Frúin - 01.01.1963, Blaðsíða 34

Rætt við frú Maríu IVIarkan Östlund um söngkennslu
Hún hefur
ÞAÐ orkar ekki tvímælis, að fræg-
asta söngkona af íslenzku bergi
brotin er frú María Markan Östlund,
óperusöngkona. Hún ein allra ís-
lenzkra söngvara hefur sungið við
Metropolitan-óperuna í New York, en
slíkt þykir hámark frægðar söngv-
ara enn sem fyrr. Auk þess hefur
frú María Markan ferðast um mest
allan heim, m. a. til Ástralíu og hvar-
vetna hlotið mikið lof fyrir söng
sinn sem að líkum lætur. Hana þarf
ekki frekar að kynna íslenzkum les-
endum, svo þekkt og dáð songkona
er hún hér að nafn hennar þekkja
jafnt ungir sem aldnir.
Fyrir einu ári fluttist frú María
Markan til Reykjavíkur frá Kefla-
vík, en þar var hún búsett um nokk-
urra ára skeið með manni sínum
Georg Östlund. Hann lézt fyrir rúmu
ári. Frúin er nú búsett að Týsgötu
1 hér í bæ og rekur þar raddþjálfun-
ar- og óperusöngskóla. Kennsluna
hóf fljótlega eftir að hún fluttist
til bæjarins og hefur skólinn nú
starfað í eitt ár í þessum mánuði.
„Frúin“ sneri sér til frú Maríu Mark-
an skömmu eftir áramótin og spurði
frétta af skólanum.
— Já, ég ætlaði að byrja með
nokkra nemendur, en áður en ég
vissi af, fylltist allt hjá mér. Fyrsti
nemandi minn hérna í Reykjavík var
Sigurveig Hjaltested. í fyrra vetur
hafði ég kvenfólkið úr Fílharmoníu-
kórnum og nú er verið að biðja mig
að taka allan kórinn. Ég veit satt að
segja ekki hvort ég hef tíma til þess.
Ég hef einnig nemendur úr Alþýðu-
kórnum, svo að þetta er nú orðið
talsvert áskipað, því að ég kenni
öllum í einkatímum.
— Hvað er einn kennslutími lang-
ur?
— Hann á að vera 40 mínútur en
teygist oft upp í klukkustund og
jafnvel meira.
, — Er þetta fólk á öllum aldri?
Ég hef nemendur á aldrinum frá
16 ára upp í 65 og þetta er fólk allt'
frá byrjendum upp í óperusöngvara
og allt þar á milli. Mjög mikið af
fólki sem syngur í kórum, enda þarf
auðgað íslenzkt tónlistarlíf
. '_y
það að læra að hlífa hálsinum, söng-
ur er ekki áreynslulaus.
— Er það hernaðarleyndarmál,
hvaða óperusöngvarar eru í tímum
hjá þér?,
— Það held ég varla, því að allir
söngvarar þurfa að vera í stöðugri
þjálfun. Ég get til dæmis skotið því
inn, að meðan ég söng við Metropólit-
anóperuna var ég í stöðugri þjálfun
undir handarjaðri kennara. Þeir ó-
perusöngvarar, sem sækja tíma til
mín eru til dæmis Þuríður Pálsdótt-
ir, Sigurveig Hjaltested, Snæbjörg
Snæbjarnardóttir, Álfheiður Guð-
rhundsdóttir, Eygló Viktorsdóttir og
Árni Jónsson og fleiri. Ég held að
allir minir nemendur séu yfirleitt
ánægðir með kennsluna og telja sig
ékki síður ná árangri hjá mér en er-
lendum kennurum.
— Það eru talin meðmæli með ís-
34
PRÖIN