Læknablaðið : fylgirit - 01.07.1995, Qupperneq 39

LÆKNABLAÐIÐ 1995; 81
39
kenndar sem aðalgreinar skurðlæknisfræðinnar.
Skurðlæknisfræði er þannig orðin samsteypa af
mörgum sérgreinum. Samhliða þessari þróun í
skurðlæknisfræði hefur orðið óhjákvæmilegt að
lengja nám í sérgreinum. Eftir sex ára grunnnám
við læknadeildina kemur svokallað kandídatsár
en það er skyldutími til þess að fá almennt lækn-
ingaleyfi. Sérnám í skurðlækningum tekur að
meðaltali fimm til sex ár til viðbótar og að því
loknu tvö til þrjú ár ef viðkomandi vill fá viður-
kenningu í einhverri undirsérgrein. Sérfræði-
menntunin getur þannig tekið 13-16 ár frá stúd-
entsprófi.
Undanfarin ár hefur verið rætt um það hvort
nauðsynlegt sé að mennta lækna í almennum
skurðlækningum. A mörgum stórum spítölum
eru ráðnir sérfræðingar í öllum undirsérgreinum
og hliðarsérgreinum en á litlum eða meðalstórum
handlækningadeildum eru forsendur allt aðrar.
Almennar skurðlækningar hafa sannað gildi sitt
einmitt á slíkum stöðum. Sjúklingafjöldinn er
ekki það mikill að sérfræðingar í undirsérgreinum
geti haft nóg að gera til þess að viðhalda þekkingu
sinni í greininni. Aftur á móti eru þær kröfur
gerðar til almennra skurðlækna að þeir veiti eins
góða þjónustu á öllum sviðum skurðlæknisfræð-
innar og á stórum stöðum.
Undanfarna áratugi hafa einn eða tveir skurð-
læknar verið starfandi á Akureyri. Þróun í skurð-
læknisþjónustu hefur verið mikil. í byrjun
sjöunda áratugarins var stofnuð kvensjúkdóma-
deild sem fram til þess hafði verið hluti handlækn-
ingadeildar. Háls-, nef- og eyrnadeildin var stofn-
uð nokkrum árum seinna. Svæfinga- og gjör-
gæsluþjónusta og þjónusta á sviði
bæklunarlækninga var áfram veitt á vegum lækna
handlækningadeildar. Árið 1982 voru ráðnir sér-
fræðingar í þessum greinum og starfsemi þeirra
aðskilin frá almennum skurðlækningum. Árið
1990 kom til starfa sérfræðingur í æðaskurðlækn-
ingum. Kviðsjárskurðlækningar er nýjasta skurð-
læknisþjónustan á FSA, en hún hófst 1992. Hing-
að til hefur þvagfæraskurðlækningum verið sinnt
af almennum skurðlæknum á Akureyri en á 60 ára
afmælisári Læknafélags Akureyrar verður ráðinn
nýr sérfræðingur í þvagfæraskurðlækningum.
Skurðstofan á Spítalastíg. Steingrímur læknir að gera kviðslitaskurð á manni. Jónas Rafnar aðstoðar.
Skurðurinn er gerður með holdeyfingu á manninum vakandi. Júlíana Friðriksdóttir og svæfnir spítal-
ans Þórður Guðmundsson standa við höfðalagið á skurðarborðinu.