Fréttablaðið - 30.11.2013, Page 57

Vatnsskortur er vandamál allra sem Hjálparstarfið
vinnur með í Afríku. Við þær aðstæður verður allt
annað ótryggt. Þá misferst uppskeran, þá svelta menn
og skepnur, sjúkdómum fjölgar með minna hreinlæti.
Því eru brunnar, vatnssöfnun í tanka og þrær fyrir
yfirborðsvatn í algjörum forgangi í verkefnum Hjálpar-
starfsins. Á þeim eru svo byggðar umbætur í jarðrækt,
dýrahaldi, umhverfi og ýmsum samfélagsþáttum sem
tími gefst til að huga að þegar grunnþörf alls lífs er
mætt. Ríkt samstarf er við héraðsyfirvöld á hverjum
stað. Þá eru verkefni samstillt og langtímaárangur
meiri. Íbúar sjálfir eru þjálfaðir til að hafa umsjón með
viðhaldi brunna og annarra þátta sem nýtast heildinni.
Að lokum er ábyrgð alfarið færð á herðar íbúa.
Sérstakir umsjónarmenn gera við. Þeir rukka inn fyrir
vatnsnotkun og halda viðhaldssjóðnum gangandi og
sjá til þess að smásalar eigi varahluti á lager. Með
hreinu vatni í nágrenninu fá stúlkur tíma til að fara í
skóla, konur til að rækta og sinna börnum og eigin
tekjuöflun með geita- eða hænsnahaldi eða með því að
reka litla búð. Til þess fá þær styrk frá verkefninu.
Þetta er meðal annars gert í vatnsverkefnum í
Eþíópíu, Úganda og Malaví:
- Grafnir brunnar á ábyrgð íbúa.
- Vatnsþrær.
- Lækna og bólusetja búfé.
- Reistir kamrar.
- Vernd og nýting jarðvegs og vatns.
- Greitt fyrir vatn til að kosta viðhald.
- Vatnstankar.
- Breyta hreinlætisvenjum.
- Námskeið fyrir íbúa og opinbera starfsmenn tryggja
langtímaárangur.
- Geitur, hænur.
- Þurrkgrindur fyrir leirtau auka hreinlæti.
Vatn fyrir lífið – hreinlæti
Margt smátt ... – 3
Brunnur í Eþíópíu.
Mjög víða í Afríku er það hlutverk stúlkna að sækja vatn.
Þegar brunnurinn er kominn er allavega stutt að fara og
þær komast í skóla. Mynd: Paul Jeffrey / ACT Alliance.Brunnur í Malaví.
Með hreinu vatni frá brunni eykst hreinlæti. Mynd: Paul Jeffrey / ACT Alliance.