Læknablaðið : fylgirit - 01.07.1995, Qupperneq 9

LÆKNABLAÐIÐ 1995; 81
9
Þóroddur Jónasson
Fæddur 7. október 1919
Dáinn 27. ágúst 1994
Minningarorð
Læknafélag Akureyrar sér nú á bak yfirburða-
manni úr sínum röðum, er það kveður hinztu
kveðju heiðursfélaga sinn, Pórodd Jónasson. Þór-
oddi var þann veg farið, að hann bar með sér innri
höfðingsskap og hefðarvald, hvar sem hann kom,
en hafði samt lag á að hækka hvern þann í sessi,
sem hann átti orðastað við. Lífsorka hans og karl-
mennska var með ólíkindum, og þegar saman
fóru háleit markmið, farsæl dómgreind og áköf
vinnusemi fór ekki hjá því, að ævistarf hans yrði
mikið og farsælt.
Þóroddur setti með nærveru sinni einni saman
sérstakan svip á hvern þann mannfund, er hann
sótti. Hann var víðlesinn og fjölmenntaður heims-
borgari, sem átti sínar traustu rætur í frjóum jarð-
vegi íslenzkrar sveitamenningar. Hann var félags-
lyndur og hrókur alls fagnaðar, enda tókst honum
öðrum betur að miðla af lífsorku sinni og lífsgleði
með listfengi í orðræðum, sagnamennsku og
hljóðfæraslætti. Enda þótti maðurinn fádæma
skemmtilegur og fæddur til að kenna og stjórna.
Gilti þá einu, hvort í hlut átti samstarfsfólk, söng-
kórar eða annar félagsskapur.
Nákvæmni og samvizkusemi einkenndi allt
starf Þóroddar, sem jafnframt var fagurlitað af
siðgæði og hugsjónum um bætta þjóðarheilsu og
betra mannlíf. Hugsun hans var skörp, viðbrögð-
in skjót og einarðleg og úrræðin ávallt viðeigandi.
Hann var djarfur og hlífði aldrei sjálfum sér.
Þóroddi hlotnaðist margvísleg virðing og veg-
semd um dagana. Fyrir áratug síðan varð hann
heiðursfélagi Læknafélags íslands, nokkru síðar
Félags íslenzkra heimilislækna og skömmu fyrir
andlát sitt var hann einróma kjörinn heiðursfélagi
Læknafélags Akureyrar. Drýgst varð honum þó
sú virðing, sem fólk úr öllum stéttum þjóðfélags-
ins sýndi með því að sækja til hans hollráð fram á
síðasta dag.
Læknafélag Akureyrar vottar syrgjendum
þessa gengna heiðursmanns sína dýpstu hluttekn-
ingu.
Pétur Pétursson
Þóroddur Jónasson veitir viðtöku heiðursskjali
Læknafélags íslands 20. september 1983.
Birtist í dagblöðum á útfarardegi 2. september 1994.