Morgunblaðið - Sunnudagur - 19.01.2014, Side 34

*Græjur og tækniSmáforrit af öllum gerðum er auðvelt að læra á og þau passa fyrir nýrri og eldri síma »36
V
ið erum búnir að vera með þennan hermi í nokkrar
vikur og erum svona að fikra okkur áfram með
hann. Okkur finnst komin góð reynsla á herminn
þó að við séum búnir að hafa hann stutt,“ segir
Þórður Bogason hjá Ökuskólanum í Mjódd en hann hefur
bætt inn í námskeið sín nýjum ökuhermi og fá nemendur 10
mínútur í græjunni til að gera allskonar æfingar. Séu nem-
endur slakir í þeirri list að aka af stað, að aka í myrkri eða á
öðrum sérstökum sviðum geta þeir æft sig í herminum.
Þórður segir þetta frábæra viðbót fyrir nemendur skólans.
„Þetta er viðbót við allt námið. Við erum líka með skelli-
nöðru- og mótorhjólahermi þannig að allir geta fengið að æfa
sig. Krakkarnir hafa tekið þessari viðbót fagnandi. Þeir öðl-
ast aukinn skilning á umferðinni. Við höfum verið að leggja
áherslu á akstursæfingar í myrkri því það er mjög erfitt að
kenna hvernig nemendur eiga að keyra í dimmu. Nema
kannski þessa mánuði núna,“ segir Þórður.
Góður árangur unnist á síðustu árum
Græjan er af nýjustu gerð og búin fullkominni tækni. Und-
irrituðum var hent á bak við stýrið og kolféll á öllum próf-
um. Bremsuviðbragð var slakt, bíllinn var of nálægt miðju-
línu og svo kom í ljós að maður kann ekki að taka fram úr.
Allt er mælt og tekið með í reikninginn. Niðurstaðan var slá-
andi slök fyrir Þingeying með mikið loft í lungunum. Spurn-
ing um að fara bara að taka strætó á ný.
Þeir hjá ökuskólanum vilja taka upp frönsku aðferðina þar
sem ökunemendur eru skyldaðir til að eyða tíma í ökuhermi.
Nái þeir að klára allar þær þrautir sem hermirinn leggur
fyrir nemendum treystandi út á götur landsins – ekki fyrr. Á
Íslandi er mikið unnið mikið með ungum og reynslulitlum
ökumönnum og gerðar eru meiri kröfur en áður. Sem dæmi
hefur dregið úr aðild ungra ökumanna að umferðarslysum úr
40% árið 1997 niður í 23% árið 2010. Að loknu ökunámi ættu
umferðaróhöpp sem stafa af vanþekkingu, skorti á skilningi
eða röngu viðhorfi ungra ökumanna að vera nánast und-
antekning. Hermirinn kemur þar að góðum notum.
Krakkar skilja tölvuskjái
Þórður segir að hermirinn muni nýtast öllum enda aðstæður
á Íslandi töluvert sérstakar. Eigi ökumaður afmæli í júlí eða
ágúst eru allar líkur á því að hann hafi aldrei fengið að aka í
snjó, hálku eða vetrarmyrkri. Þá sé gott að eiga herminn til
að leyfa nemendum að fá tilfinningu fyrir köldum vetr-
arakstri. „Krakkar í dag skilja miklu betur ef þau fá að sjá
hlutina og sérstaklega á tölvuskjáum. Hér getum við sýnt
þeim hvernig til dæmis kúpling virkar. Hvað gerist þegar
viðkomandi ýtir á kúplinguna og setur í gír. Ökumenn eru
því tilbúnir næst þegar kemur grænt á umferðarljósin.“
Ökukennararnir Björn Lúðvíksson og Þórður Bogason eru ánægðir með herminn sem nú er kominn í Ökuskólann Mjódd. Blaðamaður fékk að taka í stýrið og stóð sig afleitlega.
Morgunblaðið/Kristinn
Tæknibylting í ökunámi
STÆRSTI ÖKUSKÓLI LANDSINS, ÖKUSKÓLINN Í MJÓDD, TÓK NÝVERIÐ Í NOTKUN GLÆNÝJAN
ÖKUHERMI SEM GJÖRBYLTIR AKSTURSNÁMI Á ÍSLANDI. NÚ ER HÆGT AÐ KENNA UNGUM
ÖKUMÖNNUM AÐ KEYRA Í MYRKRI, RIGNINGU, ÞOKU OG Í SNJÓ Á SJÓÐHEITUM SUMARDÖGUM.
Benedikt Bóas benedikt@mbl.is
Mótorhjólahermirinn kemur einnig að góðum notum.
Þórður á bak við stýrið. Þrír skjáir eru í herminum og allt mjög
raunverulegt. Þarna er hægt að stilla spegla sem og aðrar græjur.
Kjalnesingurinn Þórður sýnir réttu handtökin.
Morgunblaðið/Kristinn