Læknablaðið : fylgirit - 01.07.1995, Síða 22

22
LÆKNABLAÐIÐ 1995; 81
Bjarni Rafnar, Jóhann Lárus, Guðmundur Karl
og Ragnheiður Dóra á skurðstofunni.
dómar. Yfirlit um húðsjúkdóma. Cancer coli.
Málþing um kvensjúkdóma og fœðingarhjálp,
blœðingartruflanir, vaginitis, eggjaleiðarabólgu,
tíðahvörf getnaðarvarnir.
Eftir það: Hjartaaðgerðir við lokugöllum og
kransæðasjúkdómum. Öldrunarmál. Efnabreyt-
ingar lyfja í líkamanum, frásog, aðgengi, helming-
unartími og niðurbrot þeirra. Málþing um
háþrýsting og angina pectoris, áhœttuþœtti kran-
sœðasjúkdóma, lyfjameðferð þeirra með beta-
blokkerum, calciumblokkerum og nitritum.
Eftir það: Lagfœring og uppbygging á brjóstum
eftir aðgerð á þeim við cancer. Tölvusneiðmyndir.
Niðurgangur. Cephalalgia. Málþing um bráða
slysameðferð, meðferð á slysstað, flutning sla-
saðra, höfuðáverka, brjóstáverka, útlimabrot,
augnáverka, handaráverka, andlitsáverka, eitran-
ir hjá börnum.
Eftir það: Prostaglandin, þáttur þess í bólgu.
Ónœmisfrœði og sjúkdómar. Arfgengar blœðing-
ar og amyloidosis íheilaæðum. Vinnueftirlit ríkis-
irts. Lyfjaheldni við háþrýsting. Málþing um innk-
irtlafræði, diabetes mellitus, kynþroska, thyreot-
oxicosis.
Eftir það: Bakterial meningitis. Langvinnur
sársauki, orsakir og meðferð. Sónarskoðanir.
Mæðravernd.
í ágúst 1982 var samþykkt að eftirleiðis skyldi
aðeins borið fram kaffi, ekki meðlæti, á fundum
félagsins. I september 1984 var samþykkt að
bannað skyldi að reykja á fundum félagsins.
Fyrsta veturinn eftir stofnun Læknafélags Ak-
ureyrar, þegar meðlimir þess voru aðeins sjö tals-
ins, voru fundir haldnir á heimilum læknanna til
skiptis en eftir það á hótelum, fyrstu tvö árin á
Hótel Akureyri síðan á Hótel Gullfossi en frá
1944 á Hótel KEA og þar lengstum síðan.
Læknarnir reru einir á báti, veittu sjúklingum
móttöku einir á stofu, störfuðu hver fyrir sig án
allrar aðstoðar, höfðu ekki ritara, ekki hjúkrun-
arkonu, ekki aðgang að rannsóknastofu, tak-
mörkuð afnot af röntgenrannsóknum og lítinn
stuðning af sérfræðingum. Raunar má segja, að
Steingrímur Matthíasson hafi í krafti reynslu sinn-
ar og kunnáttu verið jafngildur sérfræðingi í hand-
lækningum en Helgi Skúlason augnlæknir var
formlega viðurkenndur sérfræðingur í sinni
starfsgrein frá 1923. Var mikill fengur í honum
fyrir almenning og lækna þegar hann settist hér að
1927. Og það var stórt spor fram á við þegar
Guðmundur Karl Pétursson, sem fyrr hefur verið
sagt frá, kom hingað 1936. Hann var þá viður-
kenndur sérfræðingur í handlækningum og jafn-
framt fær í fæðingarhjálp og kvensjúkdómum.
Victor Gestsson, viðurkenndur sérfræðingur í
háls-, nef- og eyrnalækningum, starfaði hér í bæn-
um 1939-1944. Ólafur Sigurðsson, viðurkenndur
sérfræðingur í lyflækningum, starfaði sem lyf-
læknir og heimilislæknir í bænum frá 1951 og yfir-
læknir við lyflækningadeild FSA frá 1954. Bjarni
Rafnar, viðurkenndur sérfræðingur í kvensjúk-
dómum og fæðingarhjálp, starfaði sem slíkur við
handlækningadeild FSA frá 1955 og sem yfirlækn-
ir í þeim greinum frá 1971, þegar kvensjúkdóma-
og fæðingardeild varð sjálfstæð og aðskilin frá
handlækningadeild. Sigurður Ólason var sem
áður segir röntgenlæknir við sjúkrahúsið hér frá
maí 1955.
í ársbyrjun 1993 var Kristnesspítali sameinaður
FSA með öldrunar- og endurhæfingardeild sinni.
Þannig þróaðist sérfræðiþjónusta í læknisfræði
hér smám saman, stuðlaði að vexti og viðgangi
sjúkrahúsþjónustu. Leitast var við að haldast í
hendur við framvindu í tæknilegri læknisfræði eft-
ir föngum.
Hinn 11. nóvember 1973 á 100 ára afmæli sjúkra-
hússins, sem er elsta starfandi sjúkrahús í landinu,
var tekin fyrsta skóflustungan að nýrri viðbygg-
ingu við það og samanstendur hún af stórri tengi-
álmu og stóru þjónustuhúsi. Árið 1976 var tekinn í
notkun nyrsti hluti tengiálmunnar með kjallara og
þremur hæðum. Þangað á þriðju hæð var barna-
deildin flutt og rúmaði þá 12 rúm, en húsrými
hennar var þó enn of þröngt miðað við þarfir
hennar og aðstaða erfið til stundunar barna. Á
annarri hæð var hið nýfengna húsnæði tekið undir
þjónusturými handlækningadeildar og dagstofu.
Á fyrstu hæð var það nýtt fyrir þjónusturými lyf-
lækningadeildar og nýtt anddyri sjúkrahússins. Á