Læknablaðið - 01.12.1975, Síða 23

LÆKNABLAÐIÐ
99
LAÐIÐ
THE ICELANDIC MEDICAL JOURNAL
Læknafclag íslands- og QJR
Líeknafclag Reykjavikur !■■' 9I°
61. ÁRG. — SEPT.-DES. 1975
FÉLAGSMÁL Í LÆKNABLAÐI
Á árinu 1974 urðu miklar tafir á útgáfu
Lasknablaðsins og stöfuðu þær einkum af
prentaraverkfalli, miklu annríki við jólabóka-
útgáfu ásamt löngu sumarfríi, sem allt féll
saman, en auk þess komu til miklir fjárhags-
legir örðugleikar sökum skyndilegra verð-
hækkana á árinu, einnig höfðu áhrif á fjár-
haginn kostnaðarsamar breytingar, sem
gerðar höfðu verið á blaðinu á árunum á
undan. Tafir þessar ásamt fjárhagslegum
örðugleikum hafa áður verið nánar útskýrðar
í Læknablaðinu. í nóvember 1974 tókst með
hækkun auglýsingaverðs að koma Lækna-
blaðinu á fjárhagslegan grundvöll miðað við
það verðlag sem þá gilti. Síðan hefur verð-
lag verulega hækkað og til þess að koma
fjárhag blaðsins aftur á réttan kjöl eru hækk-
anir á auglýsingaverði því fyrirhugaðar að
nýju og er slíkt eðlilegt, vegna hinnar nýaf-
stöðnu gengisfellingar.
Félagslegu efni varðandi starfsemi lækna-
samtakanna og heilbrigðisþjónustu almennt,
má skipta í ýmsa flokka, og er þá fyrst að
nefna það efni, sem hefur varanlegt varð-
veislugildi sem þekkingarbanki og heimildir
um niðurstöður til félagslegra rannsókna,
t.d. nefndarálit, fundarsamþykktir, gerðir
samninga og veigamiklar breytingar á kjara-
málum, stefnumótandi álitsgerðir læknasam-
takanna o.fl. Sögulegar heimildir, störf og
þróun félagsins, sem einnig kemur að hag-
nýtu gagni til þess að forðast endurtekning-
ar í félagsstarfi, nýta til fulls félagslega
reynslu fyrri ára og fá eðlilegt samhengi í
þróun einstakra málaflokka.
í öðru lagi almennt félagsmálaefni, sem
fyrst og fremst hefur tímabundið gildi. Má
þar nefna fréttir af þróun ýmissa mála, sem
eru í mótun, t.d. kjarasamninga, menntunar-
tilhögun lækna, bæði grunnmenntun, sér-
menntun og viðhaldsmenntun, próf lækna,
kandidata- og sérfræðingsviðurkenningar,
kynningar á nýjum stöðum og störfum, nýj-
. ungar varðandi breytingar í heilbrigðisþjón-
ustunni, breytingar á heilbrigðislöggjöf og
nýjar reglugerðir á sviði heilbrigðismála o.fl.
í þriðja lagi sérstakt félagslegt efni með
skammtímagildi fyrir tiltekna hópa lækna,
stöðuveitingar, tilkypningar um fundi, fréttir
um fvrirhuguð námSkeið, fréttir af störfum
læknafélaga og ýmsum þeim málum, sem
varða sérstaka hópa lækna.
Læknablaðið getur og verður að sinna
fyrsta þætti þessara mála, þ.e.a.s. varðveislu
þeirrar félagsmálaþekkingar, sem nauðsyn-
leg er til að byggja á framvindu þess starfs,
sem læknasamtökin vinna og til þess að
mynda grundvöll að sögulegri þekkingu á
starfsemi félaganna. Sá þáttur félagsmála,
sem oft hefur tímabundið og takmarkað gildi
á einnig heima í Læknablaðinu, ekki sízt til
þess að skapa umræðugrundvöll fyrir lækna
um allar hliðar heilbrigðismála. Einnig til
þess að Læknablaðið komi að fullu gagni
sem vettvangur þessara félagsmála, þarf það
að koma út reglulega að minnsta kosti annan
hvern mánuð og helzt mánaðarlega. Pví
marki var náð 1973 að blaðið kom út nokk-
urn veginn reglulega annan hvern mánuð, en
á sl. ári fór þessi áætlun úr skorðum af á-
stæðum sem fyrr greinir.
Þriðji flokkur félagsmálaefnis, sem hefur
aðeins skammtímagildi og höfðar til tak-
markaðra hópa innan læknastéttarinnar, gæti
átt heima í blaðinu ef það kæmi út reglulega
mánaðarlega eða hálfsmánaðarlega, en til
þess að svo megi verða þarf traustari fjár-
hagsgrundvöll fyrir blaðið heldur en nú er.
Auk þessa kallar þetta á stóraukið ritstjórn-
arstarf, sem eigi verður leyst til frambúðar,
nema blaðið fái sérhæft starfslið, þ.e. blaða-
mann með reynslu jí útgáfustarfsemi. Að
sjálfsögðu er hlutastárf nægilegt að minnsta
kosti í byrjun. r
Með hinni öorfjölgun, sem framundan er
í læknastétt, getur svo farið að innan fárra
ára verði fulékámin þörf á að skapa slíkan
hraðgengan félagsmálavettvang í Læknablað-
inu, en þá verður jafnframt nauðsynlegt að
tryggja fjárhagslegan-grundvöll fyrir slíka út-
gáfustarfsemi.. ■“ A.K.