Sveitarstjórnarmál - 01.04.1994, Qupperneq 49

UMHVERFISMÁL
B. Framkvæmdir sem háðar eru mati á umhverfis-
áhrifum þegar þær kunna að hafa umtalsverð um-
hverfisáhrif
Umhverfisráðherra er heimilt að ákveða að meta
þurfi umhverfisáhrif annarra framkvæmda. Fer það þá
eftir framkvæmdarstað, eðli framkvæmdar eða umfangi
hversu umtalsverð umhverfisáhrif hennar eru talin
kunna að vera og þá hvort meta þurfi þau. Áður en
ráðherra úrskurðar um hvort framkvæmd sé matsskyld
skal hann leita álits skipulagsstjóra og umsagnar fram-
kvæmdaraðila. leyfisveitanda og hlutaðeigandi sveitar-
stjórnar.
í reglugerð nr. 179/1994, um mat á umhverfisáhrif-
um, er viðmiðunarlisti yfir framkvæmdir sem gæti þurft
að meta. Ber framkvæmdaraðila og/eða viðkomandi
leyfisveitanda að tilkynna slíkar framkvæmdir til um-
hverfisráðherra telji þeir að þær kunni að valda um-
talsverðum umhverfisáhrifum. Almenningi er einnig
heimilt að tilkynna framkvæmd til ráðherra og fara
fram á að umhverfisáhrif skuli metin.
Framkvæmdaraöili metur sjálfur um-
hverfisáhrif framkvæmdar
Framkvæmdaraðili metur sjálfur eða fær hæfa aðila
til að meta umhverfisáhrif framkvæmdar og gerir grein
fyrir þeim forsendum sem að baki matinu liggja. Full-
nægjandi yfirlit yfir hverja framkvæmd fæst því aðeins
að forsendum, hönnun. byggingu og rekstri sé lýst til
hlítar og valkostir sem til greina koma séu bornir sam-
an. Meðal þeirra atriða sem gera þarf grein fyrir er
hvernig mannvirki muni líta út, úr hverju er byggt,
staðarvali og hvernig það fellur að samþykktu skipu-
lagi. Auk þess skal tilgreina þau áhrif sem fram-
kvæmdin og fyrirhuguð starfsemi kunna að hafa á dýr,
plöntur, jarðveg, vatn, loft, veðurfar, jarðmyndanir,
landslag og samverkan þessara þátta. Einnig skal lýsa
áhrifum hennar á ntenningu og samfélag. Með áhrifum
er bæði átt við æskileg og óæskileg áhrif. Á næstunni
mun Skipulag ríkisins gefa út leiðsögureglur um nánari
útfærslu matsins.
Afgreidsla matsskyldra framkvæmda hjá
Skipulagi ríkisins
Afgreiðsla Skipulags ríkisins á mati á umhverfís-
áhrifum skiptist í tvo þætti, frumathugun og aðra at-
hugun.
Frumathugun
Frumathugun hefst þegar framkvæmdaraðili sendir
skipulagsstjóra tilkynningu um framkvæmd (1. mynd).
Hann skal tilkynna framkvæmdina eins snemma á
undirbúningsstigi og kostur er. Með tilkynningunni
fylgir lýsing á framkvæmdinni, ráðgerðri hönnun,
hugsanlegri umhverfisröskun og fyrirhuguðum ráð-
stöfunum til að draga úr henni. Jafnframt skulu koma
fram markmið framkvæmdar og ef við á upplýsingar
um hvernig markmið falla að stefnumörkun stjórn-
valda, ásamt upplýsingum um aðra kosti sem kannaðir
hafa verið í sambandi við staðarval eða tilhögun fram-
kvæmdar, eftir því sem við á.
Skipulagsstjóri birtir innan tveggja vikna tilkynningu
um framkvæmdina. Almenningi, fyrirtækjum og opin-
berum aðilum sem málið varðar gefst þá tækifæri til að
kynna sér framkvæmdina og korna með athugasemdir
innan fimm vikna frá birtingu tilkynningarinnar.
Við frumathugun er einnig leitað eftir athugasemdum
frá lögbundnum umsagnaraðilum og leyfisveitendum er
hafa þriggja vikna frest til að skila þeim. Það er háð
framkvæmd til hvaða umsagnaraðila er skylt að leita en
alltaf verður leitað til viðkomandi sveitarstjórna og
Náttúruverndarráðs. Síðan verður, eftireðli máls, leitað
til Hollustuverndar rfkisins, fornleifanefndar Þjóð-
minjasafns eða annarra stofnana. Með samráði við lög-
bundna umsagnaraðila við frumathugun fæst mat á
þeim upplýsingum er bárust frá framkvæmdaraðila.
Innan átta vikna frá því að skipulagsstjóri birti til-
kynningu framkvæmdaraðila kveður hann upp rök-
studdan úrskurð um hvort:
1. mynd
Frumathugun hjá skipulagsstjóra