Skessuhorn - 18.12.2013, Blaðsíða 48

48 MIÐVIKUDAGUR 18. DESEMBER 2013
Úrslit í jólamyndasamkeppni
grunnskólabarna á Vesturlandi
Í aðventublaði Skessuhorns í lok nóvember
var kynnt samkeppni meðal nemenda grunn-
skólanna á Vesturlandi um gerð skemmti-
legra mynda þar sem þemað var sem fyrr –
jólin. Keppnin var tvískipt. Annars vegar
yngstu börnin í 1.-4. bekk og hins vegar eldri
börn í 5.-7. bekk.
Þátttaka var mjög góð og voru grunnskóla-
nemendur á Vesturlandi einkar duglegir við
að senda inn myndir en alls barst á sjöunda
hundrað mynda í keppnina. Dómnefnd hafði
því úr vöndu að ráða en komst engu að síð-
ur að niðurstöðu. Þátttakendum eru færðar
bestu þakkir fyrir áhugann og margar góðar
myndir. Sigurvegurum er jafnframt óskað til
hamingju. grþ
Mynd Unnar Bjargar Ómarsdóttur í 3. bekk Grunnskóla Borgarfjarðar á Hvanneyri er verðlaunamyndin í flokki yngri nemenda. Myndin þótti vel teiknuð ásamt því að
hugað var að hverju smáatriði við gerð hennar. Unnur Björg fær í verðlaun glæsilegan LG Optimus L7 II snjallsíma frá Omnis, söluaðila Símans.
Unnur Björg Ómarsdóttir með
verðlaunin sín.
Mynd Jóhönnu Ingisólar Sævarsdóttur 11 ára í 6. bekk Heiðarskóla í Hvalfjarðarsveit er verðlaunamyndin í flokki eldri nemenda að þessu sinni. Teikningin þótti sérlega
vel gerð og skemmtileg, enda er húmor í myndinni. Jóhanna Ingisól fær í verðlaun glæsilegan LG Optimus L7 II snjallsíma frá Omnis, söluaðila Símans.
Jóhanna Ingisól með verðlaunin sín.