Fréttablaðið - 30.11.2013, Síða 146

30. nóvember 2013 LAUGARDAGUR| MENNING | 106
„Þetta er metnaðarfullur, rafrænn
vettvangur þar sem íslenskir hönn-
uðir fá tækifæri til þess að sýna og
selja vörur sínar. Smart netverslun
með íslenska hönnun. Mér fannst
einfaldlega vanta metnaðarfull-
an vettvang fyrir íslenska hönn-
uði þar sem þeir geta sýnt og auð-
vitað selt vörurnar sínar,“ segir
Rakel Sævarsdóttir. Hún byrjaði að
vinna að netversluninni Kaupstaður.
is snemma árs 2012 og fékk Aldísi
Maríu Valdimarsdóttur í lið með sér
í október sama ár.
„Upprunalega kom hugmyndin
að Kaupstað í framhaldsnámi mínu
en þá ákvað ég að stofna rafrænan
vettvang fyrir myndlist, hönnun og
handverk. Ég byrjaði að þróa mynd-
listarvettvanginn og árið 2010 var
Muses.is opnað, en þar sýna upp-
rennandi listamenn og selja verk
sín. Snemma árs 2012 var ég orðin
eirðarlaus og gat ekki beðið lengur
svo ég hætti í launuðu dagvinnunni
sem ég var í og hellti mér á fullu í
undirbúningsvinnu fyrir Kaupstað,“
segir Rakel en Kaupstaður.is var
opnaður 6. júní síðastliðinn. Viðtök-
urnar hafa verið framar björtustu
vonum og stefna þær stöllur á útrás
til Finnlands.
„Við erum byrjaðar að láta þýða
Kaupstað yfir á finnsku. Á næsta ári
munum við einbeita okkur að kynn-
ingu í Finnlandi. Aldís bjó þar um
árabil og hefur sterkt tengslanet
á hönnunarsviðinu þar. Við teljum
okkur eiga góða möguleika þar sem
mætti segja að Finnar séu hálfgerð
hönnunarþjóð sem hefur áhuga á
Íslandi og íslenskri menningu,“
segir Rakel. liljakatrin@frettabladid.is
Útrás til Finnlands
Rakel Sævarsdóttir og Aldís María Valdimarsdóttir opnuðu netverslunina Kaup-
staður.is saman í sumar. Þar geta íslenskir hönnuðir sýnt og selt vörur sínar.
Rakel lauk BA-námi í listfræði frá Háskóla Íslands árið 2008 og MA-námi í
hagnýtri menningarmiðlun frá sama skóla árið 2009.
Aldís lauk námi í viðburðastjórnun frá Háskólanum á Hólum vorið 2012
og grafískri hönnun frá Myndlistarskólanum á Akureyri árið 2011.
RAKEL OG ALDÍS Í HNOTSKURN
STÖÐUGT Í ÞRÓUN Margt hefur breyst síðan netverslunin var opnuð og er hún enn
í vinnslu að sögn Rakelar. FRÉTTABLAÐIÐ/VILHELM
Við teljum
okkur eiga góða
möguleika
í Finn landi.
Rakel Sævarsdóttir
PIPA
PP
PPPA
R
\\
TBW
A

TBW
A

TBW
A

TBW
A

SÍA
SÍA

SÍA
SÍA
132
74
3
132
7
32
74
3