Sveitarstjórnarmál - 01.12.1995, Blaðsíða 61

NÁTTÚ RUHAMFARIR
skipin Óðinn og Ægir fluttu
björgunarlið frá Grundarfirði
og frá Reykjavík og togarinn
Sléttbakur frá Patreksfirði og
náðu til Flateyrar síðdegis
og að kvöldi 26. október.
Þyrlur Landhelgisgæslunnar
og vamarliðsins fluttu lækn-
ishjálp og leitarhunda sem
komu m.a. frá Egilsstöðum
og sönnuðu á ný gagnsemi
sína. Talið er að samtals hafi
á annað þúsund manns sinnt
leitar- og björgunarstarfi
beint og óbeint og margir
þeirra við hinar erfiðustu að-
stæður á Flateyri.
Fjölmiðlar í samstarfi við
Hjálparstofnun kirkjunnar
og Rauða kross Islands
stóðu að landssöfnun til
stuðnings þeim sem fyrir
tjóni urðu á Flateyri eins og
gert var eftir snjóflóðið á
Súðavík 16. janúar. Mjög al-
menn þátttaka var í fjársöfn-
uninni. Um 260 milljónir krónar söfnuðust innanlands
eða svipað og eftir snjóflóðið á Súðavík. Einnig var al-
menn fjársöfnun í Færeyjum þar sem 25 millj. króna
Á Flateyri 1. nóvember. Á myndinni eru, taliö frá vinstri,
Kristján J. Jóhannesson, sveitarstjóri á Flateyri, Magnea
Guömundsdóttir, oddviti Flateyrarhrepps, og Vilhjálmur P.
Vilhjálmsson, formaöur sambandsins. Ljósm Kristján Þór
Júlfusson, bæjarstjóri á ísafiröi.
Ris fluttist eina hundrað metra úr staö meö flóöinu. Ljósm. Svanbjörg Haraldsdóttir.
söfnuðust. Einnig hefur fjárstuðningur borist frá almenn-
ingi í vesturhéruðum Noregs. Samúðarkveðjur bárust frá
þjóðhöfðingjum margra landa og fleirum. Þannig sendi
stjóm Sambands sveitarfélaga í Grænlandi sambandinu
samúðarkveðjur og bað að þeim yrði komið til hrepps-
nefndar Flateyrarhrepps.
Nolckrir forustumenn sambandsins heimsóttu Flateyri
hinn 1. nóvember og sambandið fór þess á leit við sveit-
arstjómir landsins að þær létu noklcra fjárhæð af hendi
rakna til Flateyrarhrepps á hliðstæðan hátt og gert var
eftir snjóflóðið á Súðavík. Undirtektir við því erindi
sambandsins hafa verið góðar.
Eftir snjóflóðin á Súðavík og Flateyri er ljóst að þung
áhersla verður nú lögð á að láta fram fara mat á snjó-
flóðahættu í þeim byggðarlögum sem vitað er að búa við
þá vá sem leynist víðar en áður hefur verið ætlað.
Aðspurður segir Magnús Már Magnússon, deildar-
stjóri snjóflóðadeildar Veðurstofu íslands, að nú sé af
kappi unnið að því að kortleggja þau svæði sem búa við
snjóflóðahættu. „Reynslan sýnir,“ sagði hann í samtali
við Sveitarstjórnarmál, „að hættumat okkar verður að
byggjast á fleiri forsendum heldur en notaðar hafa verið
til þessa. Það er afar brýnt að allar heimildir um snjóflóð
og frásagnir komist til skila til okkar í snjóflóðadeild
Veðurstofunnar. Við munum á næstunni einbeita okkar
að því að útbúa fyrir hina einstöku staði áhættumat þar
sem gerð er grein fyrir hversu mikil eða mismikil hættan
er á hverjum stað.“
U. Stef
25 1