Frjáls verslun - 01.03.2015, Page 41

FRJÁLS VERSLUN 3 tbl. 2015 41
Jú, það var einn þeirra möguleika sem
voru til skoðunar enda mikilvægt að fá
erlenda fjárfestingu inn í hagkerfið. Við
töldum hins vegar rétt að stíga varlega til
jarðar og kynnast fjárfestunum í gegnum
samstarf. Eigið fé Advania var afar lágt og
rekstrarleg endurskipulagning ekki full­
kláruð. Nauðsynlegt var að auka eigið fé
og við leituðum til aðila sem við töldum
ákjósanlega samstarfsaðila með tilliti til
reynslu og tengsla á lykilmörkuðum. Fjár­
festar að baki AdvInvest uppfylltu okkar
skilyrði og voru tilbúnir að koma með
okkur í þá vegferð. Okkar mat var að
stefnu mótandi samstarf meðfjárfesta myndi
efla félagið og auka verðmæti þess enn
frekar. Það reyndist rétt og ávöxtun okkar
af verkefninu er góð þar sem við höfum nú
selt hlut okkar að fullu til þeirra. Samstarf
okkar og þeirra hefur treyst trú okkar á að
aðkoma þeirra að félaginu muni verða því
til farsældar og efla það til framtíðar.
13.
Hvers vegna var Advania ekki sett á
hlutabréfamarkað á Íslandi til að gefa
innlendum fagfjárfestum tækifæri á að
koma að félaginu?
Okkar mat var að félagið væri í minna lagi
og afkoman ekki nægjanlega stöðug til að
eiga erindi í Kauphöllina. Það er því áfram
unnið að því að styrkja og efla félagið, færa
rekstur þess úr tapi í hagnað og gera það
hæft til skráningar. Við vorum samstiga
AdvInvest um að stefnt yrði að skráningu
þegar félagið væri tilbúið til þess og
samhliða sölu okkar til þeirra nú hafa þeir
ítrekað þá stefnu.
14.
Í fjárfestingarstefnu Framtakssjóðsins
er lögð áhersla á að félagið eigi á
bilinu 30 til 35% í fyrirtækjum. Er sú
fjárfestingarstefna ekki í ætt við kjöl ­
festufjárfestingar og þess vegna tákn
um fjárfestingar til langs tíma en ekki
skamms tíma?
Framtakssjóðurinn er kjölfestufjárfestir
þó að sjóðurinn sé ekki langtímafjárfestir
sem þýðir í raun að við komum inn sem
virkur eigandi í þann tíma sem við erum
hluthafar í félaginu. Rekstrarleg og
fjárhagsleg endurskipulagning krefst þess
að sjóðurinn eigi áhrifahlut í félögum til
að hann geti beitt sér og tilnefnt öfluga
stjórnarmenn til að móta stefnuna. Þetta
er hægt að gera með því að vera með gott
hluthafasamkomulag og með því að koma
að félaginu sem tiltölulega stór hluthafi.
15.
Hverju svarar þú þeim vangaveltum að
Framtakssjóðurinn hafi ekki nýtt sér
kauphöllina í nægilega miklum mæli til
að selja eignir sínar?
Það verður auðvitað að skoða hvert fyrir ­
tæki fyrir sig og hvort það eigi erindi á
markað. Skráning í Kauphöll hefur verið
efst á óskalistanum hjá okkur við að selja
fyrirtæki í okkar eigu. Ég er þeirrar skoð­
unar að öflugur hlutabréfamarkaður styrki
atvinnu­ og efnahagslíf til lengri tíma litið.
Félögum hefur fjölgað í kauphöllinni og
fleiri eru á leiðinni, sem er jákvæð þróun.
Til þess að fyrirtæki eigi erindi í kauphöll
þurfa þau að ná ákveðinni stærð, þannig að
flot bréfa stuðli að eðlilegri verðmyndun á
markaði. Þar við bætist að til að félög séu
áhugaverður fjárfestingarkostur á markaði
þarf rekstur þeirra að hafa verið stöðugur
eða vaxandi í einhvern tíma þannig að
fjárfestar hafi sannfæringu fyrir trúverðugri
rekstrarsögu. Framtakssjóðurinn setti bæði
Fjarskipti (Vodafone) og N1 á markað. Þær
skráningar tókust vel og sjóðurinn fékk
ásættanlegt verð fyrir hlut sinn í félögunum.
16 .
Hver var heildarvelta þeirra fyrirtækja
sem Framtakssjóðurinn á núna hlut í á
síðasta ári? Sem og fjöldi starfsmanna í
fyrirtækjum sem sjóðurinn á hluta í?
Heildarfjöldi starfsmanna félaga í eigu
sjóðsins síðustu ármót var um þrjú þúsund
og heildarvelta félaganna samsvaraði um
120 milljörðum króna árið 2014.
17.
Framtakssjóðurinn keypti frekar
óvænt um 38% eignarhlut í íslenska
lyfjafélaginu Invent Farma á síðasta
ári – en félagið er með starfsemi sína
að mestu á Spáni. Hvernig kemur þessi
fjárfesting heim og saman við stefnuna
um endurreisn íslensks atvinnulífs?
Invent Farma sker sig ekki úr í eignasafni
sjóðsins, þar sem fjárfestingar FSI eins og
Promens og Icelandic eru með meginhluta
starf semi sinnar og nær allar tekjur
erl end is. Félagið er íslenskt þótt starfsemin
sé að mestu á Spáni. Sjóðurinn keypti
-5
0,0xHúsasmiðjan
Plastprent
Advania
N1
Vodafone
Icelandair Group
Icelandic USA
Promens
FSI*
4,1x
5,0 10,0 15,0 20,0
1,5x
1,6x
1,8x
4,2x
1,9x
2,0x
1,6x
Eignavirði
Gulu súlurnar:
Kaupverð í fyrirtækjum
43 milljarðar króna.
Rauðu súlurnar:
Hagnaður af fjárfest-
ingunum um 40
milljarðar króna.
Söluandvirði eigna og
gangvirði núverandi
eignarhluta um 83
milljarðar króna.
*ath. Súla merkt Fram-
takssjóðnum, FSÍ, eru
núverandi eignir í Ice-
landic og Invent Farma
og áætlað gangvirði
þeirra.
Gulu súlurnar:
Kaupverð í fyrirtækjum 43 milljarðar króna.
Rauðu súlurnar:
Hagnaður af fjárfest ingunum um 40 milljarðar króna.