Helgafell - 01.06.1942, Page 30

Helgafell - 01.06.1942, Page 30
164 HELGAFELL veir um daginn og færð svo þung, að hann varð að kafa klofsnjó mest af leiðinni byggða milli. Var hann orðinn þreyttur mjög, er hann kom að Sunnudal í Vopnafirði, eftir langa mæðu. Síðla hausts gekk hann eitt sinn frá Siglufirði til Reykjavíkur, en lítið kvaðst hann hafa séð af landinu á þeirri ferð, því megin hluta leiðarinnar hefði hann farið í myrkri. Á ferðum sínum athugaði hann jarðmyndanir, jurtagróður og fuglalíf. Aflaði hann sér á þennan hátt svo mikillar þekkingar á landinu og gróður- ríki þess, að þar munu tæpast hafa staðið honum á sporði aðrir en fær- ustu fræðimenn. V. Það kom snemma í ljós, að Magnús hafði fengið í vöggugjöf ríka hneigð til kveðskapar. En að sjálfsögðu hefur það, hve rímnakveðskapur var mikið hafður um hönd á Þorvaldsstöðum, ýtt undir, hversu snemma hann byrjaði að yrkja. Kvöldvökunum á Þorvaldsstöðum lýsir Magnús á þessa lund: ,,Frá vetrarnóttum til sumarmála voru sögur lesnar eða rímur kveðnar á hverju kvöldi, í tvo klukkutíma, frá klukkan 7 til 9. Síðan var kvöldmatur- inn, þá lesinn húslesturinn með sálmasöng fyrir og eftir, og síðan háttað. Frá því ég var 4 til 7 eða 8 ára var heimilisfastur góður kvæðamaður, og hefur þá rímnakveðskapurinn verið öllu tíðari en sögulesturinn. Mér þótti rímnakveðskapurinn snemma góð skemmtun, og hafði mikinn áhuga fyrir þeirri grein. Því var það einu sinni, er mamma var að láta mig lesa faðir- vorið eftir húslesturinn, að ég sagði í staðinn fyrir amenið eftir signinguna: Nú vildi ég, að Ulfarsrímur væri komnar. — Það var einhvern tíma, er ég var á 6. eða 7. ári, að kona úr nágrenninu var næturgestur hjá okkur. Það kvöld voru rímur kveðnar. Er hún sá, að ég sat hreyfingarlaus allan tím- ann, flötum beinum á pallinum, og góndi upp í kvæðamanninn, spurði hún mömmu: „Skilur hann þetta ?“ Þetta þótti mér heimskuleg spurning og stór-móðgandi, því ég vissi ekki betur, en að ég skildi rímur til fulls, eða að minnsta kosti eins vel og hver annar. En að ég horfði fast á kvæðamann- inn, var með fram vegna þess, að hann hafði þann sið að láta neðri skoltinn ganga ótt og títt til hliðanna, til þess að fá dill á lotuna eða seiminn í erindis- lok, og það þótti mér kostuleg skemmtun að sjá, hvernig skeggið hristist. Hinir karlmennirnir á heimilinu jöfnuðust ekki á við þennan kvæðamann. Hann var kvæðamaður af guðs náð. En þeir voru bara eins og fólk er flest. Og þegar hann fór var lítið kveðið á kvöldvökum. En hitt var daglegt, að menn rauluðu við vinnu sína, bæði úti og inni. Mér virtist hver hafa sitt kvæðalag og ekki læra eða nota nokkurn tíma annarra lag. Svo leit út sem hver og einn byggi sér til kvæðalag, líklega ósjálfrátt, og því hélt hann síðan. Það nægði honum, og hefur eflaust verið eðlilegur ávöxtur
Page 1
Page 2
Page 3
Page 4
Page 5
Page 6
Page 7
Page 8
Page 9
Page 10
Page 11
Page 12
Page 13
Page 14
Page 15
Page 16
Page 17
Page 18
Page 19
Page 20
Page 21
Page 22
Page 23
Page 24
Page 25
Page 26
Page 27
Page 28
Page 29
Page 30
Page 31
Page 32
Page 33
Page 34
Page 35
Page 36
Page 37
Page 38
Page 39
Page 40
Page 41
Page 42
Page 43
Page 44
Page 45
Page 46
Page 47
Page 48
Page 49
Page 50
Page 51
Page 52
Page 53
Page 54
Page 55
Page 56
Page 57
Page 58
Page 59
Page 60
Page 61
Page 62
Page 63
Page 64
Page 65
Page 66
Page 67
Page 68
Page 69
Page 70
Page 71
Page 72
Page 73
Page 74
Page 75
Page 76
Page 77
Page 78
Page 79
Page 80
Page 81
Page 82
Page 83
Page 84
Page 85
Page 86
Page 87
Page 88
Page 89
Page 90
Page 91
Page 92
Page 93
Page 94
Page 95
Page 96
Page 97
Page 98
Page 99
Page 100
Page 101
Page 102
Page 103
Page 104
Page 105
Page 106
Page 107
Page 108
Page 109
Page 110
Page 111
Page 112
Page 113
Page 114
Page 115
Page 116
Page 117
Page 118
Page 119
Page 120

x

Helgafell

Direct Links

If you want to link to this newspaper/magazine, please use these links:

Link to this newspaper/magazine: Helgafell
https://timarit.is/publication/1076

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.