Læknablaðið - 15.12.2011, Síða 51

NÝR SPÍTALI
SJÚKRAHÓTEL
KVENNADEILD
CAMLI
LANDSPÍTALINN
BARNASPÍTALI
CEÐDEILD
MEÐFERÐARKJARNI
RANNSÓKNARHÚS
TÆKNIRÝMI
AiMiniiiiujk
fTmminilil
y-n-. r.. ÞYRLUPALLUR
HÁSKÓU
Skýringarmvnd 1. áfanga
■H Eldri byggingar
■■ Nýbyggingar
■■ Afmörkun
deiliskipulagsreits
Nýr Landspítali cftir 1.
áfanga stækkunar við
Hringbraut árið 2017.
byggingar geta stytt gönguleiðir, en á móti
kemur ferða- og biðtími vegna lyftunotk-
unar. Rannsóknir sýna að leggja má að
jöfnu 70-80 metra göngu og ferðalag með
lyftu um eina hæð. Hærri byggingar með
minni hæðir hafa minni sveigjanleika og
þar með minni hagkvæmni til framtíðar.
Við skipulag og forhönnun meðferðar-
kjarnans er leitast við að sameina kosti
hvors tveggja.
Hver hæð í reglulega formaðri bygg-
ingu meðferðarkjarnans er stór og hefur
mikinn sveigjanleika, og fjöldi hæða
(5-6 hæðir frá götum, auk kjallara) leyfir
uppröðun þar sem meðferðarstarfsemi
er komið fyrir á neðri hæðum og legu-
deildum á efri hæðum. Það leiðir af sér að
ferðaleiðir með sjúklinga í rúmum milli
legudeilda og meðferðar verða stuttar og
greiðar og sveigjanlegt samhengi í starf-
semi spítalans.
Sjálfvirk flutningskerfi eru orðin hluti
nútímaspítala. Gert er ráð fyrir þrenns
konar kerfum; rörpóstkerfi fyrir meðal
annars sýni og lyf, kerfi sjálfvirkra flutn-
ingsvagna fyrir mat, vörur og fleira, og
sjálfvirku flutningskerfi fyrir sorp og lín.
Nauðsynlegt er að átta sig á mikilvægi
þessara kerfa þegar mat er lagt á vega-
lengdir innan spítalans og kostir hærri
og lægri bygginga bornir saman, því þau
draga mjög úr ferðaþörf starfsfólks.
Sé litið til nágrannalandanna Noregs,
Danmerkur og Svíþjóðar, þar sem er
mikil uppbygging spítala, er víðast unnið
með svipaðar húshæðir og gert er í Land-
spítalaverkefninu.
Aðkoma lækna að lykilákvörðunum
I grein í síðasta tölublaði Læknablaðsins
segir formaður Læknafélags Reykjavíkur
að aðkoma lækna að lykilákvörðunum
málsins hafi verið takmörkuð til þessa.
Þarfagreiningu var stýrt af lækni og í
öllum greiningarhópum voru læknar lykil-
menn. Hönnunarferlið er notendastýrt,
sem þýðir að hópar starfsmanna spítalans
eru hreyfiaflið í ferlinu. 115 notendahóp-
um eru 76 starfsmenn spítalans, þar af 24
læknar. í notendastjórn og verkefnisstjórn
er læknir í fullu starfi, talsmaður lækna
sat í dómnefnd um samkeppnina. í bygg-
inganefnd situr Iæknir. Læknar sem til
hafa verið kallaðir í notendahópa hafa Iagt
sig fram fyrir verkefnið og margir unnið
frábært starf.
Fjárhagsleg hagkvæmni
Frumkostnaðaráætlun sem gerð var 2009
fyrir meðferðarbyggingu, rannsóknar-
stofuhús og sjúkrahótel var 51 milljarður
króna á verðlagi í ársbyrjun 2009. Þetta
svarar til eins og hálfs árs rekstrarkostnað-
ar spítalans. Norska fyrirtækið Hospitali-
tet Ltd. hefur gert nýja hagkvæmniúttekt
framkvæmdarinnar og borið saman við
það að hafast ekki að í nýframkvæmdum
en reka spítalann við óbreyttar aðstæður.
Niðurstaðan er að árlega sparast 2,6 millj-
arðar í rekstri spítalans, eða rífleg sú upp-
hæð sem áður var reiknuð.
Niðuriag
Læknar deila ekki um mikilvægi nýbygg-
ingar Landspítala á einum stað eða um að
nútímalegur húsakostur fyrir spítalann sé
löngu orðinn brýnn. Deildar meiningar
eru um hæð húsa og sumir sætta sig illa
við niðurstöðu hönnunarsamkeppni sem
fram fór árið 2010, svo og við staðsetningu
sem var til lykta leidd fyrir áratug. Einnig
er deilt um hvort stundin sé rétt þegar að
kreppir í fjárhag hér á landi. Fjármagn sem
fæst til fjárfestingar er ekki falt til rekstrar.
Umkvörtun lækna að þeir hafi ekki verið
hafðir með í ráðum er ekki á rökum reist.
Kappkostað er að rétt og faglega sé staðið
að undirbúningi þessa flókna verkefnis
í samráði við breiðan hóp starfsmanna
Landspítala, þar með talið lækna.
LÆKNAblaðið 2011/97 715
L