Frjáls verslun - 01.07.2011, Page 79

FRJÁLS VERSLUN 7.tbl.2011 79
líta eftir hvort allt væri ekki á réttu rólu með
Super 8 og Cowboys and Aliens.
Peter Jackson ólst upp við Tinna­sögurnar
og hefur lengi verið draumur hans að kvik­
mynda þær og þegar Spielberg, sem hafði
tryggt sér réttinn á öllum bókunum um
Tinna eftir belgíska teiknarann Hergé, frétti
af þessum áhuga Jacksons setti hann sig
í samband við hann. Þeir ákváðu að gera
þrjár kvikmyndir um Tinna og eru þegar
búnir að velja sögurnar tvær sem koma í
framhaldinu af Ævintýri Tinna: Leyndar dómi
einhyrningsins. Hvort það verður Spielberg
eða Jackson sem leikstýrir framhalds mynd­
unum tveimur er óvíst.
Spielberg kynntist Tinna ekki í æsku eins
og Jackson. Hann vissi ekki hver Tinni var
fyrr en hann frétti af dómum í Evrópu þar
sem söguþræðinum í Indiana Jones­mynd
hans Raiders of the Lost Ark var líkt við
sögurnar um Tinna. Hann varð sér strax úti
um bækurnar og hreifst samstundis og var í
mörg ár með Tinna í hugmyndasmiðju sinni.
Í fyrstu var ætlunin að gera hefðbundna
leikna kvikmynd en þeim félögum þótti
Tinni ekki alveg nógu trúverðugur og tóku í
þjón ustu sína tölvutæknina á sama hátt og
James Cameron kynnti fyrir okkur í Avatar
þannig að Jamie Bell, sem túlkar Tinna, er
líkari Tinna en sjálfum sér, þótt vel megi sjá
svip með Tinna og Bell. Helstu mótleikarar
Bells eru Daniel Craig, Andy Serkis, Simon
Pegg, Gary Elves og Toby Jones.

Stríðshestur
Eins og Ævintýri Tinna er War Horse byggð
á bók sem lengi hefur verið í umferð.
Um er að ræða samnefnda skáld sögu,
sem fyrst var gefin út 1982. Hún á það
sameiginlegt með Tinna að vera ævintýra­
saga skrifuð fyrir unga lesendur, en þar
með lýkur samlíkingunni þar sem War
Horse gerist í fyrri heimsstyrjöldinni og segir
frá hestinum Joey, sem seldur er breska
hernum og fluttur á stríðsstöðvar í Frakk­
landi. Fyrrverandi eigandi hans, ungur
dreng ur sem heitir Albert, getur ekki gleymt
hestinum og þar sem hann er of ungur til
að skrá sig í herinn leggur hann í ferðalag
á slóðir stríðsins til að finna Joey og koma
með hann heim.
Höfund skáldsögunnar, Michael Morpurgo,
hafði lengi dreymt um að koma sögu sinni
á hvíta tjaldið og lét fljótlega eftir útkomu
bókarinnar skrifa handrit sem ekki fékkst
kvikmyndað. Það var svo árið 2007 sem
leikgerð eftir War Horse var frumsýnd í West
End í London. Hlaut leikritið frábærar við­
tökur gagnrýnenda sem og mikla aðsókn.
Meðal aðdáenda leikritsins voru hjónin
Kathleen Kennedy og Frank Marshall sem
fóru með tveimur dætrum sínum að sjá það.
Þau hafa bæði lengi unnið með Steven
Spielberg og Kathleen lét Spielberg vita
um sýninguna og að þarna væri verðugt
verkefni fyrir hann. Spielberg sá leikritið og
las bókina. Það var svo í desember 2009
að hann gaf út tilkynningu um að fyrirtæki
hans DreamWorks myndi gera kvikmynd
eftir War Horse. Í millitíðinni hafði Morpurgo
gert enn eina tilraun til að koma sögunni
í kvikmyndahandrit og fengið leikskáldið
og handritshöfundinn Lee Hall (Billy Elliot)
til að skrifa handrit. Hall var varla búinn
að setja punktinn við síðustu setninguna
þegar tilkynningin kom frá Spielberg.
Spielberg keypti handrit Lees og fékk hinn
kunna handritshöfund Richard Curtis til að
endurskrifa það og eru þeir Lee og Curtis
báðir titlaðir handritshöfundar.
Allt frá því tökur hófust hefur mikil leynd
hvílt yfir myndinni og fáir vita í raun hvernig
Spielberg tæklar söguna. Í aðalhlutverkinu
er ungur og óþekktur leikari, Jeremy Irvine,
sem aldrei hefur áður leikið í kvikmynd.
Reyndari breskir leikarar eru í öðrum hlut­
verkum, má þar nefna Emily Watson, Bene­
dict Cumberbatch, David Thewlis og Peter
Mullen.
Þess má svo geta að lokum að John
Williams, það mikla kvikmyndatónskáld,
semur tónlistina við báðar kvikmyndirnar og
er greinilegt þegar sýnishorn úr myndunum
eru skoðuð að hann hefur engu gleymt, en
hann verður áttræður á næsta ári.
kvikmyndir
Draumahúsið
Mikið hefur verið fjallað um Daniel Craig
og Rachel Weisz og hvernig þeim tókst að
koma öllum á óvart þegar þau giftu sig eftir
stutt kynni. Þessi eldheita ást varð til við
tökur á Dream House, sem Jim Sheridan
(In the Name of the Father, My Left Foot)
leikstýrir. Um er að ræða gamaldags
sálfræðitrylli um fjölskyldu sem sest að í
litlu þorpi í Nýja­Englandi. Fljótlega komast
þau að því að móðir og tvö börn hennar
voru myrt í húsinu og að margir hafa trú á
því að fjölskyldan verði næstu fórnarlömb
morðingjans, sem gengur laus. Craig og
Weisz leika hjónin og Naomi Watts leikur
nágranna sem var fjölskylduvinur þeirra sem
voru myrt. Dreamhouse verður frumsýnd
vestanhafs í lok september.
Straw Dogs
Nákvæmlega fjörutíu ár eru frá því að Sam
Peckinpah sendi frá sér hina ofbeldisfullu
Straw Dogs þar sem Dustin Hoffman lék
heimilisföður sem fær unglingagengi upp á
móti sér og snýst til varnar þegar eiginkonu
hans hefur verið nauðgað. Nú er búið
að endurgera Straw Dogs og fer James
Marsden í fótspor Hoffmans. Aðrir leikarar
eru Alexander Skarsgard, Kate Bosworth,
Dominic Purcell og James Woods. Leikstjóri
er Rod Lurie. Hvort mynd Luries nær sömu
áhrifum á áhorfendur og mynd Peckinpahs
gerði á eftir að koma í ljós en verður að
teljast harla ólíklegt.
Akstur
Danski leikstjórinn Nicholas Winding Refn,
sem hingað til hefur verið þekktastur
fyrir Pusher­myndirnar þrjár og Bronson,
fékk verðlaun sem besti leikstjórinn á
kvikmyndahátíðinni í Cannes í vor fyrir
leikstjórn sína á Drive, sem er fyrsta
bandaríska kvikmyndin sem hann leik stýrir.
Í myndinni leikur Ryan Gosling áhættu­
bílstjóra í Hollywood sem á nóttunni keyrir
fyrir harðsvíraða glæpamenn. Þegar eitt
slíkt verkefni fer í vaskinn þarf hann á allri
sinni snilld að halda til að komast lifandi úr
þeirri raun. Handritið var skrifað með Ryan
Gosling í huga fyrir aðalhlutverkið og hann
fékk að velja leikstjóra. Er greinilegt að
hann hefur hrifist af fyrri myndum Refns því
hann valdi hann strax. Drive verður tekin til
sýningar hér á landi 23. september.
Daniel Craig og Rachel Weisz í draumahúsinu sínu.
James Marsden leikur handritshöfund sem fær
glæpagengi upp á móti sér í Straw Dogs. Ryan Gosling í hlutverki áhættubílstjóra í Drive.
Óþekktur leikari,
Jeremy Irvine, leikur
aðalhlutverkið í War
Horse. Hann er hér
ásamt hestinum
Joey, sem er helsti
mótleikari hans.