Sveitarstjórnarmál - 01.12.1995, Page 51

FERÐAMÁL
Foss á Síöu. Ljósm. Elíeser Bjarnason.
Skaftárhreppur tilnefndur fyrir íslands
hönd til Evrópskra umhverfisverðlauna
ferðaþjónustunnar 1995
Framkvæmdastjórn Evrópusam-
bandsins og aðildarríki Evrópska
efnahagssvæðisins munu nú um ára-
mótin veita umhverfisverðlaun
ferðaþjónustunnar í fyrsta sinn.
Samkeppni um verðlaunin fer fram í
17 ríkjum. Þátttaka í samkeppninni
byggist á umsóknum sem dómnefnd
í viðkomandi ríki fjallar urn og til-
nefnir síðan fulltrúa sinn.
Markmið með veitingu verðlauna
er að efla ábyrgðarkennd stjórn-
valda og aðila í ferðaþjónustu gagn-
vart umhverfinu við skipulag og
framkvæmd ferðamála. Einnig miða
verðlaunin að því að efla sjálfbæra
ferðaþjónustu og stuðla þannig að
jákvæðri efnahagslegri og félags-
legri þróun með sérstöku tilliti til
umhverfisins.
Að þessu sinni valdi íslenska
dómnefndin Skaftárhrepp sem full-
trúa sinn í keppninni. Frá hreppnum
kom vel unnin umsókn þar sem
svarað var stöðluðum spurningum
og sagt var frá stöðu umhverfis- og
skipulagsmála í hreppnum. Þar var
einnig lýsing á ferðaþjónustu
hreppsins og náttúrufari og sagt frá
stefnumótun í ferðaþjónustu í Skaft-
árhreppi þar sem sett er fram fram-
kvæmdaáætlun fyrir árin
1992-1997.
1 lokaorðum umsóknarinnar segir:
„Stefhumótun íferðaþjónustu Skaft-
árhrepps er tvímœlalaust sú ráðstöf-
un sem hvað mestum árangri hefur
skilað í umhverfis- ogferðamálum á
svæðinu. Við það að taka þátt í
stefnumótunarvinnunni varð heima-
mönnum Ijósari sú staðreynd að
ferðaþjónustan er einn mikilvægasti
þátturinn í atvinnuuppbyggingu
svæðisins. Menn urðu einnig með-
vitaðri um að mesta auðlind svœðis-
ins er stórbrotin og viðkvæm náttúr-
an, náttúruperlur og sögustaðir
héraðsins. “
24 1