Frjáls verslun - 01.04.2011, Page 21

FRJÁLS VERSLUN 4.tbl.2011 21
TexTi: STeingerður STeinarSdóTTir Myndir: geir ólafSSon
Mæling á trúverðugleika stjórnenda tekur
til stjórnenda og næsta yfirmanns og er
m.a. spurt hvort yfirmenn fyrirtækisins
virði starfsfólkið, hvernig vinnustaðnum sé
stjórn að, hvort starfsfólki sé hrósað og hvort
svarendur beri traust til yfirmanna sinna.
Þessi gleðilega niðurstaða sýnir svo ekki
verður um villst að til eru fyrirtæki á Íslandi
þar sem aðbúnaður er eins og best verður
á kosið.
En telur Stefán að könnunin stuðli að því
að stjórnendur og eigendur fyllist metnaði
og vilji bæta sig eftir að niðurstöður könn­
unarinnar liggja fyrir?
„Við höfum séð fyrirtæki lyfta grettistaki í
innri málefnum vinnustaðarins eftir slælegt
gengi í könnuninni og jafnvel stökkva upp
í eitt af efstu sætunum. Það dugar lítt fyrir
stjórnendur að bölva í hljóði þegar starfs­
fólkið gefur fyrirtækinu falleinkunn í könnun
sem þessari. Betra er að nota niðurstöðurn­
ar til að bæta það sem aflaga hefur farið,
og það gera svo sannarlega margir.“
Nýherji og Dynjandi
hástökkvarar
Það virðast vera orð að sönnu því hástökkv­
ari ársins meðal stærri fyrirtækja er Nýherji,
fór úr 91. sæti árið 2010 í það 17. í ár, og
Dynjandi er hástökkvarinn í hópi minni fyrir­
tækja; fór úr sæti 192 árið 2010 í 56. sæti í ár.
En hvað hefur komið nýjum formanni VR
mest á óvart varðandi þær upplýsingar sem
safnað er og helstu niðurstöður könnunar­
innar?
„Það sem helst hefur komið mér á óvart er
hversu mikill munur virðist milli fyrirtækja á
starfsánægju og viðhorfi starfsmanna. Sum
fyrirtæki virðast gera mjög vel en í öðrum
virðist ástandið ekki nógu gott. Í mörgum til­
vikum er um alvarlegar brotalamir að ræða
en kannski ekki síður andvaraleysi gagnvart
mikilvægi þess að hlúa vel að starfsfólkinu.
Ekkert fyrirtæki gæti starfað án þess mann­
auðs sem það hefur á að skipa. Það er mikil
kúnst að virkja það afl sem í fólki býr, en
þegar vel tekst til lætur árangurinn ekki á
sér standa,“ segir Stefán Einar.
Hverjir eru bestir? Þetta er annað árið í röð sem Íslenska gámafélagið vinnur titilinn fyrirtæki ársins hjá VR í flokki stærri fyrirtækja.
Nýherji var hástökkvari ársins í flokki stærri fyrirtækja.
Þórður Sverrisson, forstjóri Nýherja, með viðurkenn­
inguna.
Dynjandi var hástökkvari ársins í flokki minni fyrir­
tækja. Guðlaugur Steindórsson, forstjóri Dynjanda,
með verðlaunin.
Vinnuföt ehf. sigruðu í flokki minni fyrirtækja.
Hér tekur Örn Arnarson, sölustjóri Vinnufata, við
viðurkenningunni.