Morgunblaðið - Sunnudagur - 02.02.2014, Side 28

*Matur og drykkir Erla Björg og synir hennar buðu í mat þar sem öll fjölskyldan bakar saman girnilegar pítsur »32
É
g hafði stundum verið beðin um uppskriftir en
ég var með þær tvist og bast, á miðum og
blöðum, í tölvunni og víðar eins og gengur.
Þannig að mér fannst bara alveg upplagt að
setja þær allar á einn stað, þannig að þetta var svona
skipulagsmál má segja,“ segir Helena létt í bragði við
Sunnudagsblað Morgunblaðsins. Fyrir ríflega ári birti
hún fyrstu uppskriftina, að eplaköku sem hún hafði
áður deilt með vinum. Fljótlega spurðist síðan hennar
út og heimsóknum tók að fjölga. „Maður var kannski
svona smá óöruggur í byrjun – en síðan varð þetta
bara svo gaman og er enn,“ segir hún.
Uppi á kolli í eldhúsinu
Helena segist vart muna eftir sér öðruvísi en áhuga-
sama um mat og matargerð. „Ég var alltaf uppi á kolli
við eldhúsbekkinn hjá mömmu að fylgjast með. Hún
var líka voða dugleg að leyfa mér að prófa, smakka og
gera,“ bætir hún við og ljóst að hún hefur snemma
kunnað vel við sig í eldhúsinu.
Matargerð heitari landa líkt og við Miðjarðarhafið
heillar Matarperlu-bloggarann mjög að eigin sögn.
Einfaldleikinn sé þar þó sýnu bestur, þar sem góð
hráefni fá að njóta sín, kryddjurtir og slíkt. „Það þarf
ekkert að vera að flækja hlutina neitt of mikið finnst
mér, frekar leyfa hráefnunum að njóta sín. Einfald-
leikinn er mjög góður,“ segir hún.
Heimagerðar mexíkóskar tortillur
Helena gefur hér uppskrift að heimagerðum mexí-
kóskum pönnukökum (tortillas), með girnilegri kjúk-
lingafyllingu. Aðspurð segir hún lítið mál að búa til
sínar eigin pönnukökur, þótt komi alveg fyrir að hún
kaupi þær líka.
„Það er sannarlega þess virði að prófa að gera sínar
eigin en bæði er það ódýrara og mun einfaldara en
margir halda. Útkoman er svo góð að ef þið prófið
einu sinni er varla hægt að fara aftur í þessar fjölda-
framleiddu – þetta er bara ofsalega einfalt og gott,“
segir hún að endingu, létt í bragði.
Morgunblaðið/Kristinn
Helena var ekki há í loftinu þegar hún var farin að standa við eldhúsbekkinn.
Morgunblaðið/Kristinn
ELDHÚSPERLUR HELENU GUNNARSDÓTTUR
Auðvelt að búa til eigin tortillur
MATGÆÐINGURINN HELENA GUNNARSDÓTTIR DEILIR UPPSKRIFTUM SÍNUM OG
HUGRENNINGUM UM MAT OG MATARGERÐ Á BLOGGINU ELDHÚSPERLUR.COM.
BLOGGIÐ HUGSAÐI HÚN ÖÐRU FREMUR SEM SKIPULAGSMÁL Í BYRJUN AÐ EIGIN SÖGN.
Gunnhildur Ásta Guðmundsdóttir gunnhildur@mbl.is
PÖNNUKÖKUR
(TORTILLAS):
2 ½ bolli fínmalað spelt
1 tsk salt
½ tsk lyftiduft
¼ bolli ólífuolía
¾ bollar heitt vatn
AÐFERÐ:
Blandið þurrefnunum saman.
Bætið olíunni út í ásamt vatn-
inu og hrærið þar til komið
saman. Hellið úr skálinni og
hnoðið létt þar til deigið loðir
vel saman. Setjið aftur í skálina,
leggið plastfilmu yfir og látið
standa í 30 mínútur.
Myndið rúllu úr deiginu og
skerið í 8 jafna bita. Stráið
spelti á borð og fletjið hverja
kúlu í þunna hringlaga pönnu-
köku með kökukefli. Steikið
eina köku í einu á þurri pönnu
við meðalháan hita. Snúið kök-
unni þegar loftbólur byrja að
myndast og steikið í stutta
stund á seinni hliðinni. Staflið
kökunum inn í hreint viska-
stykki til að halda þeim heit-
um.
FYLLING:
1 rauðlaukur, smátt
saxaður
3 hvítlauksrif, smátt söxuð
2 tsk chipotle mauk
(sterkt mexíkóskt chili-
mauk, fæst í flestum
verslunum)
2 tsk hunang
1 dós hakkaðir tómatar
1 dl vatn
2 tsk tómatpaste
1 grillaður kjúklingur, úr-
beinaður og rifinn niður
Olía, salt og pipar
200 gr rifinn ostur
1 dós sýrður rjómi
Ferskt kóríander
Kirsuberjatómatar
AÐFERÐ:
Steikið laukinn og hvítlaukinn í
1 msk af olíu á pönnu við með-
alhita þar til laukurinn mýkist.
Bætið chipotle mauki, hunangi,
tómatpaste, salti og pipar út í
og blandið vel saman. Hellið
tómötunum yfir ásamt 1 dl af
vatni og kjúklingakjötinu.
Blandið vel saman og smakkið
til með salti og pipar. Smyrjið 1
tsk af sýrðum rjóma á pönnu-
köku, setjið u.þ.b 4-5 msk af
kjúklingafyllinguna þar ofan á
og dreifið 2 msk af rifnum osti
yfir. Vefjið pönnukökunni sam-
an og leggið í smurt eldfast
mót. Klárið að fylla allar
pönnukökurnar og leggið í eld-
fasta mótið. Dreifið restinni af
sýrða rjómanum yfir, ásamt
nokkrum kirsuberjatómötum
og restinni af rifna ostinum.
Bakið við 170 gráður í 20 mín-
útur. Saxið ferskt kóríander og
dreifið yfir. Berið fram t.d með
avocadoteningum, þunnt
skornum rauðlauk, límónu-
bátum og sýrðum rjóma.
Fylltar mexíkóskar
pönnukökur