Heimilisritið - 01.11.1949, Síða 10

Auðunn Br. Sveinsson:
f
R eykja víkurstiílkan
Hún er úrval íslenzkra meyja,
— aðsetur: Reykjavík.
Ein af þeim ótal mörgu,
af yndisþokka rík.
Ástljúf í öllu fasi
og elur margar þrár
og hefur, held ég, lifað
hartnæi^seytján ár.
i
Og lífið er líkt og draumur
og lítið, sem skyggir á.
Helzt er það herraleysi,
en herra má jafnan fá.
Svo líður hver stund í leiðslu,
það lokkar hið „villta geim".
Og æskan er frjáls í förum
og faðmar inn glæsta heim.
Þá líður að laugardagskveldi,
hún lifir í sælli von.
Drauma þá bjarta dreymir
um dans — og heillandi son.
Margs er á milli að velja
og margvísleg kostaröð:
Iðnó, Oddfellow, Röðull
eða Mjólkurstöð.
Og kátt var í Kennó forðum
kvöld eitt í nóvember.
Ekki' er því unnt að lýsa,
það andinn í hilling sér.
Þar voru sætir sveinar
með seiðandi augnaráð.
En — einum var bezt að unna,
það eítt mun í hugann skráð.
Nú dimmir óðum af degi,
en dansinn er stiginn ótt.
Hún, úrval íslenzkra meyja,
er einhvers staðar í nótt.
í Oddfellow eða Röðli
og unir hag sínum glöð,
eða hún er þá farin
inn í Mjólkurstöð.
8
HEIMILISRITIÐ