Læknablaðið - 15.04.1999, Page 93

LÆKNABLAÐIÐ 1999; 85
361
verið við góðar aðstæður á
Seyðisfirði og trufla minna á
öðrum deildum sem ekki eru
eins vel búnar til að sinna þeim.
Það verður hægt að ráða
fólk með vissa sérþekkingu
inn á svæðið og nýta hana á
fleiri en einum stað. Ég get
nefnt sem dæmi að hjúkrunar-
fræðingur sem er sérhæfður í
krabbameinshjúkrun eða öldr-
unarhjúkrun gæti farið á milli
staði, kennt og leiðbeint og
nýtt sér sína sérþekkingu á
ýmsan hátt. Sameiningin opn-
ar ýmsa möguleika hvað þetta
varðar og við erum kannski
ekki farin að sjá öll þau tæki-
færi sem nú gefast.
Yfirsýnin sem fæst með því
að hafa eina stofnun í stað sjö
getur meðal annars orðið til að
auka jöfnuð milli svæða þann-
ig að allir verði nokkurn veg-
inn sömu þjónustu aðnjótandi.
Áður var alltaf ákveðin hætta
á að staðirnir fengju misstóran
skerf.“
Spennandi tilraun í
Hornafirði
Eins og áður var nefnt er
Hornafjörður ekki með í þess-
ari sameiningu því þar er ver-
ið að gera tilraun með að fela
sveitarfélaginu rekstur heilsu-
gæslunnar. Stefán segir að sú
tilraun sé mjög spennandi og
hafi þegar veitt nýjum þrótti í
heilsugæsluna. En gæti sú til-
raun orðið fyrirmynd fyrir
Heilbrigðisstofnun Austur-
lands ef árangurinn verður
góður?
„Já, ef niðurstaðan verður
sú að rekstur heilsugæslunnar
sé verkefni sem sveitarfélögin
gætu yfirtekið þá gæti svona
stofnun tekið það að sér fyrir
þau. Við erum að flytja verk-
efnin heim í fjórðunginn og
gangi þetta vel gæti stofnunin
tekið að sér að starfrækja heil-
brigðisþjónustuna heima í
héraði, hvort sem það verður
gert í heilu lagi eða klofið nið-
ur í einstakar deildir," sagði
Stefán Þórarinsson.
Því má bæta við að nú er
verið að vinna úr umsóknum
um starf framkvæmdastjóra
nýju stofnunarinnar og verður
væntanlega ráðið í þá stöðu á
næstu dögum eða vikum. Að
sögn Stefáns mun það ráðast
af því hver ráðinn verður hvar
aðsetur framkvæmdastjórans
verður. Ekki er ætlunin að
setja upp mikla yfirbyggingu
heldur vinna verkin úti á stöð-
unum hér eftir sem hingað til.
-ÞH
Aðstoð
við uppgjör
Við aðstoðum og gætum réttar
þolenda umferðarslysa og annarra
slysa við uppgjör skaðabóta á
hendur vátryggingafélögum.
Við leggjum út fyrir öllum nauðsynlegum kostnaði við öflun
læknisvottorða og örorkumats.
Þorbergsson & Loftsdóttir
Sigurbjörn Þorbergsson hdl. • Helga Loftsdóttir hdl.
Ingólfsstræti 3 • Reykjavík • Sími 552 7500 • Fax 552 7501
Netfang: sigurb@vortex.is