Fréttablaðið - 30.11.2013, Qupperneq 16
30. nóvember 2013 LAUGARDAGUR| FRÉTTIR | 16
Siglfirska líftæknifyrirtækinu Prim-
ex hefur tekist að komast inn á Rúss-
landsmarkað og það stefnir að land-
vinningum í Asíu. Kítósan, verðmætt
efni sem fyrirtækið vinnur úr rækju-
skel, er í dag nýtt í vörulínur heims-
þekktra fyrirtækja eins og Herba-
life, NuSkin, Now, L‘oréal og Wella.
Fyrirtækið Primex var stofnað
árið 1999 til að nýta rækjuskel en
það ár var bannað að henda rækju-
skel í sjóinn. Núna veltir fyrir-
tækið 500 milljónum króna á ári og
milljarði hefur verið varið til upp-
byggingar verksmiðju, í rannsóknir,
þróun og markaðsstarf.
Skortur og verðmæti
Sigríður Vigfúsdóttir, markaðsstjóri
Primex, segir að í dag standi hrá-
efnisskortur starfsemi fyrirtækisins
helst fyrir þrifum. Á sama tíma er
skel enn hent í sjóinn, þó að Primex
fái mest af tilfallandi rækjuskel hér-
lendis til úrvinnslu. Viðbrögð við hrá-
efnisskorti eru að afla þess erlendis,
og er horft til Grænlands og Kanada.
„Hráefnisskorturinn varð þess
valdandi að við leituðum uppi verð-
mætari markaði fyrir okkar vöru,
eins og fyrir lyf þar sem virðisauk-
inn er meiri. Í skelinni eru auk
þess fleiri efni en kítósan sem eru
áhugaverð,“ segir Sigríður og nefnir
andoxunargjafann astaxantín, stein-
efni og prótín.
Konfekt án samviskubits
En vörur Primex koma víðar við en
halda mætti við fyrstu sýn. Íslenskir
neytendur eru margir með LipoSan í
skápnum, trefjaefni sem dregur í sig
fitu og nýtist til að bæta meltinguna.
ChitoClear er sárasprey sem upphaf-
lega var markaðssett fyrir dýr, en
nýtist okkur mannfólkinu engu síður.
Sigríður segir að í þróun sé ný
útfærsla á LipoSan. „Um er að ræða
örhúðað LipoSan sem eykur notk-
unarmöguleikana verulega, eins
og t.d. í heilsudrykki, heilsuskot og
snakkstangir. Svo er einn möguleiki
sem við höfum verið að kynna fyrir
kúnnum okkar en það er að setja
örhúðað LipoSan í konfekt. Þennan
möguleika kynntum við á stærstu
heilsuvörusýningu í Las Vegas í
síðasta mánuði og sló þetta alveg í
gegn. Hver vill ekki geta fengið sér
konfektmola án samviskubits yfir
fituinnihaldinu?“
Herbalife og L‘oréal
Viðskiptavini Primex má finna um
allan heim. Bandaríkjamarkað-
ur tekur rúm 40% og Evrópa litlu
minna. Asíumarkaður er vaxandi og
20% af framleiðslu Primex fara þang-
að. Vörudreifing fer í gegnum vöru-
hús fyrirtækisins í Norfolk í Banda-
ríkjunum og Rotterdam í Hollandi.
Sigríður segir að Rússland sé nýj-
asti markaðurinn og lofi góðu. Næst
verður lögð áhersla á Asíumarkað
og byggt á góðum árangri í Japan og
Suður-Kóreu.
Meðal fyrirtækja sem kaupa
vöru Primex til að nota í vörulínur
sínar eru alþjóðlegu stórfyrirtækin
Herbalife, NuSkin, Now, L‘oréal og
Wella, svo einhver séu nefnd. Nota-
gildi efnisins sannast kannski þegar
á það er minnt að bandaríski her-
inn hefur notað kítósanplástra frá
Primex, en þeir hafa reynst nota-
drjúgir við að stöðva blæðingu hjá
hermönnum á vígvellinum.
Feit gæludýr
Sigríður segir að markaður fyrir
fæðubótarefni gefi takmarkalitla
möguleika. „Það er ekki bundið við
okkur mennina. Offituvandamál
gæludýra í heiminum og þá ekki síst
bandarískra gæludýra felur í sér
möguleika fyrir okkur því dekur við
dýrin eru að verða vandamál. Það
er því að verða til markaður fyrir
megrunarlyf fyrir dýr þar sem við
getum sótt fram. Undanfarin tvö ár
höfum við verið að vinna heimavinn-
una okkar til að koma sterk inn á
þennan markað.
Eitt af stærstu gæludýrafyrir-
tækjunum er tilbúið með sína neyt-
endavöru fyrir hunda og reikn-
ar með að setja hana á markað í
byrjun árs. Þetta sama fyrirtæki
ætlar einnig að setja á markað
ChitoClear- sáraspreyið okkar. Sam-
vinnuverkefni með þessu banda-
ríska fyrirtæki hefur nú tekið um
fjögur ár, þannig að þetta er lang-
hlaup í þróunar- og markaðsferli.“
svavar@frettabladid
➜ Markaðsáherslur Primex
Sóknarfæri í offituvanda gæludýra
Primex á Siglufirði framleiðir efni úr rækjuskel sem notað er í vörulínur um heim allan – fæðubótaefni, lyf, snyrtivörur og matvæli. Her-
menn nota efnið til að stöðva blæðingar. Ný vara Primex gæti gert mönnum kleift að borða konfekt án samviskubits yfir aukakílóunum.
ÁRANGUR Sigríður og Rúnar Marteinsson, framleiðslustjóri Primex,
að taka við Nýsköpunarverðlaunum Íslands 2012. MYND/PRIMEX
R
æ
kjuskel
Kítín
Kítósan Fæðubótaefni
Sárameðhöndlun
Snyrtivörur
Bætiefni/aukefni
í matvæli
Kítósan
fásykrur
Glúkósamín
Kalk Fæðubótaefni
Prótein
Prótein
Próteinþykkni/
aminósýrur
Bragðefni
Astaxanthin
Fæðubótaefni
Litarefni
Hver vill ekki geta fengið
sér konfektmola án samvisku-
bits yfir fituinnihaldinu?
Sigríður Vigfúsdóttir
markaðsstjóri Primex