Þjóðlíf - 01.12.1990, Síða 92

grimmt um allan heim, þrátt fyrir hátt
verð þeirra dýrustu. Utbreiðslan er gífur-
leg, og það eru ekki bara óharðnaðir ungl-
ingar sem sitja og svitna fyrir framan skjá-
ina í tölvuleikjum, heldur eru fullorðnir
ekki minni hluti kaupenda og/eða leik-
enda, þó stór hluti þeirra myndi ekki við-
urkenna að vera forfallnir Larry eða
Kings’Quest sjúklingar.
Larry varð heimsfrægur á einni nóttu í
nóvember 1988 þegar það fréttist að
hann bæri með sér tölvuveiru sem
skemmdi gögn á hörðum diskum þeirra
sem spiluðu hann. Þetta varð blaðamatur
um allan heim og m.a. bresku fjármála-
blöðin Financial Times og New Account-
am greindu frá því um mánaðamótin nóv-
des 1988 að tölvukerfí nokkurra banka og
fjármálastofnana hefðu orðið fyrir
skemmdum af völdum veiru sem átti að
hafa fylgt fyrsta Leisure suit Larry leikn-
um. Þegar málið var kannað kom í ljós að
einhverjir starfsmenn stofnananna höfðu
eytt frístundum sínum í að leika Larry og
að sú útgáfa sem keyrð hafði verið í kerf-
inu var sjóræningjaútgáfa sem einhverjir
þeirra höfðu fengið afritaða úti í bæ.
Mjög hart var tekið á þessu bæði hjá
stjórnendum fyrirtækjanna og hjá Sierra,
enda er, í Bandaríkjunum, 50.000 dala
sekt og allt að 5 ára fangelsi fyrir ólöglega
afritun leikjanna. Þessi sjóræningjaútgáfa
og aðrar slíkar eru ekkert einsdæmi, og
hafa þær jafnvel borist hingað til íslands.
Mjög erfitt er að rekja þessar útgáfur því
ekkert auðkenni er á þeim annað en það að
þegar leikandi hættir í leiknum birtist
stutt orðsending á skjánum þar sem leik-
anda er þakkað fyrir að hafa leikið sjóræn-
ingjaútgáfu af leiknum og þeim sem vilja
styrkja þá er bent á Samtök bandarískra
hjartasjúklinga, en þar á bæ kannast eng-
inn við neitt.
Það er staðreynd að hugbúnaðarþjófn-
aður er mjög algengur á íslandi, og
hvergi eins mikill og í sambandi við leiki.
Einn dreifingaraðila sem rætt var við sagði
að ef hann seldi fimm eintök af vinsælum
leik yrðu eftir skamman tíma u.þ.b. fjöru-
tíu ólögleg afrit af honum í umferð. Mörg-
um sem vinna á tölvum þykir sjálfsagt mál
að taka afrit af ritvinnslunni eða gagna-
grunninum sem fyrirtækið á og fara með
heim í sína tölvu og fæstir spá í að það sé
lögbrot.
En íslendingar sem aðrar þjóðir taka
ekki mikið mark á höfundarréttarlögum,
hvorki á tölvuhugbúnaði né á tónlist af
plötum eða geisladiskum. Það er tiltölu-
lega einfalt að fjölfalda tónlist en málið
getur flækst dulítið við hugbúnaðar fjöl-
Leikurínn Kings Quest, þrívíður ævintýraleikur sló fyrst í gegn og seldist í fyrstu útgáfu í 500
þúsund eintökum, næstu í 700þúsund eintökum, náði milljón íþeirriþriðju og enginn veit hvar
þetta endar.
földun. Það þekkist að hugbúnaður sé
með afritunarvörn sem kemur í veg fyrir
afritun en það dugir bara ekki til. Hægt er
að fá forrit sem gera fjölföldunina leik
einn. Þau brjóta upp allar stærðir og gerðir
hugbúnaðarlása og gera svo nákvæmar
eftirlíkingar að hugbúnaðurinn sjálfur
tekur ekki einusinni eftir því að hann sé
afrit en ekki áinn (,,master“).
Þeir söluaðilar sem haft var samband
við voru á einu máli um það að helstu
kaupendur tölvuleikja væru börn og ungl-
ingar, en þeir sögðu einnig að mikið væri
um að fullorðnir keyptu leiki. Börnin
virðast vera ginkeyptust fyrir spennuleikj-
um ýmiskonar og leikjum gerðum eftir
bíómyndum, eins og Batman og Ghost-
busters, en fullorðnir kaupa heldur flókn-
ari og dýrari leiki, s.s. flugherma, hernað-
arfræðilega leiki og flóknari ævintýraleiki,
eins og Sierra leikina. Svo virðist sem
tölvuleikjamarkaðurinn hér á landi sé dul-
inn, eins og helgidómur innvígðra. Ör-
sjaldan sjást auglýsingar um leiki í fjöl-
miðlum, nema þá helst í smáauglýsingum
dagblaða og eru þær ekki áberandi.
ierra hefur sent frá sér nokkuð af nýj-
um leikjum á þessu ári og ber þar hæst
Colonel’s Bequest sem er morðsaga í anda
Agötu Cristie, Concuests of Camelot sem
fjallar um ævintýri Arthúrs konungs og
Hero’s Quest sem er áþekkur King’s Qu-
est. Þessir leikir eru allir unnir í SCI og eru
með hljóðrás fyrir hljóðgerfla (nánar um
það seinna). Þegar þetta er ritað eru vænt-
anlegir nýir leikir frá Sierra. Enn eru það
framhaldsleikir sem eru á ferðinni og bera
hæst fimmti kafli(!) King’s Quest og fjórði
kafli Space Quest. Þeir eru aðeins fyrir AT
tölvur og eru víst ótrúlega stórir og eftir
því fullkomnir. Þess má geta að þeir eru
einnig gefnir út á geisladiskum sem bjóða
upp á að leikurinn „tali“ í gegnum hljóm-
flutningstæki og með þessu hefur Sierra
nú enn brotið blað í leikjaframleiðslu.
Geisladiskdrif fyrir tölvur eru að vísu dýr
en mér segir svo hugur, og er ekki einn um
það, að þegar nýjabrumið fer af þeim
munu þau lækka í verði og verða að staða-
Ibúnaði tölva. Geisladiskar eru endingar-
betri en venjulegir (floppy) diskar auk
þess sem geymslurýmið á geisladiski er
u.þ.b. hundraðfalt á við venjulegan disk.
Það virðist því styttast í það að takmark
Sierra verði að veruleika, en það er að gera
leiki sem eru eins og kvikmyndir sem
leikandinn stjórnar. Þau eru vissulega
ekki langt frá takmarkinu, tónlistin er til
staðar, myndgæðin eru farin að nálgast
sjónvarpsgæði og tölvan talar í gegnum
tölvugeisladrifið, en enn vantar herslu-
muninn, og virðist hann helst vera í hraða
tölvanna og minnisstærð. En framtíðin er
björt fyrir okkur leikjasjúklingana.
0
92 ÞJÓÐLÍF