Sveitarstjórnarmál - 01.04.1994, Síða 33

SAMEINING SVEITARFÉLAGA
Sameining
Vopnafjarðar-
hrepps og
Skeggjastaða-
hrepps felld
áný
í síðasta tölublaði var frá því skýrt
að ákveðið hefði verið að endurtaka
atkvæðagreiðslu um sameiningu
Vopnafjarðarhrepps og Skeggja-
staðahrepps. Tilefni þeirrar ákvörð-
unar var sú að tillaga um sameiningu
þessara hreppa hafði verið felld á
jöfnum atkvæðum hinn 20. nóvem-
ber og að almennur borgarafundur í
Skeggjastaðahreppi 8. mars hafði
skorað á hreppsnefndina að beita sér
fyrir því að atkvæðagreiðslan yrði
endurtekin. Var það gert laugar-
daginn 9. aprfl.
Niðurstaða atkvæðagreiðslunnar
varð enn sú að tillaga um sameiningu
þessara hreppa var samþykkt í
Vopnafjarðarhreppi en felld í
Skeggjastaðahreppi.
I Vopnafjarðarhreppi voru 611 á
kjörskrá. Atkvæði greiddu 294 eða
48%. Samþykkir sameiningu voru
181 eða 61,6%, en andvígir 110 eða
37,4%.
I Skeggjastaðahreppi voru 92 á
kjörskrá. Atkvæði greiddu 75 eða
82%. Samþykkir sameiningu voru 32
eða 42,7% en andvígir 43 eða
57,3%.
JAFNRÉTTI
Tvær áskoranir frá jafnréttisþingi
Á jafnréttisþingi, sem haldið var í
Reykjavík dagana 13.-14. október,
voru samþykktar tvær áskoranir til
sambandsins og sveitarstjórna lands-
ins.
Jafnréttisnefndir kosnar
Hin fyrri er um kosningu og störf
jafnréttisnefnda og er þannig:
„Jafnréttisþing, haldið 14. og 15.
okt. 1993, skorar á stjóm Sambands
íslenskra sveitarfélaga að það hlutist
til um að ákvæði laga um jafnréttis-
nefndir í sveitarfélögum með yfir
500 íbúa verði uppfyllt í kjölfar
sveitarstjórnarkosninga 1994. Þá
standi Samband íslenskra sveitarfé-
laga fyrir námskeiði fyrir jafnréttis-
nefndir í samvinnu við Skrifstofu
jafnréttismála."
Tillögunni fylgdi svofelldur rök-
stuðningur:
„Við endurskoðun laga um jafna
stöðu og jafnan rétt kvenna og karla
1991 var í fyrsta sinn lögfest að
sveitarfélög með 500 íbúa eða fleiri
skyldu stofna jafnréttisnefndir, þ.e.
o ©
ekki fyrr en ári eftir síðustu sveitar-
stjómarkosningar. Það hefur verið
töluverður misbrestur á að sveitarfé-
lög hafi uppfyllt þessa lagaskyldu
sína. Reynslan hefur sýnt að þeir
fulltrúar sem hafa tekið að sér
nefndarsetu í jafnréttisnefndum
þurfa upplýsingar og leiðsögn um
verksvið nefndanna, m.a. vegna þess
að það er lítil sem engin hefð fyrir
starfi þeirra."
Á fundi sínum þann 28. október
1993 lýsti jafnréttisráð yfir vilja sín-
um til samstarfs við Samband ís-
lenskra sveitarfélaga varðandi undir-
búning að námskeiðum fyrir fulltrúa
í jafnréttisnefndum.
Ályktunin var kynnt stjórn sam-
bandsins á fundi og samþykkti hún
að taka undir hana.
Uppbygging leikskóla
forgangsverkefni
Síðari áskorunin er svofelld:
„Jafnréttisþing, haldið dagana 14.
og 15. október 1993, skorar á stjórn-
völd og sveitarstjórnir að gera upp-
byggingu leikskóla fyrir öll börn að
forgangsverkefni næstu ára.“
Svofelldur rökstuðningur fylgdi
tillögunni:
„Nú þegar sífellt fleiri verkefni er
varða þjónustu við börn eru að færast
til sveitarfélaga er mikilvægt að
stjórnvöld tryggi að þeim sé ekki
mismunað eftir búsetu. í leikskóla-
lögunum frá 1991 er tekið fram að öll
böm frá sex mánaða aldri eigi rétt á
leikskólavist. Eins og staðan er núna
er þessari þjónustu við börn og for-
eldra þeirra misskipt og því fer það
oft og tíðum eftir búsetu foreldra og
félagslegri stöðu hvort börn eiga
raunverulegan rétt á leikskólavistun.
Að mati jafnréttisþings er slík staða
óásættanleg og því er krafa kvenna-
hreyfingarinnar um leikskóla fyrir
öll börn ítrekuð."
95