Helgafell - 01.06.1942, Síða 110

240
HELGAFELL
sigri í styrjöldinni aÖ lokum. En hann telur, að
hefði allt veriÖ með felldu, hefði henni getað
verið lokið á þessu ári. Höfundur rökstyður yf-
irleitt ádeilur sinar svo raskilega, að lesandinn
sér ekki ástæðu tii að rengja hann. Ekki er
sízt athyglisvert sumt af því, er hann segir um
niðurlægingu brezkra menningarmála, t. d. i
sambandi við útvarpið þar i landi. Jákvæðar
skoðanir höfundar eru þó fremur á huldu. —
Hann virðist hafa sérstöðu um margt. Enskur
íhaldsmaður, eins og hann kveðst vera í raun-
inni, og öruggur vinur Sovét-Rússlands, geta
prýðilega rúmazt í einni persónu nú á tímum,
en hitt mun óvenjulegra, að eindreginn fjand-
maður nazista og ákveðinn andstæðingur Gyð-
inga eigi þar varanlega sambúð.
V erðlaunasamkeppnin
Þrjátíu höfundar tóku þátt í samkeppni þeirri um verðlaun
fyrir smásögur, sem auglýst var í marzhefti Helgafells. Fjórir
sendu tvær sögur, og komu því þrjátíu og fjórar sögur til álita.
Dómnefnd skipuðu, eins og auglýst hafði verið, Þórir Bergs-
son rithöfundur og ritstjórar Helgafells.
Nefndin leit svo á, að athuguðu máli, að þrátt fyrir verðleika
þeirra sagnanna, sem beztar voru, að hennar dómi, væri ekki fært
að dæma neinum höfundanna i. verðlaun, 700 krónur, enda
hafði verið tekið fram í upphafi, að um verðlaunahæfni yrðu
gerðar almennar kröfur, en ekki einvörðungu farið eftir saman-
burði á þeim sögum, er berast kynnu. Nefndin taldi, að hér væri
um svo há verðlaun að ræða á íslenzkan mælikvarða, að þau
bæri ekki að veita fyrir aðra sögu en þá, er þykja mætti varan-
legur vinningur íslenzkri smásagnagerð.
Hins vegar varð nefndin sammála um það, að tvær sam-
keppnissagnanna væru svo snjallar, að þær ættu riflega viður-
kenningu skilið. Voru sögur þessar merktar einkunnunum
„C + Z“ og Draumur til kaupa." Reyndist hin fyrrtalda, Lif-
endur og dauSir vcra eftir GuSmund Danlelsson frá Guttorms-
haga, en hin, Draumur til kaufs, eftir Halldór Stefánsson, Bar-
ónsstíg 55, Reykjavík. Leit nefndin svo á, að sanngjarnt væri,
að veita 350 króna verðlaun fyrir hvora þeirra, og skyldi hvort
tveggja teljast önnur verðlaun.
fafnframt ákváSu nefndin og útgáfustjórn Helgafells í sam-
einingu, að 700 króna verðlaunin skuli standa til hoða, eftir
sem áður, hverjum þeim höfundi, er fyrstur sendir Helgafelli
til birtingar smásögu, er fullniegi framangreindum skilyrðum.
Enn hefur ekki verið ákvcðið, hverjar samkeppnissögur aðrar
Helgafell kann að kjósa sér ti! birtingar, en þegar það hefur
verið gert, munu öll þau handrit, sem ekki verða tekin til birt-
ingar, send höfundum sínum.
Höfundar sagnanna, er merktar voru „Pythia" og „Amor í
Skuggahverfinu" eru beðnir að vitja sagna sinna eða senda
Helgafelli nöfn sín.