Sveitarstjórnarmál - 01.04.1994, Qupperneq 8

SAMTALIÐ
Mikil aösókn hefur veriö aö sundlauginni frá því aö hún var
opnuö - „og allir komnir íný sundföt sem hæfa svo fallegri laug",
sagöi ein frúin. „Já, þaö eru allir aö sýna sig i nýju lauginni,"
segir galvaskur piltur. „Og veistu hvaö er nýja blauta línan, þaö
er aö ganga um bæinn meö blautt háriö. Þaö er toppurinn á
tískunni i dag. “ Ljósm. U. Stef.
„Og þeir skora og skora" eru kjörorö Grindvfkinga í körfubolta-
leikjum. Myndin er úr íþróttahúsinu í Grindavik.
veiðitömum, loðnuvertíð, þorskvertíð og síldarvertíð.
Menn sem eru á bátum sem hafa takmarkað úthald gefa
sér tíma til að stunda líkamsrækt á milli. Að sjálfsögðu
eru margir á menntabrautinni og skólafólk hefur tíma til
að leggja stund á íþróttir í ríkari mæli en þeir sem
stunda erfiðisvinnu. Ahugamenn hafa komið sér upp
golfvelli og hafa eldri borgarar tileinkað sér þá úti-
vistaríþrótt. Golfvöllurinn í Grindavík þykir mjög
ákjósanlegur vegna legu sinnar í hrauninu og við sjáv-
arsíðuna, landslag breytilegt og loftið heilnæmt. Með
aðstoð sveitarfélagsins er unnið að því að stækka hann
svo hann nái því að teljast fullgildur keppnisvöllur með
18 holum. Þetta ásamt Bláa lóninu, sem er hér í útjaðri
bæjarins, gerir Grindavík vænlegan dvalarkost fyrir þá
sem vilja sækja sér heilsu og líkamlega uppbyggingu."
- Hvernig sinnið þið málefnum aldraðra?
„Bæjarsjóður hefur nýlega tekið við rekstri og um-
sjón íbúða fyrir aldraða með samningi við áhuga-
mannafélag sem hóf byggingu þeirra fyrir hartnær tíu
árum. Húsið hefur fengið nafnið Víðihlíð. Með samn-
ingi við Sjúkrahús Keflavíkurlæknishéraðs og heil-
brigðisráðuneytið var helmingur hússins tekinn undir
langlegudeild fyrir aldraða og er þar rými fyrir 28 vist-
menn. í eignarhluta Grindavíkurbæjar, sem er 1500
ferm. að stærð, eru 12 íbúðir sem íbúðarréttur er seldur
í. Auk þess er í húsinu rými undir tómstundastarf aldr-
aðra og aðra þætti sem tengjast umönnun aldraðra."
- Við sitjum í nýjum bœjarskrifstofum í nýju stjórn-
sýsluhúsi.
„Skrifstofur bæjarins voru til skamms tíma í 100
fermetra íbúðarhúsnæði þar sem mjög þröngt var orðið
um starfsemina. Því var það meiri háttar breyting er
skrifstofur bæjarins og bókasafnið fluttu fyrir tveimur
árum í nýtt húsnæði sem er um það bil 500 fermetrar að
stærð. I sama húsi eru ýmsar aðrar þjónustustofnanir,
svo sem heilsugæslustöð, sjúkraþjálfun og banki.“
- Fyrir tveimur áratugum hófust miklar hafnarfram-
kvœmdir í Grindavík?
„í kjölfar Vestmannaeyjagossins árið 1973 varð
skyndileg þörf fyrir aukið viðlegurými í höfninni. Var
þá brugðist hratt við og hróflað upp bryggjum og reynt
að gera höfnina nýtanlega fyrir þann flota sem leitaði
ásjár hér á vetrarvertíðinni eftir gosið. Sumt af þessu
var gert af þeim vanefnum að mannvirkin hafa ekki
staðist tímans tönn og flotinn sem hefur leitað hingað
og haft hér aðsetur hefur breyst frá því sem var fyrir
tuttugu árum. Því er nú verið að endurbyggja þau
mannvirki sem þá var komið upp jafnframt því sem
unnið er að dýpkun innan hafnarinnar. Þykir mörgum
sem það verkefni sækist fullhægt en í þeim efnum
ræður að mestu ákvörðun ríkisvaldsins. Síðustu áætl-
anir gera ráð fyrir að höfnin gæti sinnt eðlilegu hlut-
70