Læknablaðið - 15.04.1999, Page 39

LÆKNABLAÐIÐ 1999; 85
313
E-14. Árangur skurðaðgerðar á ganglim-
um neðan nára vegna hótandi dreps.
Njóta sykursýkisjúklingar fullnægjandi
meðferðar?
Helgi H. Sigurðsson ', E.M. Macaulay', K.C.
McHardy2, G.G. Cooper'
Frá 'Dpt ofVascular Surgery, :Dpt of Diabetes,
Aberdeen Royal Hospital NHS Trust, Aher-
deen,3œðaskurðdeild Landspítalans
Við höfum kannað langtímaárangur á skurð-
aðgerðum vegna blóðþurrðar ganglima í sjúk-
lingum með sykursýki og borið saman við sjúk-
linga sem ekki eru með sykursýki. Sjúklingahóp-
unum hefur verið fylgt eftir í lágmark þrjú ár.
Hjá 178 rannsökuðum sjúklingum voru 192
ganglimir með hótandi drep, 139 ganglimir
voru meðhöndlaðir með hjáveituaðgerð neðan
nára (127 sjúklingar) og 53 með aflimun (51
sjúklingur). Fjörutíu og þrír (31%) af þeim sem
fóru í hjáveituaðgerð og 13 (25%) af þeim sem
fóru í aflimun voru með sykursýki.
Það var tilhneiging til fleiri hjáveituaðgerða
sem kröfðust tengingar neðan þrískiptingar hjá
sykursjúkum. Af þeim sem fóru í hjáveituað-
gerð var lifun við þrjú ár 49% hjá sykursjúkum
og 55% hjá þeim sem ekki voru með sykursýki.
Lifun án aflimunar við þrjú ár var 42% fyrir
sykursjúka og 50% hjá þeim sem ekki voru með
sykursýki. Það virðist vera tilhneiging hjá þeim
sem eru með sykursýki að sýna verri árangur,
var þetta tölfræðilega séð ekki marktækt. (lifun;
kí-kvaðratspróf 3.1693, p=0,075, lifun án aflim-
unar; kí-kvaðratspróf 2.627, p=0,105).
Sjúklingar með sykursýki voru ekki líklegri
til að þurfa meðferð með aflimun en þeir sem
ekki voru með sykursýki. Við ályktum að sjúk-
lingar með sykursýki megi eiga von á jafngóð-
um árangri af hjáveituaðgerðum neðan nára og
þeir sem ekki eru með sykursýki.
E-15. Hjáveituaðgerð á iðraholsstofni
vegna endurtekinnar bólgu í briskirtli
hjá sjúklingi með Williams heilkenni.
Sjúkratilfelli
Anna Gunnarsdóttir', Þórarinn Arnórsson',
Hróðmar Helgason2
Frá 'handlœkningadeild Landspítalan,2Barna-
spítala Hringsins
Williams heilkenni kemur fram hjá sjúkling-
um með úrfellingu á elastín geni (7ql 1.23) sem
getur erfst ríkjandi ókynbundið (autosomal
dominance). Það samanstendur af ýmsum klín-
ískum einkennum en þau algengustu eru
þrengsli fyrir ofan ósæðarloku (supravalvular
aorta stenosis), ósæðarþröng (coarctation á
aorta), lungnaslagæðarþröng (pulmonary
arterial stenosis), háþrýstingur og óeðlileg
kalsíumhækkun í blóði á unga aldri. Þessir ein-
staklingar eru einnig með sérstakt álfalíkt útlit,
lágvaxnir og greindarskertir.
Við lýsum hér sjúkratilfelli þar sem um er að
ræða 17 ára gamla stúlku með Williams heil-
kenni. Hún er með einkennandi útlit og vægt
greindarskert. Hún er með óveruleg þrengsli
fyrir ofan ósæðarloku og ósæðarþröng sem gert
var við 1996. Einnig er hún með þrengsli í upp-
tökum hægri nýrnaslagæðar og háþrýsting.
Sjúklingur var innlagður í september 1997
með tveggja til þriggja mánaða sögu um endur-
tekin kviðverkjaköst, staðsett um ofanverðan
kvið auk lystarleysis, ógleði og uppkasta. Veik-
indi sjúklings stóðu yfirleitt yfir í tvo til sjö daga.
Þessi köst urðu algengari og reyndist sjúk-
lingur vera með hækkun á amýlasa og lípasa í
tveimur þeirra í október og nóvember. Rann-
sóknir í kjölfarið sýndu eðlilega ómskoðun og
tölvusneiðmynd af kviðarholi. Æðamyndataka
af æðum í kviðarholi sýndi um 60% þrengsli
við upptök á iðraholsstofni (truncus coeliacus)
og um 40% þrengsli við upptök efri hengis-
slagæðar (a. mesenterica sup). Grunur lék því á
að sjúklingur hefði endurteknar briskirtilsbólg-
ur vegna blóðþurrðar til briskirtils. Reynt var
að víkka út þrengslin með belg í janúar 1998 en
með ófullnægjandi árangri. Sjúklingur fékk
síðan aftur briskirtilsbólgu eftir víkkunina og í
framhaldi af því var ákveðið að taka sjúkling til
aðgerðar sem var framkvæmd í mars 1998.
Lagður var 5 mm GoreTex graftur fram hjá
þrengslunum en þau voru greinileg í aðgerð-
inni við upptök iðraholsstofns. Gangur eftir að-
gerð hefur verið góður og sjúklingur hefur ekki
fengið briskirtilsbólgu eftir aðgerð.
Við lýsum hér óvenjulegu tilfelli af endur-
tekinni briskirtilsbólgu, líklegast tilkominni
vegna blóðþurrðar sem rekja má til þrengsla í
iðraholsstofni. Gerð var hjáveituaðgerð með
GoreTex grafti frá ósæð í kviðarholi yfir á iðra-
holsstofn og hefur sjúklingur nú ári síðar ekki
fengið briskirtilsbólgu.
E-16. Breytingar á öndun eftir bringu-
beinsskurð. Forrannsókn
María Ragnarsdóttir', Ingveldur Ingvarsdótt-
ir', Asdís Kristjánsdóttir', Pétur Hannesson2,
Bjarni Torfason3