Frúin - 01.01.1963, Blaðsíða 41

staklega mikil í þvottaherbergjum,
kjöllurum og baðherbergjum!
Gætið þess vel, að inntak, leiðslur,
lausar snúrur, strokjárn, ryksugur og
yfirleitt öll yðar rafmagnsheimilis-
tæki séu í fullkomnu lagi. Látið raf-
magnsviðgerðarmann líta eftir heim-
ilistækjum yðar við og við. Gætið þess
að nægilegt sé af innstungum í íbúð
yðar, því að varasamt er að tengja
mörg tæki á sömu leiðslu (snúru).
Leiðslur liggja oft eftir gólfinu, og
ef bilun er á leiðslunni, getur hún
hæglega valdið íkveikju og slysi. Tak-
ið rafmagnstækið úr sambandi þegar
þér hafið notað það. Látið lausar raf-
leiðslur aldrei liggja þar, sem börn
eru að leik. Þau geta hæglega sett
þær í samband og valdið slysi. Heim-
ilistækin hafa leyst vinnustúlkurnar
af hólmi. Þau eru húshjálp húsmóð-
urinnar. Farið vel með tækin. Haldið
þeim hreinum. Gætið varkárni við
notkun þeirra og þau veita yður hjálp
og öryggi í störfum yðar.
Leyndardómur
svefnsins
Framh. af bls. 37.
og kemst í lágmark milli klukkan
eitt og tvö eftir hádegi, en þetta er
það, sem oft er nefnt hádegisþreyta.
Nýju hámarki verður svo náð á
tímabilinu frá klukkan fjögur til sex
síðdegis. Svo lækkar fjörlínan aftur
smám saman, unz komið er langt
fram yfir miðnætti, eða þrekið eykst
í þriðja sinn á einhvern dularfullan
hátt.
Ýmsar kenndir leita á menn.
Áður en hin ákafa löngun til að
njóta kyrrðar og svefns verður öllu
ráðandi, gerist það að kvöldlagi, að
ýmsar tilfinningahræringar gera
vart við sig og menn finna fyrir alls
konar löngunum. Þá vaknar löngun
til að njóta fegurðar. Við finnum allt
í einu fyrir ólgandi lífsgleði, hug-
myndaflugið bregður á leik og skyn-
samleg rökhyggni á í vök að verjast.
Skapandi sálir fyllast djúphyggju
og dásamlegum skáldskap, bæling
verður að víkja, löngun til ásta verð-
ur mjög sterk. Eða sár þau, sem mað-
ur hefur verið særður um daginn,
ami og sál finna greinilegar fyrir
sársauka, sótthiti og sjúkdómar auk-
ast, einmanakennd verður yfirþyrm-
andi, tregi leitar á hugsunina og
kvíði nístir hjartað. Þannig er hlut-
skipti mannsins.
Tjaldið fellur —
svefninn kemur.
Hvort sem á menn leitar fögnuður
eða tregi lýkur hvoru tveggja með
tómleikatilfinningu, hvort sem mönn-
um líkar betur eða verr. Skamma
hríð reynir hið vakandi sjálf að
berjast gegn svefnhöfga, sem ber
lífið áfram og verndar það. Svo dofn-
ar meðvitundin og handan hinnar
þykku blæju vitundar okkar eru
dularfull öfl að verki. Það er á þessu
tímabili, að því verður kippt í lag,
sem farið hefur úrskeiðis um daginn.
Orkuuppspretta okkar er hlaðin og
fyllt aftur, þótt við vitum það ekki.
Verið er að endurfylla orkuhlöð-
urnar, sem við höfum hvíldarlaust
notað af. Breyting er gerð á skautum
hinnar margvíslegu raforkustarfsemi,
sem á sér stað í líkama okkar.
Straumarnir, sem fylgja hinum
ýmsu viðbrögðum heila okkar, stefna
til gagnstæðrar áttar. En enn mikil-
vægari en hin mikla hreinsun, sem
fram fer í vöðvum og líffærum okk-
ar, er endurnæring taugakerfisins.
Um óttuskeið, milli klukkan þrjú
og fjögur eftir miðnætti, verður dul-
arfullt hlé. Um heim allan er þetta
sá tími sólarhringsins, þegar flest
börn fæðast, en þá deyja líka fleiri
en á nokkru öðru, jafnlöngu tímabili
sólarhringsins.
Hversu fast sofa menn?
Hægt er með einföldu móti að
áætla, hversu fast maður sefur, en
endurnæringargildi svefnsins fer
einnig eftir því: Því fastar, sem
maður sefur, því erfiðara er að vekja
hann. Sumt fólk sefur eins fast og
það getur sofið mjög skömmu eftir að
því sígur blundur á brá. Það heppna
fólk sefur jöfnum svefni alla nóttina
— komi ekkert fyrir — og nýtur
hamingjusamra drauma, unz það
vaknar hægt og rólega án þess að
hrökkva við eða verða skelkað.
Aðrir eiga mjög erfitt með að festa
svefninn, eru lengi að því, og þeir
FRÚIN
41