Þjóðlíf - 01.12.1990, Page 90

TÖLVUR
Tölvuleikir fara sigurför um heiminn. Fullorðnir
ekki síður en börn komnir með tölvuleikjadellu.
Tölvuleikir taka gífurlegum framförum. Stolin afrit
valda tniklum skemmdum. Sjórœningjaútgáfur
þekktar hérlendis, — hœttulegar veirur valda usla
Ævintýríð hóíst fyrír tíu árum, þegar hjónin
Ken og Roberta Williams tóku til við að búa
sér til sína eigin leiki. Þau eiga nú stærsta
tölvuleikjafyrirtæki í heimi.
TOLVUSTRIÐ
FYRIR BÖRN
OG FULLORÐNA
PETUR BJORNSSON
í nóvember 1988 kom skjálfti í fjármála-
hverfi Lundúna. Tölvuveirur breiddust
um banka og peningastofnanir. Söku-
dólgurinn fannst fljótlega, hann heitir
Larry. Larry er hetja í tölvuleik.
íðan einmenningstölvur (PC) komust
í almannaeigu hefur geisað hugbún-
aðarstríð. Ritvinnslur, gagnagrunnar og
annað slíkt hefur sprottið eins og gorkúlur
á markaðnum. Flestir sem fjárfesta í ein-
menningstölvu hafa mjög háleit markmið
í huga. Heimilisbókhaldið verður tölvu-
vætt, ritvélinni verður lagt og ritvinnslan
notuð í staðinn, og fleira í þeim dúr.
En ein gerð hugbúnaðar hefur verið
eins og olnbogabarn í fjölskyldunni,
tölvuleikir. Þeir hafa verið taldir slævandi
tímaþjófar, og ekki sæmandi að liggja í
leikjum í rándýrri tölvu sem var hugsuð
sem bókhaldsvél, en ekki leikfang. Önnur
ástæða er sú að einmenningstölvur hafa
ekki verið taldar heppilegar til leikja. Lít-
ill vinnsluhraði og takmarkað minni settu
leikjum takmörk.
Einmenningstölvurnar eru ekki sömu
sleðar og þær voru í upphafi. Tölvurnar
eru orðnar hraðvirkari og myndgæði skjá-
anna betri en áður. Tölvukaupendur gera
meiri kröfur til þess búnaðar sem þeir
kaupa og litaskjáir sem áður voru aðeins
aukabúnaður sem var talinn óþarfur eru
að verða að staðalbúnaði í góðum tölvu-
búnaði. Þetta hafa leikjaframleiðendur
notfært sér og eru leikirnir myndrænni og
fallegri en áður. Vélbúnaði er oft ýtt fram
á ystu nöf til þess að hámarksgæði leikj-
anna komist til skila. Minnið er oft undir-
lagt og ýmiskonar aukabúnaður, s.s. mýs,
stýripinnar, tóngjafar og mótöld, nýtt
með leiknum.
Tölvuleikir hafa tekið miklum stakka-
skiptum á síðustu árum. Fyrstu leikirnir
sem komu á markað voru orðaleikir og
spennuleikir. Leikandinn er gjarnan í
hlutverki skyttu um borð í geimskipi,
flugvél eða öðru farartæki, eða jafnvel
fótgangandi. Hann þarf svo að tortíma
einhverjum óvini, sem oft er óskilgreind-
ur en er alltaf af hinu illa. Þessir leikir eru
mjög vinsælir og eru enn framleiddir í
stórum stíl. Önnur tegund hasarleikja eru
hraðaleikir. Þeir byggjast á því að ljúka
einhverju verkefni á sem skemmstum
tíma og forðast eitthvað sem skaðar per-
sónuna. Til þessa flokks telst m.a. einhver
þekktasti tölvuleikur allra tíma: Pac-Man.
Hann er dæmigerður fyrir hraðaleikina,
persónan er ókennileg kúla með augu og
munn, sem hakkar í sig litla punkta á ferð
sinni í gegnum völundarhús, þar sem ban-
vænir draugar eru á fleygiferð um allt.
Önnur gerð hasarleikja, en öllu rólegri eru
stýrileikir, s.s. flug- og bílhermar, sem
eru feykivinsælir.
Orðaleikirnir byggðust á því að leikand-
inn þurfti að feta sig í gegnum einhverja
sögu, og var söguþráðurinn rakinn á
skjánum. Þessir leikir voru frekar þurrir
og litlausir, myndirnar voru allt kyrr-
myndir og í mörgum leikjanna voru alls
engar myndir. Sögupersónan var sjaldan
eða aldrei sýnileg og leikirnir minntu
miklu frekar á bók en tölvuleik. En tölvu-
leikir hafa breyst til hins betra. Þróunin
hefur verið svo gífurlega mikil og ör að
kalla mætti leikjabyltingu.
Upphaf þessarar leikjabyltingar má
rekja til bandaríska hugbúnaðarfyrirtæk-
isins Sierra sem verður að teljast meðal
frumkvöðla á sviði „vitiborinna“ leikja og
verður því reynt að einskorða þessa grein
við það fyrirtæki, með fullri virðingu fyrir
öðrum.
pphaf og uppgangur Sierra er lyg-
inni líkust en er nokkurnveginn á
þessa leið: Ævintýrið fór að taka á sig
mynd þegar Ken Williams, stofnandi og
forst jóri Sierra, kom eitt sinn með tölvu úr
vinnunni fyrir Robertu, konu sína, sem
þá var að læra tölvuforritun. Tóku þau
hjón að dunda sér við tölvuleiki, en kom-
ust fljótt að því að úrvalið var afskaplega
lélegt. Þeim þótti það miður og tóku það
til bragðs að búa til sína eigin leiki.
Roberta teiknaði myndir og samdi sögur
sem þau forrituðu síðan ixm í tölvuna.
90 ÞJÓÐLÍF