Morgunblaðið - Sunnudagur - 19.01.2014, Blaðsíða 53

Morgunblaðið/Ómar
ég þá nota líkamann sem vopn. Ég vinn
alltaf út frá umbreytingu forma þar sem
dansararnir þurfa að geta umbreytt sér úr
einni persónu í aðra. Þeir fá því ekki að
vera ein og sama persónan verkið á enda,
heldur þurfa með hreyfingum sínum að taka
á sig ímynd t.d. vopns, veggteppis, nátt-
úruafla og gyðju.“
Ætlunin að skapa nýtt tungumál
Aðspurð segist Boel gera miklar tæknilegar
og líkamlegar kröfur til dansara sinna.
„Þeir þurfa þannig að koma sterkri tjáningu
til skila jafnt í smáum hreyfingum sem
stórum. Mér finnst spennandi sem danshöf-
undur að láta reyna á mörkin og þess vegna
finnst mér spennandi að fá dansara með
ólíkan tæknilegan bakgrunn,“ segir Boel, en
í sýningunni taka þátt tveir breakdansarar.
Boel rifjar upp að hún hafi á seinustu ár-
um unnið mikið með breakdansinn í verkum
mínum. „Í seinustu uppfærslu minni notaði
ég bæði breakdansara, sirkuslistafólk og nú-
tímadansara. Sem danshöfundur reyni ég
markvisst að skapa nýtt tungumál, ef svo
má að orði komast, sem er öðruvísi og
frumlegt. Mér finnst ekkert sérlega
heillandi að láta alla dansarana gera sömu
hreyfinguna samtímis á sviðinu. Markmið
mitt er að framkalla persónulegan stíl og
bakgrunn hvers dansara, sem getur oft ver-
ið mikil áskorun þegar þú ert með mann-
margan hóp.“
19.1. 2014 MORGUNBLAÐIÐ SUNNUDAGUR 53
Sýningunni Íslensk vídeó-
list frá 1975-1990 lýkur í
Hafnarhúsi á sunnudag.
Markmiðið með sýningunni,
sem Margrét Elísabet Ólafsdóttir
setti saman, er að draga fram verk
sem sýna fyrstu tilraunir íslenskra
listamanna með vídeó til sköpunar.
2
Forvitnileg sýning, „Ég hef
aldrei séð fígúratíft raf-
magn“, verður opnuð í Ás-
mundarsal kl. 16 á laug-
ardag. Þar mæta verk níu
samtímalistamanna, sem unnin eru
sérstaklega fyrir sýninguna, verkum
Ásmundar Sveinssonar frá sjöunda
áratugnum.
4
Að lokum er full ástæða til
að minna á tónleikakynningu
Víkings Heiðars Ólafs-
sonar í Hörpu kl. 20 á mánu-
dagskvöldið. Hann kynnir 1. píanó-
konsert Brahms, sem hann leikur
tvisvar síðar í vikunni.
5
Eftir sýningu á hinni forvitni-
legu uppsetningu Aldrei
óstelandi á Lúkasi eftir
Guðmund Steinsson, í Tjarn-
arbíói kl. 20 á laugardagskvöld, munu
leikararnir og Marta Nordal leikstjóri
ræða við sýningargesti í kaffihúsi
Tjarnarbíós. Hyggjast þau svara
spurningum og segja frá upplifun sinni
af verkinu.
3
Forvitnileg frönsk kvikmynda-
hátíð stendur nú yfir í Há-
skólabíói og full ástæða til að
hvetja áhugamenn um góðar
kvikmyndir til að skunda þangað.
Áhersla er á myndir í léttari kantinum
– Eyjafjallajökull er ein myndanna.
MÆLT MEÐ
1
Bryndís Halla Gylfadóttir sellóleikari flytur
þrjár af sex sellósvítum Johanns Sebastians
Bachs í Norðurljósasal Hörpu á sunnudags-
kvöld. Seinni þrjár svíturnar mun Bryndís
svo flytja að ári liðnu. Tónleikarnir eru á
vegum Kammermúsíkklúbbsins en flutningur
þessara sellósvíta þykir alltaf merk-
isviðburðir enda meðal þekktustu einleiks-
verka tónlistarsögunnar og krefjandi í flutn-
ingi. Þetta er í fyrsta sinn sem Bryndís
Halla flytur þetta verk opinberlega.
„Það má segja að svíturnar séu nokkurs
konar Biblía sellóleikarans. Allar svíturnar
eru stórkostlegar tónsmíðar eins og nánast
allt sem Bach samdi. Talið er að hann hafi
samið þær í kringum 1720 og hljóta þær að
teljast tímamótaverk því líklega höfðu engin
sambærileg verk fyrir einleiksselló litið
dagsins ljós á þessum tíma,“ segir Bryndís.
Fyrir aldamótin 1900 voru svíturnar lítt
þekktar og talið er að sellistar hafi fremur
litið á þær sem tækniæfingar en á því varð
breyting fyrir tilstuðlan katalónska sellóleik-
arans Pablo Casals. Hann flutti þær reglu-
lega á tónleikum sínum en tók þær ekki upp
fyrr en hann var farinn að nálgast sextugs-
aldurinn árið 1936. Hann átti því stóran þátt
í að svíturnar öðluðust þann sess sem þær
hafa í dag.
Flutningurinn krefst mikils af sellóleikara.
„Mér finnst eiginlega allt erfitt sem ég spila
en svíturnar eru þó í sérflokki. Þær eru
bæði tæknilega krefjandi og það krefst mik-
ils úthalds að flytja þær margar saman sem
útskýrir ef til vill af hverju svíturnar sex eru
ekki oft fluttar í heild sinni hérlendis. Hver
einasti kafli er órofa heild. Í þeim eru nánast
engar þagnir, þær er aðeins að finna á milli
kafla,“ en tónleikarnir eru í heild einn og
hálfur tími með einu hléi. „Undirbúningurinn
fyrir þessa tónleika hefur því verið mikill og
ég vona að sá tími sem ég hef helgað þess-
um svítum í gegnum árin muni einnig skila
sér.“
Bryndís starfar sem sellóleikari hjá Sin-
fóníuhljómsveit Íslands en auk þess kemur
hún reglulega fram sem einleikari og kamm-
ermúsíkant jafnt innanlands sem utan. Þá
hefur hún spilað inn á margar hljómplötur
og stefnir á að hljóðrita sellósvíturnar á
næstunni.
„Það er langtímaverkefni hjá mér að gefa
þær allar út á geisladiski og er ég þegar
byrjuð að taka þær upp. Pablo Casals var
sextugur þegar hann taldi sig hafa þroska til
að leika svíturnar inn á hljómplötur. Ég er
því alveg róleg en vonandi tekst það þó fyrir
sextugt,“ segir Bryndís og hlær.
mariamargret@mbl.is
LJÚFIR SELLÓTÓNAR Í NORÐURLJÓSASAL HÖRPU
Biblía sellóleikarans
BRYNDÍS HALLA GYLFADÓTTIR ER
EINN AF VIRTUSTU SELLÓLEIKURUM
ÞJÓÐARINNAR. Í KVÖLD FLYTUR
HÚN ÞRJÁR SELLÓSVÍTUR BACHS.
Bryndís Halla Gylfadóttir flytur þrjár af hinum
rómuðu sellósvítum Bachs í Hörpu.
Morgunblaðið/Ómar