Morgunblaðið - Sunnudagur - 19.01.2014, Síða 19

Fyrir þá sem hafa gaman af því að
kíkja í verslanir verður ekki komið að
tómum kofunum í Vínarborg frekar en
öðrum heimsborgum. Hún verður þó seint
talin ódýr í samanburði við margar aðrar.
Kartnerstrasse er skemmtileg göngugata í
miðbænum, skammt frá óperunni og
Sacher-hótelinu. Mariahilfer Strasse er svo
stærsta verslunargatan auk þess sem verslunar-
miðstöðvar eru þónokkrar. Á Kohlmarkt
eru flest ef ekki öll helstu hátískuhús
heimsins með útibú og verðlagið
eftir því.
TÓNLEIKAR UM ALLA BORG
Ef Vínarborg er þekkt fyrir eitthvað öðru fremur er það fyrir að
vera vagga tónlistarinnar.
Hér ólust helstu meistararnir ýmist upp eða dvöldu lang-
dvölum, hvort sem um ræðir Mozart, Beethoven, Brahms, Mahl-
er, Schubert, Strauss eða aðra. Að ógleymdum Vínardrengja-
kórnum sem borgin er líka fræg fyrir.
Tónlistin skipar enn ríkulegan þátt í menningarlífi borgarinnar
og eru fjölmargir tónleikar þar í boði dag hvern.
Flestir þekkja ennfremur Fílharmóníusveit borgarinnar, ekki
síst af nýárstónleikum hennar ár hvert. Heimavöllur sveitarinnar
er tónleikasalurinn Wiener Musikverein, en þangað leggja ófáir
leið sína til að njóta fallegra tóna.
Hafi fólk lengi haft hug á að ná sér í gamalt
„góss“ á góðu verði er ekki úr vegi að koma
við í einhverju af uppboðshúsum
Vínarborgar. Er oftar en ekki hægt
að virða þar fyrir sér muni sem
munu boðnir upp þá vikuna og það í
öllum verðflokkum. Kennir oft ýmissa grasa á
slíkum slóðum, t.d. í Dorotheum. Þar er oft-
ar en ekki hægt að bjóða í silfur, skart, hús-
gögn, úr og málverk, og gera góð kaup.
UPPBOÐSHÚS
Ráðhúsið er ein bygginganna
við hringveginn. Á torginu
þar er iðulega mikið líf og oft
eitthvað um að vera.
19.1. 2014 MORGUNBLAÐIÐ SUNNUDAGUR 19
Það væri til að æra óstöðugan að nefna öll
söfnin sem er að finna í Vínarborg en þau
eru yfir 100 talsins.
Mörgum höllum hefur sem dæmi verið
breytt í söfn og það jafnvel fleiri en eitt. Til
dæmis eru söfnin þrjú í hinni tilkomumiklu
aðalhöll Habsborgaranna við Ringstrasse,
Hofburg. Þar er m.a. hægt að kynna sér
hvernig aðalsfólkið bjó.
Önnur höll sem inniheldur veglegt safn
er Belvedere höllin en þar er tvö lista-
söfn að finna. Á öðru þeirra má m.a. finna
Kossinn fræga eftir Gustav Klimt. Önnur
þekkt söfn eru m.a. listasögusafnið og náttúrugripasafnið, Techinsches Museum
Wien, Leopold Museum, KunsHausWien og fleiri. Þá eru einni ótalin söfn tileinkuð
dáðustu sonum borgarinnar, t.d. Mozart og Freud auk þess sem kirkjugarðurinn
Zentralfriedhof, þar sem margir þeirra hvíla (þó ekki Mozart en hans er minnst),
er einnig vinsæll viðkomustaður ferðamanna.
SÖFN OG SAGA
Matur og markaðir
Nýlenduvöruverslunin Julius Meinl er mjög
skemmtileg heim að sækja. Þar úir og grúir af
fjölbreyttri sælkerafæðu. Er ekki síður
skemmtilegt að virða fyrir sér mannlífið yfir
kaffibolla á jarðhæð verslunarinnar.
Af matarmörkuðum skal sérstaklega bent á
ávaxta- og grænmetismarkaðinn Nasch-
markt. Þar er líka mikið úrval af veit-
ingastöðum og kaffi-
húsum.
Ef velja ætti ein-
kennandi rétti Vín-
arbúa er líklegt að
Schnitzel og kökur
kæmu einna fyrst
upp. Kaffihús borg-
arinnar eru heims-
þekkt, ekki síst fyrir
heitu eplakökuna Apfelstrudel og Sacher-
tertu. Ekki er síðra ef sú síðarnefnda er
snædd á samnefndu hóteli sem stendur gegnt
Ríkisóperunni.
Annar kunnur staðarréttur í Vín er svokall-
að Tafelspiz sem ku hafa verið eftirlæt-
isréttur Frans Jósefs I. Er um að ræða magurt
nautakjöt soðið ásamt grænmeti. Austurríski
kokkurinn Mario Plachutta hefur gert þennan
rétt að þungamiðju veitingaveldis síns, gefið út
bækur og rekur veitingastaði.
Eitt kaffihús til verður að nefna sérstaklega
en það er Palmenhaus, í glerskála Hof-
burg-hallarinnar. Einnig má geta þess að
vinsælt er hjá Vínarbúum að bregða sér á
Heurigen, svokallaðar vínkrár – ýmist í út-
jaðri eða innan borgarinnar. Á slíkum krám er
boðið upp á einfaldan mat en vín hússins fæst
keypt á karöflum gegn vægu gjaldi.
ARABÍSKIR HESTAR Í HÖLLINNI
Margir leggja leið sína í Spænska reiðskólann í Hofburg-keisarahöllinni, þegar
þeir heimsækja Vín. Skólinn byggir á fornri hefð en þar er hægt að sjá arabíska
Lipizzaner-fáka leika listir sínar samkvæmt kúnstarinnar reglum.
VERSLANIR