Sveitarstjórnarmál - 01.02.1982, Blaðsíða 47

Yfirlit um hafnarframkvæmdir árabilið 1967 tii 1980 og áætlaðar framkvæmdir á árunum 1981 til 1984 samkvæmt fjögurra
ára áætlununum 1979—1982 og 1981—1984. Kostnaðartölur eru relknaðar til sama verðlags og miðaðar við gömlu
byggingarvísitöluna 1. jan. 1981, sem var 12.435. Framkvæmdir Reykjavíkurhafnar og ferjuhafnlr ekki taldar með.
Áætlanir áranna 1975 — 78 og 1977—80 voru
gerðar af nokkurri bjartsýni með tilliti til þess fjár-
magns, sem fyrir hendi yrði, svo framkvæmdir urðu
á þessum tíma allmiklu minni en áætlanirnar gerðu
ráð fyrir. I hinum seinustu hefur verið reynt að fara
nær um mögulegt fjármagn svo sem sést á yfirlitinu
hér að ofan.
Þrátt fyrir það, að oft sé verulega brugðið út frá
því, er fram var sett i hinum fyrstu áætlunum, hefur
þó í meginatriðum verið unnið samkvæmt þeim.
Tæknilegar lausnir hafa ekki ætíð verið þær sömu,
sem fram voru settar í áætluninni, en eru þá byggðar
á frekari athugunum og/eða breytingum á þörfum
hafnanna, sem, eins og ég sagði áðan, eru oft mjög
örar.
Mér berast stundum kvartanir um áætlanagerð-
ina; tæknilegar lausnir séu ekki nógu fastákveðnar í
þeim, rannsóknir og skipulagning hafnanna sé ekki
nógu langt komin, og af þeim sökum verði fram-
kvæmdir að bíða.
Vissulega er það rétt, að ekki er lokið öllum rann-
sóknum, er geta orðið til gagns við hafnargerðir í
landinu, og ekki hafa verið skipulagðar allar hafnir
út í yztu æsar, en hins vegar tel ég, að lítið hafi verið
um það, að skortur á rannsóknum hafi beinlínis tafið
fyrir framkvæmd hafnargerða og alls ekki, ef litið er
á landið sem heild. Segja má, að á einstaka stað hafi
sú staða komið upp, að rannsóknir hefðu gjarnan
mátt vera heldur lengra komnar, en þá er ástæðan
venjulega sú, að mjög breyttir og ófyrirséðir hættir
krefjast nýrra mannvirkja. Svo er t. d. með tilkomu
nýs skips, síldin flytur sig til eða annað þess háttar.
Mjög ólíklegt er, þótt meiri rannsóknir hefðu verið
gerðar á viðkomandi stað, að þeim hefði verið beint í
þá átt, að skyndilega upp kominn vandi hefði leystst
fyrr.
SVEITARSTJÖRNARMÁL