Læknablaðið - 15.11.2003, Qupperneq 59

S M A S J A I N
maka? Ertu hingað komin vegna
veikinda eða streitu sem má rekja til
hótana, ofbeldis, eða ótta við maka?
Þegar staðfest hefur verið að um heim-
ilisofbeldi er að ræða, og það skráð í
sjúkraskýrslu, þarf að koma réttum skila-
boðum á framfæri til sjúklings. I fyrsta lagi
að einkennin séu mjög eðlileg miðað við
aðstæður og að heimilisofbeldið sé aldrei
réttlætanlegt. í öðru lagi að hún sé ekki
ein, fjöldi úrræða sé til fyrir konur í þess-
um aðstæðum.
Úrræöi
Stundum þarf mikið að ganga á þar til
konur eru tilbúnar til að brjótast út úr of-
beldissambandi, en með réttri greiningu
og skilaboðum til kvenna í þessari stöðu
aukast líkurnar á að þær grípi til viðeig-
andi ráðstafana. Best er að fylgja þeirri
reglu að konan sé sérfræðingur í sínum
málum og hún ráði ferðinni. Það er því
ágætt að spyija hana hvers konar hjálp
hún vilji fá. Hvort hún sé tilbúin til að
breyta sínum högum og hvaða spor hún
vilji taka í þá átt.
Kvennaathvarfið hefur sérhæft sig í að
aðstoða konur sem búa við heimilisof-
beldi. Þjónustan er þríþætt: í fyrsta lagi
rekstur athvarfs fyrir konur og börn þeirra
þegar dvöl í heimahúsum er þeim óbæri-
leg. I öðru lagi símaráðgjöf allan sólar-
hringinn í síma 561 1205. í þriðja lagi
ókeypis viðtöl, þar sem konur geta komið
og fengið stuðning og upplýsingar án þess
að til dvalar komi. Það er nauðsynlegt að
benda konum sem búa við heimilisofbeldi
á þetta, en frekari upplýsingar um heim-
ilisofbeldi, einkenni og úrræði má nálgast
hjá kvennaathvarf.is
Læknablaðið frá upphafi
komið á netið
Eins og lesendur Læknablaðsins vita ef-
laust flestir hefur allt efni blaðsins verið
sett út á heimasíðu þess frá og með upp-
hafi árs 2000. Hægt er að leita í öllum
texta blaðsins, bæði fræðigreinum og því
efni sem birst hefur í umræðuhlutanum.
Sú spurning hefur hins vegar oft heyrst
hvort þeir 85 árgangar sem þá voru
kornnir út verði einhvern tíma aðgengi-
legir. Nú er svo komið að hægt er að
svara þeirri spurningu játandi, þó með
nokkrum fyrirvara.
Á bókasöfnum spítalanna í Fossvogi
og við Hringbraut unnu starfsmenn það
þrekvirki að skrá allt efni blaðsins frá
upphafi inn í tölvu. Að vísu voru einung-
is skráðar fyrirsagnir, heiti höfunda og
lykilorð greina en að þessu þrennu var
hægt að leita. Sá böggull fylgdi þó
skammrifi að leitina var einungis hægt
að stunda í tölvum bókasafnanna.
Skráningin fór fram á tölvumáli sem
notað var fyrir daga netsins og þegar
það kom til skjalanna var ekki auðunnið
verk að færa skrána yfir á nýtt form.
í vor gerðist það hins vegar að opnað-
ur var aðgangur að bókasafnskerfinu
Gegni á netinu en það mun hýsa samskrá
íslenskra bókasafna. Þá þegar voru
komnar í gagnasafnið allar skrár Lands-
bókasafns Islands - Háskólabókasafns og
tíu annarra rannsóknarbókasafna. Þeirra
á meðal er bókasafn Landspítala og þar
með er skráning safnsins á efni Lækna-
blaðsins orðin aðgengileg á netinu.
Skráin er á vefslóðinni iviviv. gegnir.is.
Hægt er að leita að greinum eftir ákveðna
höfunda eða slá inn efnisorð og leita
þannig í fyrirsögnum og lykilorðum
greina. Þegar menn hafa fundið þá grein
sem leitað er að er hægt að sjá hvar hana
er að finna í söfnum landsins og panta
hana eða nálgast með öðrum hætti.
Á heimasíðu Læknablaðsins (laekna-
bladid.is) er hægt að fara beint inn í
Gegni.
Afmælisrit til heið-
urs Ólafi Ólafssyni,
fyrrverandi land-
lækni, 75 ára
Hinn 11. nóvember næstkomandi
verður Ólal'ur Olafsson, fyrrverandi
landlæknir og núverandi forystu-
maður í samtökum eldri borgara, 75
ára. Af því tilefni hafa nokkrir vinir
hans og velunnarar ákveðið að efna
til útgáfu, honum til heiðurs, á völdu
efni úr handraða afmælisbarnsins.
Þar er fjallað um heilbrigðismál í
víðum skilningi, margs konar þjóð-
félags- og réttindamál, alþjóðamál-
efni og málefni eldri borgara. Frá-
sagnirnar eru fjölbreyttar og fróð-
legar og allar í anda Ólafs, hnitmið-
aðar og hispurslausar og síðast en
ekki síst eru þær bráðskemmtilegar
- þar sem það á við.
Áætlað er að afmælisritið komi
út í maí á næsta ári, en bókaútgáfan
Hólar hefur tekið að sér útgáfu þess
og er ritnefndin skipuð þeim Sigurði
Guðmundssyni landlækni, Benedikt
Davíðssyni formanni Landssam-
bands eldri borgara og Vilhelm G.
Kristinssyni rithöfundi sem jafn-
framt er ritstjóri verksins.
Afmælisritið verður selt í áskrift
og greiðist það fyrirfram (kr. 4900
og er sendingargjald innifalið). í rit-
inu verður heillaóskaskrá (Tabula
gratulatoria) og er það von rilnefnd-
armanna að hún verði sem lengst og
glæsilegust. Þeir velunnarar Ólafs
sem áhuga hafa á því að senda hon-
um afmæliskveðju og eignast um
leið bókina eru hvattir til þess að
hafa samband í síma 557-9310/ 557-
9215 eða á holar@simnet. is
Fréttatilkynning
Læknablaðið 2003/89 883