauðkál með steikinni er langbest
sé það heimalagað. Hér er uppskrift
að ekta dönsku rauðkáli sem margar
eldri húsmæður kannast við.
Það sem þarf:
1 rauðkálshaus
2 msk. sykur
4 dl rifsberjasaft
1 tsk. salt
40 g smjör
Vatn
Rauðkálið er skorið niður en stilkurinn er
ekki notaður. Bræðið smjör á stórri pönnu
og setjið kálið út á. Sykri er stráð yfir og allt
látið malla við vægan hita í 10 mín útur.
Hrærið í annað slagið. Þá er rifsberjasaft
bætt út í og vatn þannig að kálið sé þakið.
Allt látið malla í um það bil eina klukku-
stund. Ef allur vökvi gufar upp er meiri saft
sett út í og smávegis vatn. Þegar kálið er
orðið mjúkt er salti stráð yfir.
Ekta danskt rauðkál
OSTUR Á PIPARKÖKURNAR
Piparkökur eru yfirleitt til í
skápunum á aðventunni og gott
að grípa til þeirra þegar gestir
líta við. Til að breyta aðeins út frá
glassúrskreyttum kökunum er
tilvalið að bjóða piparkökur með
osti. Mygluostar og piparkökur
gætu einhverjum þótt undarleg
samsetning en hún bragðast
merkilega vel. Þá er einnig
mjög gott að bæta hnetum og
hunangi við samsetninguna.
Prófið eftirfarandi næst þegar
gestir koma í kaffi:
Piparkökur
Gráðostur eða brie ostur
Valhnetur
Hunang
Skerið ostinn niður í hæfilega
stórar sneiðar og leggið ofan
á piparkökuna. Þar ofan á fer
hálf valhneta og að lokum er
hunanginu hellt yfir.
Sjá www.eldhussogur.com.
HEIMAGERÐ KARTÖFLU
MÚS MEÐ HANGIKJÖTINU
Þótt kartöflur með uppstúf
séu algengasta meðlæti Ís-
lendinga með jólahangikjötinu
er kunn hefð hjá mörgum
fjölskyldum að tefla einnig
fram heimagerðri kartöflumús.
Slíkt hnossgæti á ekkert skylt
við pakkamús og er veglegur
valkostur fyrir þá jólagesti sem
ekki líkar við uppstúfinn.
Heimagerð kartöflumús er
sannkallað lostæti með bragð-
miklu hangikjötslæri, rauðkáli,
baunasalati og laufabrauði eða
heimabökuðu hveitibrauði að
sveitasið. Aðferðin er einföld:
Sjóðið fallegar, stórar kartöflur
í vel söltu vatni. Skrælið soðnar
kartöflurnar og stappið eða
pressið með kartöflupressu ofan
í hreinan pott. Setjið væna klípu
af smjöri í pottinn og skvettum
af mjólk eða jafnvel rjóma-
blöndu út á stappaðar kartöfl-
urnar. Hrærið rólega saman þar
til stappan er mjúk og girnileg.
Kryddið með salti, svörtum eða
hvítum pipar, smávegis af sykri
og ögn af múskati og njótið til
fulls á jólum.
Mangó- og aprikósufylling
• 4 dl soðið kúskús
• 1 mangó, skrælt og skorið í teninga
• 15 þurrkaðar aprikósur, skornar í bita
• 4 cm engiferrót, smátt söxuð
• 3 msk pistasíuhnetur
• 5 brauðsneiðar, skorpulausar og skornar í bita
• 50 g bráðið smjör
• 2 egg
• 2 msk mangóchutney
• Salt og pipar
Blandið öllu hráefni vel saman og fyllið kalkúninn.
Kryddið og setjið smjörklípur á fuglinn.
Setjið kalkúninn inn í 190 °C heitan ofn í 15 mín
eða þangað til fuglinn verður fallega brúnn.
Breiðið álpappír vel yfir fuglinn. Lækkið hitann í
150°C og steikið fuglinn áfram í 45 mín/kg eða
þangað til kjarnhiti nær 71°C.
Verði ykkur að góðu

Reykjabúinu, Mosfellsbæ.
Íslenskur kalkúnn
kalkunn.is
í
í
.
Hreint kjöt án allra aukaefna – beint frá bónda
Þú veist hvaðan það kemur!