Frjáls verslun - 01.02.2011, Page 93

FRJÁLS VERSLUN 1.tbl.2011 93
Þegar talað er um að ekki sé allt sem sýn­
ist í The Tree of Life þá er ekki eingöngu
átt við fjölskyldumálin heldur er víst í mynd­
inni einhver angi af vísindaskáldskap, að
minnsta kosti lét Brad Pitt hafa eftir sér að í
myndinni … „er lítil hliðarsaga um alheim inn
frá upphafi hans til enda og þar koma vís­
indin inn í söguna“. Hvað hann á við kemur
sjálf sagt ekki í ljós fyrr en myndin verð ur
tekin til sýningar í maí.
Malick kemur á óvart
Það var strax síðla árs 2005 sem Terence
Malick lagði fram frumdrög að The Tree of
Life og fékk grænt ljós. Ákveðið var að hefja
tökur 2006 og rætt um að Colin Farrell og
Mel Gibson yrðu í aðalhlutverkunum, en
þegar Malick var ekki tilbúinn með hand­
rit og önnur undirbúningsvinna stutt á veg
komin var tökum frestað og Farrell og
Gibson duttu út. Þegar svo Malick var til bú­
inn var Sean Penn kominn til leiks svo og
Heath Ledger. Ledger lést eins og kunnugt er
af völdum lyfja og þá hljóp Brad Pitt í skarðið.
Þar sem lítið er vitað um myndina nema
óljós efnistök hafa fáir lagt í að spá um við­
tökurnar en miðað við fyrri myndir Malicks
efast enginn um að hún sé mikið sjónarspil
með þungum áherslum, spurningin er að­
eins um gæðin og hvort hún nái til fjöldans.
Eftir mikla sigurgöngu The Thin Red Line
(1998) olli The New World nokkrum von­
brigðum í upphafi og má segja að þar hafi
komið til að þegar búist er við miklu verða
vonbrigði meira áberandi. Flestir hafa þó
tekið myndina í sátt og í dag nýtur hún virð­
ingar en með sanni má segja að hún sé síst
kvikmynda Malicks.
Miðað við fyrri hraða hjá Terence Malick
hefði mátt ætla að ekki væri að vænta
nýrr ar kvikmyndar frá honum næstu árin
eftir að hafa komið The Tree of Life frá
sér. Þess vegna varð undrun manna mikil
þeg ar fréttist að hann væri þegar byrjaður
á annarri kvikmynd sem hefur ekki fengið
nafn enn sem komið er, en tökur eru langt
komnar í Oklahoma. Í aðalhlutverki er Ben
Affleck. Sagan segir að Malick hafi viljað
Christ ian Bale í hlutverkið og þeir átt saman
fund en Bale hafi verið búinn að bóka sig
á sama tíma í 13 Women of Nanjing sem
Yimou Zhang leikstýrir. Í öðrum hlutverkum
í þessari ónefndu kvikmynd eru leikarar
ekki af verri endanum og má nefna Javier
Bardem, Rachel McAdams, Rachel Weisz,
Amöndu Peet og Jessicu Chastain. Á þess­
ari upptalningu má sjá að Terence Malick
hef ur enn sama aðdráttaraflið þegar kemur
að því að velja leikara, enginn segir nei
nema tilneyddur.
Terence Malick í Oklahoma við tökur á nýjustu
kvikmynd sinni, sem enn hefur ekki fengið nafn.
kvikmyndir
Rauðhetta
Hið klassíska ævintýri um
Rauðhettu er viðfangsefni
leikstjórans Catherine Hard­
wicke í Red Riding Hood.
Hardwicke er þekktust fyrir
að hafa leikstýrt fyrstu kvik­
myndinni um ungu vam p ír ­
urnar í Twilight­mynda flokkn ­
um sem notið hefur mik illa
vinsælda. Þeir sem vonast
til að sjá nýja útgáfu af
ævintýrinu um Rauðhettu,
sem vel að merkja sumir
telja vart við hæfi ungra
barna, ættu að sitja heima
því Hardwicke er hér meira
á slóðum Twilight­myndanna
en í þeim ævintýraheimi sem
við þekkjum. Með hlutverk
Rauðhettu fer Amanda
Seyfried, sem gerði garðinn
frægan í Mamma Mia, Gary
Oldham leikur varúlfaveiðara
og í hlutverkum ungra
manna sem berjast um ástir
Rauðhettu eru Shiloh Fern­
andez og Max Irons (sonur
Jeremys Irons). Í hlutverki
ömmunnar er svo Julie
Christie. Rauðhetta verður
frum sýnd hér á landi um
miðj an apríl.
Jodie Foster
treystir Mel
Gibson
Mel Gibson á ekki marga vini
í Hollywood þessa dagana
og skyldi engan undra eins
og hann hefur hagað sér á
síðustu misserum; blótaði
gyðingum þegar hann var
tekinn blindfullur undir stýri
og lamdi síðan eiginkonu
sína, rússnesku söngkonuna
Oksönu Grigorievu, áður
en hún hljóp frá honum.
Orðspor hans er orðið slíkt
að enginn vill koma nálægt
honum og hafa verið mikil
vandræði með að finna
dreifi ngaraðila fyrir nýjustu
kvik mynd hans The Beaver,
sem Jodie Foster leikstýrir
og leikur aðalhluterkið á
móti honum. Foster hefur
hvað eftir annað komið hon­
um til varnar enda mikið í
húfi hjá henni. Nú er loks
kominn frumsýningardagur
vestan hafs, 20. maí, en ár
er síðan myndin var full gerð.
Í myndinni leikur Gibson
yfirmann hjá leikfanga fyrir­
tæki sem á í vandræðum
með að tjá sig og tekur upp
á því að taka uppstoppaðan
bifur í fóstur og tjáir sig síðan
í gegnum hann.
J. Edgar
Gott vín batnar með aldrinum
segir máltækið og ef það er
fært upp á mannskepnuna
þá kemst Clint Eastwood
ofarlega á blað. Þessi átt­
ræði fyrrverandi töffari
hefur leikstýrt hverri gæða­
mynd inni á fætur annarri
á síðustu árum og síðasta
mynd hans, Hereafter,
var frábær kvikmynd sem
átti skilið betri aðsókn, en
löndum Eastwoods fannst
myndin víst of evrópsk.
Nú er Eastwood kominn af
stað með aðra kvikmynd,
J. Edgar, sem sjálfsagt á
eftir að fara fyrir brjóstið á
mörgum, en viðfangsefnið er
fyrsti forstjóri FBI, J. Edgar
Hoover, á sínum yngri árum.
Ekki er um að ræða neina
glansmynd af honum, fyrst
og fremst er verið segja
frá manni sem var hommi
í felum og undir harðstjórn
móður sinnar. Leonardo
DiCaprio leikur Hoover, Judy
Dench móður hans, Armin
Hammer, ungur og óþekktur
leikari, er í hlutverki Clydes
Tolsons, sambýlismanns
Hoovers, og Naomi Watts
leik ur ritara Hoovers, sem
þjón aði honum frá árinu 1918
þar til hann dó, 1972.
bíófréttir
Amanda Seyfried leikur Rauðhettu í samnefndri kvikmynd.
Mel Gibson með uppstoppaðan bifur.
Leonardo DiCaprio í hlut-
verki J. Edgars Hoovers.