Sveitarstjórnarmál - 01.12.1995, Blaðsíða 62
ERLEND SAMSKIPTI
Náttúruhamfarir og neyðarhjálp
22.-24. apríl 1996
Dagana 22., 23. og 24. aprfl 1996
verður í Amsterdam haldin alþjóð-
leg ráðstefna sveitarstjórnarmanna
um náttúruhamfarir og neyðarhjálp.
Innanríkisráðuneytið í Hollandi
heldur ráðstefnuna í samstarfi við
Samband hollenskra sveitarfélaga,
Alþjóðasamband sveitarfélaga
(IULA), Evrópusambandið og Sam-
einuðu þjóðimar (SÞ). Á árinu 1994
var að frumkvæði Sambands sveit-
arfélaga í Israel haldin í Tel Aviv
ráðstefna um hópslys og björgunar-
störf. I framhaldi af því var settur á
laggimar vinnuhópur skipaður full-
trúum sveitarfélaga sem stafar ógn
af meiri háttar náttúruhamförum og
öðrum stórslysum. I vinnuhópinn
völdust fulltrúar frá Ástralíu,
Bandaríkjunum, Bretlandi,
Hollandi, Indlandi, ísrael, Kanada,
Kína, Rússlandi, Suður-Afríku, Sví-
þjóð og Þýskalandi auk fulltrúa
IULA og SÞ. Ráðstefnan í Hollandi
er haldin að tillögu þessa hóps. Gert
er ráð fyrir að hliðstæð ráðstefna
verði haldin í Kanada á árinu 1998.
Á ráðstefnunni halda sérfræðingar
framsöguerindi um þá vá sem borið
getur að höndum í hinum einstöku
sveitarfélögum. Síðan verður efnið
rætt í hópum. Unnt er að velja milli
nokkurra umræðuhópa. Fjalla þeir
um hópslys, flóð, jarðskjálfta, þur-
rka, slys af völdum hættulegra efna,
flugslys, kjarnorkuslys, umhverf-
isslys, um stefnumörkun og stjórnun
á sviði björgunarmála og um skipu-
lagningu almannavama. Rætt verð-
ur urn fyrirbyggjandi aðgerðir,
áhættumat og áfallahjálp, allt í ljósi
nýlega fenginnar reynslu.
I framhaldi ráðstefnunnar gefst
þátttakendum kostur á dagsferð til
nokkurra sveitarfélaga og að kynna
sér hvernig Hollendingar búa sig
undir stórslys. M.a. verður heimsótt
slökkvistöð í Rotterdam, slysa-
sjúkrahús í Utrecht og flóðasvæði í
Zeeland-héraði. Kynnt verður
hvemig tókst snemma árs 1995 með
örstuttum fyrirvara að flytja 200
þús. manns milli landshluta vegna
hættu á flóðum. Eftir ráðstefnuna
gefst einnig kostur á að skoða sýn-
inguna „Brunavarnir '96“ sem þá
stendur yfir í ráðstefnumiðstöðinni
RAI, þar sem ráðstefnan verður
haldin. Hún er í nágrenni Schiphol-
flugvallar og eigi fjarri miðbæ
Amsterdam.
Ráðstefnan fer fram á ensku.
Þátttökugjald er 750 hollensk
gyllini eða tæplega 31 þús. ísl. krón-
ur. I því eru innifaldar máltíðir í tvo
daga, kynnisferðin, aðgöngumiðar
að brunavarnasýningunni og far-
gjald milli hótels og ráðstefnumið-
stöðvarinnar.
Nánari upplýsingar veitir Unnar
Stefánsson á skrifstofu sambands-
ins, í síma581 3711.
H-Laun
Heildarlausn sem einfaldar
Launabókhald
Og það máttu bóka!
252