Sveitarstjórnarmál - 01.04.1994, Qupperneq 45

ATVINNUMAL
tíma í að túlka ýmis ákvæði laganna.
Langur tími fór í umræður um það
hvort styrkja bæri fræðsluaðila til
tækjakaupa. í því sambandi komu til
álita ákvæði 9. gr., einkum stafliðir
a og c. Niðurstaða ráðsins varð sú að
telja að tækjakaup séu að öllu jöfnu
ekki styrkhæf nema að fyrir liggi að
nauðsynlegur tækjabúnaður sé ekki
tiltækur og útvegun tækjanna sé for-
senda fyrir framþróun í hlutaðeig-
andi starfsgrein. Þessu til viðbótar
kom fram það álit að tækjabúnaður-
inn verði að vera öllum tiltækur en í
því felst að styrkir til tækjakaupa
verða einungis veittir starfsmennta-
stofnunum, almannasamtökum eða
opinberum aðilum þannig að sam-
keppnisstöðu fyrirtækja innbyrðis
verði ekki raskað.
Umsóknir bárust um stuðning við
skipulagningu námsbrauta í fram-
haldsskólum. Starfsmenntaráð hafn-
aði slíkum umsóknum með þeim
rökum að nám fyrir skólanemendur
falli undir framhaldsskólana og
menntamálaráðuneytið. Fara beri að
ákvæðum hlutaðeigandi laga við
ákvörðun um fjárveitingu til við-
fangsefna sem falla innan ramma
opinbera skólakerfisins.
í 2. mgr. 9. gr. segir að það sé að
öllu jöfnu forsenda styrkveitingar að
tiltekinn hluti af beinum rekstrar-
kostnaði námskeiða sé borinn af
þátttökugjöldum. Deilt var um túlk-
un á þessu ákvæði í starfsmenntaráði.
Ákveðið var að þátttökugjöld skyldu
standa undir rekstri námskeiða. Hins
vegar sé eðlilegt að taka tillit til
kostnaðar sem stofnast vegna nám-
skeiða sem haldin eru utan höfuð-
borgarsvæðisins. Enn fremur að taka
beri tillit til þess þegar um er að ræða
nýja aðila sem eru að byrja að vinna
að starfsmenntun. I því sambandi var
bent á að rekstrarkostnaður þeirra sé
oft meiri en hinna sem lengra eru
komnir.
Frá því lögin um starfsmenntun í
atvinnulífinu öðluðust gildi hefur
starfsmenntaráð úthlutað þrisvar
sinnum úr starfsmenntasjóði. Einu
sinni á árinu 1992 og tvisvar á árinu
1993. Á árinu 1994 er gert ráð fyrir
einungis einni úthlutun. Á fyrsta
starfsári laganna var úthlutað styrkj-
um til 19 aðila. Á síðasta ári voru
veittir styrkir til 34 aðila vegna 48
verkefna. Eitt af markmiðum starfs-
menntunarlaganna er að bæta stöðu
fólks á vinnumarkaði og þess sem er
tímabundið utan hans til að afla sér
starfsmenntunar, einkum þeirra sem
hafa notið lítillar eða engrar starfs-
menntunar. Þetta markmið á sér
skýringu. Þegar unnið var að undir-
búningi laganna kom fram að víða
erlendis höfðu tækifæri einstaklinga
til að nýta sér starfsmenntun verið
könnuð. I Ijós kom að því lengri sem
formleg skólaganga fólks er þeim
mun meiri starfsmenntunar nýturþað
síðar á ævinni. Framboð starfs-
menntunar virtist frekar sniðið að
þörfum langskólagengins fólks en
hinna sem höfðu styttra nám að baki.
Sama á við hér á landi. Hlutfallslega
hafa starfsmenntaráði borist fáar
umsóknir vegna námskeiða sem
stefna að því að fjölga tækifærum
ófaglærða fólksins til að afla sér sér-
menntunar. Þetta hefur valdið von-
brigðum. Þó eru vonir um að slíkum
umsóknum fjölgi.
Um þessar mundir er starfs-
menntaráð að kalla eftir upplýsing-
um um það hvernig styrkjum sem
hefur verið úthlutað úr starfsmennta-
sjóði hefur verið varið. Ákveðið er
að leggja nokkra vinnu í fara yfir þær
upplýsingar sem berast. Niðurstaðan
verður leiðbeinandi fyrir framhaldið.
Ef til vill leiðir hún í ljós að grípa
verður til sérstakra aðgerða vegna
þeirra sem hafa takmarkaða mögu-
leika til starfsmenntunar og rann-
sóknir sýna að eiga undir högg að
sækja á vinnumarkaðinum.
Heimildir:
1) Félagsmálaráðuneytið, Áhrif nýrrar tœkni,
fjölrit, Reykjavík, 1985.
2) Félagsmálaráðuneytið, Áhrif nýrrar tœkni,
erindi flutt á ráðstefnu í Borgartúni 6 28.
nóvember 1987, fjölrit, mars 1988.
3) Starfsmenntun í atvinnulífinu, álitsgerð
vinnuhóps sem falið var að gera tillögur um
skipulag starfsmenntunar, óútgefið fjölrit, fé-
lagsmálaráðuneytið, febrúar 1989.
4) Starfsmenntun í atvinnulífinu, álitsgerð,
félagsmálaráðuneytið, febrúar 1989.
5) Niðurstaðan úr viðrœðum félagsmála-
ráðuneytisins og menntamálaráðuneytisins
kemur fram í minnisblaði, dags. 23. febrúar
1989. Það er birt sem fylgiskjal með frum-
varpi til laga um starfsmenntun íatvinnulífinu
sem fyrst var lagt fyrir Alþingi á 112. lög-
gjafarþinginu 1990.
F élagsmálastj óri
Laust er til umsóknar starf félagsmálastjóra Eskifjarðar-
kaupstaðar og Reyðarfjarðarhrepps.
Um er að ræða a.m.k. 70% starf.
Æskileg menntun félagsráðgjöf eða sambærileg menntun.
Umsóknarfrestur er til 30. júní nk.
Frekari upplýsingar veitir bæjarstjórinn á Eskifirði
í síma 97-61175.
I 07