Skessuhorn - 18.12.2013, Blaðsíða 64

64 MIÐVIKUDAGUR 18. DESEMBER 2013
Í þrótta ann áll 2013
Glæsilegt íþróttafólk
á Vesturlandi
Senn er að baki enn eitt íþróttaárið. Ljóst er að íþróttamenn af
Vesturlandi settu sinn svip á það eins og oft áður, enda margt
glæsilegt íþróttafólk í landshlutanum. Snemma á árinu var
kunngjört um val íþróttamanna ársins hjá félögum og sambönd-
um. Inga Elín Cryer var valin íþróttamaður Akraness annað
árið í röð. Um svipað leyti skipti Inga Elín um félag og keppir
ekki lengur fyrir ÍA. Hún hefur náð góðum árangri með nýju
félagi og m.a. unnið sér rétt til keppni á stórmótum. Bjarki Pét-
ursson var kjörinn íþróttamaður Borgarfjarðar í þriðja skipti.
Einnig var Bjarki valinn íþróttamaður Borgarbyggðar. Önnur í
kjöri íþróttamanns Borgarfjarðar var Tinna Kristín Finnboga-
dóttir skákkona. Tinna Kristín náði frábærum árangri á árinu,
meðal annars með sveit Íslands á EM í Varsjá í Póllandi síð-
asta haust. Hildur Sigurðardóttir körfuknattleikskona var valin
íþróttamaður Snæfells og HSH. Hildur var fyrirliði kvennaliðs
Snæfells sem stóð sig mjög vel á síðasta ári.
Snæfellsliðin stóðu sig vel í
körfuboltanum
Lið Snæfells stóðu sig vel í körfuboltanum á síðasta keppnis-
tímabili. Kvennaliðið hefur aðallega verið í sviðsljósinu þetta
árið. Það varð í öðru sæti í deildarkeppninni en tapaði síðan
fyrir KR í undanúrslitum úrslitakeppninnar. Konurnar halda
áfram sigurgöngu sinni það sem af er þessu keppnistímabili.
Þær eru nú efstar í Dominos-deildinni og eitt liða frá Vestur-
landi enn inni í Bikarkeppninni. Karlalið Snæfells féll út bæði
í undanúrslitum Bikarkeppninnar og Íslandsmótsins. Í því
síðarnefnda féllu Snæfellingar út fyrir Stjörnumönnum eft-
ir mjög harða keppni í einvígi liðanna. Snæfellingum hefur
ekki gengið vel það sem af er yfirstandandi tímabili. Eru þeir
í 8. sæti deildarinnar. Ólíkt og árin á undan, hafa þeir ekki
sýnt jafnmikinn styrk- eða stöðugleika og liðin sem eru í efstu
sætunum. Skallagrímsmenn í Borgarnesi eru í basli og botn-
baráttu í Dominos-deildinni. Þeir komust í 8-liða úrslit Ís-
landsmótsins síðasta vor, en féllu þar út fyrir Grindvíkingum.
Skagamenn rétt sluppu við fall úr 1. deild á síðasta tímabili en
eru nú ágætlega staddir um miðja deildina. Mostri úr Stykk-
ishólmi vann sér sæti í 1. deild síðasta vor, en tók ekki sæti í
deildinni í haust.
Karlarnir niður en
konurnar upp
Síðasta ár var allviðburðaríkt í knattspyrnunni á Vesturlandi.
Tvö vestlenskt lið voru í fyrsta skipti í efstu deild hjá körlun-
um, ÍA og Víkingur Ólafsvík. Hvorugt liðið átti sigurgöngu
að fagna. Gekk Skagamönnum sýnu verr. Þeir skiptu um
þjálfara áður en júnímánuður var á enda runninn, þegar Þor-
valdur Örlygsson tók við þjálfun Skagaliðsins af Þórði Þórð-
arsyni. Það breytti engu með það að Skagamenn urðu lang-
neðstir í úrvaldsdeild og féllu niður í þá fyrstu. Það gerði hitt
Vesturlandsliðið einnig. Víkingar féllu úr deildinni í næst síð-
ustu umferð og verða því tvö karlalið af Vesturlandi í 1. deild-
inni næsta sumar líkt og sumarið 2011. Skagakonur fóru aftur
á móti upp um deild á árinu. Þær byrjuðu sumarið með sigri
í c-deild Lengjubikarsins, deildarbikarkeppninni. ÍA varð síð-
an í öðru sæti síns riðils í 1. deildinni á eftir Fylki. Eftir kross-
spil var ljóst að bæði liðin færu upp í úrsvalsdeildina, en Fylkir
varð deildarmeistari eftir sigur í úrslitaleik á Fylkisvelli í sept-
ember. Víkingar Ólafsvík sendi lið til keppni í 1. deild kvenna
síðasta sumar. Liðið vann fáa leiki og lenti neðarlega í riðl-
inum. Karlaliðunum frá Vesturlandi gekk í heildina erfiðlega
síðasta sumar. Grundfirðingar rétt sluppu við fall úr 3. deild.
Káramenn frá Akranesi léku einnig í þeirri deild en féllu nið-
ur í þá fjórðu. Skallagrímsmenn og Snæfell/Geisli áttu erfitt
uppdráttar í sínum riðli í 4. deildinni.
Víkingar innanhússmeistarar í
knattspyrnu
Víkingar Ólafsvík eru manna bestir í innanhússfótbolta í land-
inu. Þeir byrjuðu árið með því að fagna Íslandsmeistaratitli
í íþróttinni. Einn af átta riðlum Evrópukeppninnar í knatt-
spyrnu innanhúss fór síðan fram í Ólafsvík í ágúst. Þar varð
Víkingur að sætta sig við að komast ekki áfram eftir viður-
eignir við lið frá Grikklandi og Eistlandi. Mikil stemmning
var í Ólafsvík meðan á mótinu stóð og húsfyllir í íþróttahús-
inu.
Kylfingar nálægt sínu besta
Golfíþróttin nýtur stöðugt aukinna vinsælda. Vestlendingar
eiga tvo afrekskylfinga í golfinu. Valdís Þóra Jónsdóttir í Leyni
á Akranesi kom ekki heim frá námi í USA fyrr en skömmu fyr-
ir Íslandsmótið í höggleik. Þar var hún hársbreidd frá því að
landa sínum þriðja meistaratitli. Valdís var með góða stöðu
fyrir síðustu holuna, en gerði þar mistök sem urðu til þess að
hún endaði að lokum í 4. sæti í geysispennandi og skemmti-
legri keppni. Í Eimskipsmótaröðinni stóð Valdís Þóra sig
einnig vel. Sigraði m.a. á móti sem fram fór í Leirunni á Suð-
urnesjum og setti vallarmet á Leirdalsvelli, velli Garðabæjar
og Kópavogs. Einnig sigraði hún í sveitakeppninni í Stykkis-
hólmi. Valdís Þóra hefur nú að undanförnu keppt á úrtöku-
mótum fyrir evrópsku mótaröðina í golfi í Marokkó. Hún
komst áfram á fyrra mótinu en staðan hjá henni var ekki nógu
góð á seinna mótinu sem stóð ennþá yfir þegar gengið var frá
annálnum í blaðið.
Bjarki Pétursson kylfingur í Borgarnesi stóð sig einnig vel
á árinu. Hann varð í heildina fjórði í Eimskipsmótaröðinni
hjá körlunum. Bjarka fannst þó sigur Golfklúbbs Borgarness
í 2. deild í Sveitakeppni GSÍ í ágúst standa upp úr frá liðnu
sumri. „Keppnin fór fram í Vestmannaeyjum og var mjög eft-
irminnileg. Það var frábær stemning í keppnissveitinni sem
Finnur Jónsson stýrði og mikill hugur í mönnum. Við komust
í úrslitaleikinn og lékum þar gegn sveit Golfklúbbsins Leynis
frá Akranesi sem við unnum. Þetta var sætur sigur því Skaga-
menn sigruðu okkur í riðlakeppninni. Golfklúbbur Borgar-
ness leikur því í 1. deild meðal þeirra bestu að ári. Þetta er
besti árangur klúbbsins í keppninni frá upphafi,“ sagði Bjarki
í viðtali í aðventublaði Skessuhorns.
Inga Elín Cryer íþróttamaður Akraness.
Hildur Sigurðardóttir íþróttamaður Snæfells og HSH hefur farið fyrir sterku liði Snæfellskvenna á árinu.
Víkingar sigruðu ÍA í báðum innbyrðisleikjum félaganna í Pepsídeildinni.