Frjáls verslun - 01.10.2012, Page 40

40 FRJÁLS VERSLUN 11. 2012
Solveig K. Jónsdóttir. „Þessar tíu eru allar frábærar og svo
hefði verið hægt að nefna tugi í viðbót.“
Solveig gerir ekki upp á milli tíu bestu bókanna.
„Bækurnar sem ég nefni eru ákaflega áhuga verð ar og
vel úr garði gerðar frá hendi höfunda, ljós myndara,
teiknara, þýðenda, ritstjóra, prófarka lesara, umbrots-
manna, kápuhöfunda, starfsmanna prentsmiðja og
útgefenda,“ segir Solveig K. Jónsdóttir bókmennta-
gagnrýnir. „Allir sem að þeim stóðu geta verið stoltir
af sínu verki. Og svo eru það allar hinar bækurn-
ar sem vert hefði verið að nefna. Mér er lífsins
ómögulegt að taka eina og setja efsta.“
Appelsínur­frá­Abkasíu, Vera
Hertzsch, Halldór Laxness og hreinsan­
irnar miklu – Jón Ólafsson
Fortíð og nútíð tala saman og
samræðan er ein af ástæðum þess
hve áhugaverð saga Veru Hertzsch
verður í meðförum Jóns Ólafssonar.
Höfundur tengir Stalínstímann við
önnur tímabil í sögu Sovétríkjanna,
Rússlands og Íslands og fjallar um
endursköpun minninganna um valda­
tíma Stalíns.

Bjarna-Dísa – Kristín Steinsdóttir
Dísa er varnarlítil frammi fyrir óblíðri
náttúru og viðskotaillu samfélagi en
stundum er líka gaman að lifa því Dísa
er ung og lífsglöð og á sér drauma.
Kristín fer nærfærnum höndum
um Dísu og bókin skilur eftir góða
tilfinningu sem fylgir væntumþykju og
skilningi.

ð – ævisaga – Stefán Pálsson, Anton
Kaldal Ágústsson, Gunnar Vilhjálmsson
og Steinar Ingi Farestveit
Merkilega viðburðarík, fróðleg og
skemmtileg bók um málsögu og staf­
setningu. Kemur áreiðanlega mörgum
á óvart sem ekki höfðu málfræði að
uppáhaldsfagi.
Vel úr garði gerðar

Ég­læðist­framhjá­öxi – Beate Grims­
rud, þýðandi Hjalti Rögnvaldsson
Pabbi er sjaldan í vinnu, mömmu lang­
ar að hafa allt fínt og akkúrat, börn in
eru mörg og eitt til viðbótar á leið inni.
En sagan fjallar þó fyrst og fremst um
stelpuna Lydíu sem oft er ringl uð en
alltaf til í að skoða málin frá nýju sjónar­
horni. Hún vill komast til botns í furðum
veraldar og óskiljanlegri atburðarás
lífsins. Falleg þýðing á góðri bók.

Maxímús­Músíkús­bjargar­ball­
ettinum – Hallfríður Ólafsdóttir og
Þórarinn Már Baldursson
Þriðja bókin um Maxímús sem
enn kemur fögrum listum til að­
stoðar og lýkur upp heimi tónlistar
fyrir ungum lesendum. Vönduð og
skemmtileg eins og fyrri bækurnar
um Maxímús húsamús í Hörpu.

Reykjavíkurnætur – Arnaldur Indriðason
Erlendur er alíslenskur og manneskju­
legur á besta mögulega máta. Ritsnilli
Arnalds er óumdeild og lesandinn
fyllist undarlegum áhuga á þessum
durtslega lögreglumanni og volæðinu
sem hann upplifir í erfiðu starfi á
köldu landi.

Sagan­af­klaustrinu­á­Skriðu –
Steinunn Kristjánsdóttir
Fáir þekkja sögu íslenskra klaustra
en hana segir Steinunn. Hún tvinnar
sam an við söguna af Skriðuklaustri
fyrr og síðar og af uppgreftri fornleif­
anna á Skriðu. Góðar skýringarmyndir
og teikningar prýða bókina ásamt
ljósmynd um sem styðja textann. For­
vitnileg bók um sértækt efni sem gert
er aðgengilegt fyrir alla.

Stafnbúi – Steindór Andersen og
Hilmar Örn Hilmarsson
Rannsóknir benda til þess að
sagnaljóðahefðin láti undan síga
þegar hlustendur og flytjendur læra
að lesa og skrifa og fá ljós til að
lesa í frístundum. Rímurnar eru til
á bókum en tala má um endur­
reisn þeirra í meðförum Steindórs og
Hilmars. Bókmenntaformið lifir með
tónlistinni. Bókin er falleg og saga
rímnahefðarinnar áhugaverð.

Strandir – Gerður Kristný
Gerður Kristný er ljóðskáld fyrir alla,
líka þá sem lesa ekki ljóð. Ljóðmál
hennar er fagurt og skýrt og mynd­
málið tært og ferskt.

Undantekningin
– Auður Ava Ólafsdóttir
Ljóðrænn texti og fallegar myndlík­
ingar einkenna Undantekningu Auðar.
Sagan er um nútímafólk með nútíma­
vandamál og það er frískandi að sjá
höfund horfast í augu við samtíð sína,
skerpa myndina af henni á dálítið ýktan
hátt og takast svona ljómandi vel upp.
bækur ársins