Læknablaðið - 15.01.2001, Blaðsíða 71

UMRÆÐA & FRÉTTIR / NEYÐARHJÁLP
Ef einhver lœknir sem les þetta vill leggja sitt að
mörkum, á hann þá að hafa samband við þig?
„Já, endilega eða við Guðbjöm Björnsson. Þeir
sem fara á átakasvæðin gera tvennt, þeir sýna
auðvitað mikið hugrekki og velvilja með því að fara
en á hinn bóginn er líka mikið upp úr því að hafa fyrir
lækni að fara í slíka ferð. Óvíða er aðra eins reynslu
að fá. Læknar og hjúkrunarfólk sem fer á staðinn
geta einnig verið þess fullviss að þarna er góð aðstaða
fyrir hendi og framúrskarandi skipulag. Það er vel
tekið á móti fólki og vel búið að því.“
Hafa Norðurlandaþjóðirnar brugðist vel við
hjálparbeiðnum ?
„Já, þær eru áberandi í hjálparstarfinu, ekki síst
Norðmenn. Þeir hafa verið með margvíslegt starf svo
sem heilsugæslu í flóttamannabúðum í Palestínu og
nærliggjandi löndum. Reynsla þeirra er mjög dýrmæt
og þeir eru ólatir við að miðla henni til annarra."
Góöar undirtektir
Hefur gengið vel að afla fjár til verkeþúsins?
„Já, undirtektir hafa verið jákvæðar, bæði hjá
heilbrigðisyfirvöldum og Rauða krossi íslands. Við
þurfum auðvitað helst að fá til liðs við okkur fleiri
lækna en einn eða tvo, þannig að hægt yrði að senda
að minnsta kosti tvo hópa. Við ætlum líka að senda
lyf með hópnum því brýn þörf er á algengustu lyfjum
svo sem verkjalyfjum, sýklalyfjum og svæfinga- og
deyfilyfjum.
Utanríkisráðuneytið er þegar búið að senda eina
milljón til palestínska Rauða hálfmánans og
flóttamannahjálpar Sameinuðu þjóðanna
(UNRWA) í gegnum Rauða krossinn sem fjórfaldaði
íslenska framlagið með því að leggja fram þrjár
milljónir til viðbótar. Félagið Ísland-Palestína stend-
ur fyrir neyðarsöfnun núna og byrjaði reyndar á því
að tæma sjóð félagsins og senda okkur Guðbjörn
með 3000 dollara framlag sem skiptist jafnt á milli
tveggja sjúkrahúsa, Ahli-sjúkrahússins á Gaza og
Makased-sjúkrahússins í Jerúsalem auk samtaka
heilsugæslustöðva, UPMRC (Union of Palestinian
Medical Relief Committees).“
Sjúkraflutningamenn nýjasta skotmarkiö
Börnin hafa orðið sérstaklega illa úti íþessu stríði...
„Já, um eitt hundrað þeirra 320 sem féllu á fyrstu
10 vikunum voru börn og unglingar yngri en 18 ára.
Heimurinn man enn eftir 12 ára drengnum sem sat í
fangi föður síns í 45 mínútur áður en hann var skotinn
til bana, en það sem gerðist síðan og hefur ekki farið
hátt er að sjúkraflutningamaðurinn sem reyndi að
bjarga drengnum var einnig skotinn til bana.
Dæmunum fer fjölgandi um sjúkraflutningamenn
sem eru skotnir jafnvel undir stýri á sjúkrabílum
merktum Rauða krossinum og Rauða hálf-
mánanum."
Vaxandi harka
Er innra skipulag samfélagsins ekki meira og
minna lamað?
„Jú, það er mikilvægt atriði sem allt of lítið er
fjallað um. Nánast enginn kemst lengur til vinnu, víða
erfitt að nálgast helstu nauðsynjavörur, matvæli og
annað, lyf og vatn eru ennfremur af skornum
skammti. Israelar hafa oft lokað fyrir rafmagnið og
það er búið að breyta þessu landi í allsherjar fanga-
búðir, sem síðan sæta sprengjuárásum. Árásirnar
verða alltaf harðari og harðari. í vikunni sem við
vorum þarna sagði læknir sem við töluðum við að
breytingin væri sú að í fyrstu hefðu um 40% af
skotsárunum sem komu inn á sjúkrahúsið verið í
bijóst og höfuð en hlutfallið væri komið upp í 80%.
Þar fyrir utan hafa þeir rekist á hættulegra táragas en
fyrr, en smábörn, eldra fólk og fólk með lungna-
sjúkdóma getur dáið af venjulegu táragasi og þetta er
mun skæðara. Auk þess fer eldflaugaárásum
fjölgandi. Þetta eru ekki slysaskot í Palestínu."
-aób
Reyksíminn
Nýlega var opnuð símaþjónusta Ráðgjöfí reykbindindi-grœnt númer, eða Reyksíminn, norður á Húsavík.
Allur stuðningur og stuðningsefni sem sent er heim til fólks sem hringir í þjónustuna er því að kostnaðarlausu.
Reyksíminn er mannaður hjúkrunarfræðingum sem eru sérþjálfaðir í tóbaksvörnum. Markmiðið er meðal
annars að læknar geti vísað sjúklingum sínum á þjónustuna og losnað þannig við löng og tímafrek
stuðningssamtöl. Vonir standa til að þetta verði til þess að læknar veigri sér síður að vinna kerfisbundið að
tóbaksvörnum í klínísku starfi. Sjúklingar geta valið á milli þess að skrá sig með nafni og fá upphringingar
(stuðningssamtöl) frá starfsfólki Reyksímanns eða fá stuðning með fullri nafnleynd, en þá er frumkvæðið að
sambandi að sjálfsögðu alfarið í höndum viðkomandi. Þjónustan er rekin af Heilbrigðisstofnun Þingeyinga og
er undir faglegri yfirstjórn sérfræðings frá sænsku Slutaröka linjen. Forsenda þess að tilraunin heppnist og
Reyksíminn festist í sessi, er að læknar, hjúkrunarfræðingar og annað heilbrigðisstarfsfólk vísi sjúklingum
sínum á þjónustuna. Númerið er 800 6030. Til að byrja með verður opið tvo tíma á dag, fimm daga vikunnar.
Fréttatilkynning
Læknablaðið 2001/87 71