Morgunblaðið - Sunnudagur - 19.01.2014, Qupperneq 23

19.1. 2014 MORGUNBLAÐIÐ SUNNUDAGUR 23
Fullfrískir einstaklingar geta gefið blóð. Blóðbankinn er á Snorra-
braut í Reykjavík og annar á Sjúkrahúsinu á Akureyri. Að auki er
Blóðbankabíllinn mikið á ferðinni, til dæmis í næstu viku, en hægt er
að forvitnast um ferðir hans á vefnum www.blodbankinn.is.
Blóðgjöf á fjórum hjólum* „Ég er bestur þegar ég spila vel.“Ólafur Stefánsson lét þessi orðfalla eftir sigur á Serbum í á Evrópu-
meistaramóti í handbolta 2006.
Íþróttakempur leynast víða í samfélaginu og
þær eru á ýmsum aldri. Þær koma í öllum
stærðum og gerðum en eiga það sameiginlegt
að vera (eða hafa verið) í góðu líkamlegu formi á
einhverjum tíma í sínu lífi. Kempurnar eru
sem betur fer til í að deila reynslu sinni með
okkur og veita okkur góð ráð. Kempa
dagsins er Sveinbjörn Claessen, leik-
maður ÍR í körfubolta.
Gælunafn: Svenni, Bjössi, Svessi.
Íþróttagrein: Körfubolti.
Hversu oft æfir þú á viku?
Fimm til sjö æfingar á sex dög-
um. Einn hvíldardagur.
Hvernig æfir þú? Meðan
keppnistímabilið varir eru
vanalega fimm körfubolta-
æfingar í viku og tvær
lyftingaæfingar auk
eins leiks. Fjöldi
æfinga fer þó eðli-
lega að miklu leyti
eftir leikjaálagi. Á vorin og sumrin er æfinga-
prógrammið töluvert öðruvísi. Meiri áhersla lögð á
styrktaræfingar í líkamsræktarsalnum og einstaklings-
æfingar á parketinu.
Henta slíkar æfingar fyrir alla? Körfubolti hentar öll-
um. Jafnvel handboltafólki. Góð skemmtun að horfa á
handboltafólk í körfu. Mýktin allsráðandi.
Hvernig er best fyrir nýliða að koma sér af stað? Lykil-
atriði er að leggja sig allan fram í verkefnið, vera duglegur að æfa,
hafa trú á sjálfum sér og gefa þeim eldri hvergi eftir. Þá er þolinmæði dyggð.
Hver er lykillinn að góðum árangri? Í mínum huga skiptir öllu máli að hafa
gaman af verkefninu sem maður tekur sér fyrir hendur og trúa á sjálfan sig. Á
eftir þessu koma önnur atriði, s.s. dugnaður, samviskusemi o.fl.
Hvað er það lengsta sem þú hefur hlaupið? Ég hljóp einu sinni langt þegar
ég var lítill. Hætti að telja skrefin í þúsund og einum. Nokkuð viss um að það sé
mitt lengsta hlaup því ég er svo sannarlega enginn langhlaupari. Hjólaði samt
hringinn í kringum landið í fyrrasumar með samstarfsfólki. Það ættu allir að
gera við tækifæri.
Hvað ráðleggurðu fólki sem vill hreyfa sig meira? Finna sér góðan æfinga-
félaga og byrja!
Hvernig væri líf án æfinga? Agalega litlaust og bragðdauft geri ég ráð fyrir.
Hvað er það lengsta sem hefur liðið á milli æfinga hjá þér? Áður en ég átt-
aði mig á því hversu mikilvæg hvíldin er tók ég mér varla frí frá æfingum. Síðast-
liðið vor tók ég þá ákvörðun að stíga hvorki á viðargólfið né grípa í lóð í þrjár vik-
ur eftir að keppnistímabilinu lauk. Það var lengsta frí frá æfingum sem ég hef
fengið. Það var bæði nauðsynlegt og nærandi.
Hvernig heldurðu þér í formi þegar þú ferð í frí? Tek með mér Boot Camp-
bókina eftir þá Bigga og Robba í Boot Camp og geri æfingar úr henni. Dýr-
gripur. Ætti að vera til á hverju heimili. Eitt fríið var eftirminnilegra en önnur
þar sem ég heimsótti liðsfélaga minn og vin hann Hjalta Friðriksson. Sá er
hrikalegur í lyftingasalnum. Ég fer ekki aftur í frí til hans enda einkenndist það
af harðsperrum og almennri vanlíðan.
Ertu almennt meðvitaður um mataræðið? Já, mjög svo. Fylgi þó engri sér-
stakri reglu hvað það varðar. Reyni að borða hollan og góðan mat reglulega yfir
daginn, fylgja heilbrigðri skynsemi.
Hvað borðarðu til að halda þér í formi? Hafragraut, ávexti, búst, kjöt, fisk
o.s.frv. Eina reglan sem ég fylgi er að borða hrísgrjónanúðlurétt nr. 68 á Nings á
leikdegi. Það er góð næring. Annars er daglega rútínan einhvern veginn svona:
7:30 Morgunmatur
9:00 Morgunsnarl
11:00 Morgunsnarl #2
12:00 Hádegismatur
14:30 Miðdegissnarl
17:30 Miðdegissnarl #2
19:30-21:00 Kvöldmatur
23:00 Kvöldsnarl
Hvaða óhollustu ertu veikur fyrir? Það er margsannað að Bingó-stöng ber
höfuð og herðar yfir annað sælgæti. Svo dásamlega öðruvísi og bráðnar í munni.
Gæti borðað endalaust af því. Sem og Bounty. Alltaf á laugardögum.
Hvað ráðleggurðu fólki sem vill bæta mataræðið? Sleppa skyndibitunum,
vera agað og strangt við sjálft sig. Þá hefst þetta að lokum.
Hvaða gildi hefur hreyfing og líkamsrækt fyrir þig? Með því að hreyfa mig
og stunda líkamsrækt stuðla ég að betri líðan og heilbrigðu líferni. Það skiptir
mig miklu máli.
Hver eru erfiðustu meiðsli sem þú hefur orðið fyrir? Það var hrikalega
vont þegar ég fékk gat á hausinn um daginn. Enn verra þegar læknirinn ákvað
að skynsamlegast væri að deyfa ekki allt sárið þegar hann saumaði það saman.
Varð að vera sterkur, enda hjúkkurnar á Landspítalanum sætar með eindæm-
um. Þær vilja ekki snöktandi drengi á sinni stofu. Síðan var alls ekki gott þegar
ég sleit krossbönd í tvígang. Endurhæfingin tók á.
Hversu lengi varstu að ná þér aftur á strik? Var mættur til leiks þremur
dögum eftir höfuðmeiðslin. Krossböndin tóku ögn lengri tíma, tólf mánuði í fyrra
skiptið og níu í það síðara. Meira vesenið.
Hver eru heimskulegustu meiðslin sem þú hefur orðið fyrir? Þegar ég
fékk gat á höfuðið um daginn. Það var glórulaust bjánalegt. Fékk körfu á hvirf-
ilinn!
Hver eru algeng mistök hjá fólki við æfingar? Góð spurning. Ætli það séu
ekki algeng mistök að fólk ætli sér of mikið á of skömmum tíma. Það er ekki væn-
legt til árangurs. Svo er algengt að fólk gleymi að koma með handklæði á æfingu.
Það eru mjög leiðinleg mistök.
Hver er erfiðasti mótherjinn á ferlinum? Hrannar Freyr Hallgrímsson gull-
smiður, gjaldkeri körfuknattleiksdeildar ÍR og núverandi leikmaður ÍB (Íþrótta-
félags Breiðholts), er ólíkindatól og maður veit aldrei upp á hverju hann tekur á
vellinum. Best að vera ekki mikið fyrir honum. Fast á hæla hans kemur Jón Arn-
ór Stefánsson. Hann er frábær körfuboltamaður.
Hver er besti samherjinn? Erfitt val. Margir sem koma til greina og þrír
valdir af mismunandi ástæðum. Fyrst Elvar Guðmundsson lögfræðingur, for-
maður körfuknattleiksdeildar ÍR og núverandi leikmaður ÍB. Náðum vel saman.
Hann skilaði mörgum stoðsendingum. Annar er Trausti Stefánsson, verkfræð-
ingur og Íslandsmeistari í hlaupum. Eflaust sá skemmtilegasti til að vera með í
hóp. Síðast en ekki síst skal nefna Eirík Önundarson. Einfaldlega besti leik-
maður sem ég hef spilað með. Ekkert minna en stórkostlegur leikmaður og enn
betri samherji. Allir eiga þeir það sameiginlegt að vera toppmenn.
Hver er fyrirmynd þín? Foreldrar mínir.
Hver er besti íþróttamaður allra tíma? Michael Jordan og Michael Phelps.
Ekki hægt að gera upp á milli. Báðir stórkostlegir á sínu sviði.
Skilaboð að lokum? Alltaf að halda áfram, horfa fram á veginn og njóta leið-
angursins.Morgunblaðið/Ómar
Sveinbjörn
Claessen körfu-
boltamaður.
Litlaust líf án æfinga
ÍÞRÓTTAKEMPA VIKUNNAR SVEINBJÖRN CLAESSEN
Hátúni 6a • 105 Rvk • Sími 552 4420 • fonix.is
ELDHÚSTÆKI