Sveitarstjórnarmál - 01.04.1994, Qupperneq 47

FRÆÐSLUMÁL
fikra sig áfram að þessu marki með
því að setja þær undir eitt þak.
Einnig væri mögulegt að sameina
vinnuskólann og grunnskólann. Sá
fyrrnefndi starfar á þeim tíma sem
hinn starfar ekki og því liggur það
beint við. Auðvitað má einnig hugsa
sér fullorðinsfræðslu og námskeiða-
hald undir þessum sama hatti. Með
þessu móti getur flutningur grunn-
skólans til sveitarfélaganna orðið til
þess að efla hann á landsbyggðinni.
Upp risi stofnun sem hefði fjölþætt
mennta- og uppeldishlutverk. Að-
stæður eru vitaskuld æði misjafnar í
sveitarfélögunum og verður að taka
tillit til þeirra á hverjum stað.
Þeir sem kosnir verða til sveitar-
stjórna í vor koma til með að taka við
grunnskólanum frá ríkinu. Sveitar-
stjórnarmenn eru að taka yfir afar
víðfeðman málaflokk og það þarf
mikla kunnáttu og góðan vilja til að
koma honum farsællega í höfn. Hann
krefst einnig sérþekkingar á sumum
Vesturhópsskóli í
Þverárhreppi í
Vestur - Húnavatns-
sýslu. Ljósm. U. Stef.
sviðum. Hlutverk sveitarstjórna
gagnvart grunnskólanum verður nú
ekki einungis fólgið í að sjá honum
fyrir húsnæði og búnaði, heldur þurfa
þær að huga að ýmsum málum sem
hafa mikil áhrif á innra starf skólans,
s.s. eins og tímaúthlutun og sér-
kennslumál. Sveitarstjórnarmenn
þurfa því að koma sér upp skólapóli-
tískri sýn, þeir þurfa að setja sig vel
inn í skólamál svo að ákvarðanir
þeirra verði skólanum til framdráttar.
Þeir verða að vanda sig, grunnskól-
inn er ein mikilvægasta stofnun
samfélagsins. Hann er viðkvæmur og
það er auðvelt að skemma en getur
verið erfiðara að byggja upp aftur.
Sveitarstjómarmenn verða því að
leita á þau mið þar sem þekkingin á
skólamálum er fyrir hendi, til skóla-
stjóra og kennara. Samtök fámennra
skóla eru að sjálfsögðu reiðubúin til
að veita allan þann stuðning sem
hugsast getur til að leiða málið far-
sællega til lykta.
STOFNLANADEILD LANDBUNAÐARINS
Laugavegi 120,105 Reykjavík. Sími 91-25444
Umsóknir um lán vegna framkvæmda á árinu 1995 þurfa að berast Stofnlánadeild landbúnaðarins
fyrir 15. september næstkomandi.
Umsókn skal fylgja teikning og nákvæm lýsing á framkvæmdinni, þar sem meðal annars er tilgreind
stærð og byggingarefni.
Ennfremur skal fylgja umsögn héraðsráðunautar svo og.veðbókarvottorð. Þá skal fylgja umsókn
búrekstraráœtlun til 5 ára og koma þarf fram hverjir væntanlegir fjármögnunarmöguleikar um-
sækjanda eru.
Þeir sem hyggjast sækja um lán til dráttarvélakaupa á árinu 1995 þurfa að senda inn umsóknir fyrir
31. desember nk.
Allar eldri umsóknir falla úr gildi 15. september nk.
Það skal tekið fram, að það veitir engan forgang til lána þó að framkvœmdir séu hafnar áður en
lánsloforð frá deildinni liggur fyrir.
Sérstök athygli er vakin á því að Stofnlánadeild landbúnaðarins er óheimilt lögum samkvæmt að fara
á eftir öðrum veðhöfum en opinberum sjóðum. Lántakendum er sérstaklega bent á að tryggja sér
veðleyfi vegna væntanlegrar lántöku frá lífeyrissjóðum öðrum en Lífeyrissjóði bænda og öðrum
þeim aðilum, sem eru með veð í viðkomandi jörð.
BÚNAÐARBANKI ÍSLANDS STOFNLÁNADEILD LANDBÚNAÐARINS
109