Stígandi - 01.01.1944, Síða 64

62
HURÐ SKELLIR NÆRRI HÆLUM
STÍGANDI
slepju og leðju frumskógarins, meðan Martin, sem var engu síð-
ur uppgefinn mér — hann hafði borið fihnur og þunga myndavél
á flótta okkar — reis upp og tók til starfa, feginn því að kunna
nokkuð til skipstjórnar. Aðstoð mín í þessari æfintýraför hófst á
því og henni lauk við það, að ég jós bátinn og gætti myndavéla
og filma eftir föngum. Er við náðum loks til Vao, létti okkur
mjög, er við sáurn, að við og burðarmenn okkar höfðum borgið
öllum áhöldum og mestu af varningnum á flóttanum og að
myndavélar og filmur voru óskemmd af vatni.
ORÐSENDING FRÁ ÚTGÁFUNNI
Um leið og annar árgangur Stíganda hefst, viljum við, sem að honum
stöndum, þakka lesendum hans gestrisni og hlýhug þann, sem þeir sýndu
honum öllum ókunnugum. Viðtökurnar fóru satt bezt að segja fram úr
djörfustu vonum okkar, því að fremur þunglega var spóð fyrir slíku barni
sem Stíganda úr norðlenzkum verstöðvum. Stígandi ýtir því nokkru djarf-
legar úr vör með nýju ári, þótt okkur sé vel ljóst, að farmurinn þyrfti að
verða enn fjölbreyttari. Væri okkur hin mesta þökk á, ef lesendur vildu
láta skoðanir sínar og óskir nokkuð í ljósi um þau efni, og höfum við hugs-
að okkur að flytja framvegis í ritinu þátt, er héti Ýmsir um orðið, er birti
greinarkorn frá lesendum um ýmiss konar efni.
Annað efni, svo sem ritgerðir, smásögur, frásagnir og kvæði, þiggur ritið
mjög gjarnan til álits og kaups, ef fellur, ekki sízt frá ungu fólki, sem vill
stíga til vegs, þó að ritið síður en svo drepi hendi við sæmd þeirri, er það
telur sér að því, að reyndari menn á ritvellinum sendi því efni til birtingar.
Ætlunin er, að Stígandi komi út reglulega og stundvíslega í byrjun marz,
jún., sept. og des. eða 4 hefti alls, og sé um 5 arkir hvert hefti. Verð árg.
verður 25.00 kr., og er ritinu þökk á, ef kaupendur vildu greiða það fyrr en
seinna á árinu, en enginn gjalddagi hefir verið settur andvirðinu enn. —
Stígandi á allt sitt traust undir tryggum kaupendum og lesendum og teldi
sér því hið mesta vináttubragð, ef lesendur hans sýndu kunningjum sínum
hann og öfluðu honum þannig fleiri góðra lesenda.