Frjáls verslun - 01.07.2011, Blaðsíða 41

FRJÁLS VERSLUN 7.tbl.2011 41
Hugmyndin kviknaði í raun fyrir um átta árum og við stofnuðum Farmers market tveimur árum síðar,“ segir Bergþóra, sem
er hönnuðurinn í fyrirtækinu og hafði um
árabil verið hönnuður hjá einu af þekktari
útivistarfyrirtækjum landsins.
„Það var tvennt sem einkenndi hinn al­
þjóðavædda fatamarkað á þessum tíma;
annars vegar einsleitni og hins vegar
notkun og þróun gerviefna, sem var mjög
mikil. Okkur langaði að fara gegn straumn­
um og stofna vörumerki sem hefði yfir
sér þjóðlegri og persónulegri blæ og setti
náttúruleg hráefni í öndvegi, þar á meðal
íslensku ullina okkar góðu.“
Núna sex árum síðar segir Bergþóra að
þau hjón hafi náð vel þeim markmiðum
sem sett voru til fimm ára í upphafi.
„Við ætluðum að vera með heilsteypta
línu og framleiðsluferli, sem gæti gefið okk­
ur möguleika á að vaxa,“ segir Bergþóra.
„Við byrjuðum mjög rólega með tvær
hend ur tómar árið 2005 og unnum önnur
verkefni samhliða.“
Núna eru framleiddar um fjörutíu þús­
und flíkur á ári á vegum Farmers market
og vörunúmer eru um þrjú hundruð í fata­
línunni. Framleiðslan er bæði fyrir heima­
markað og útlönd.
Varfærnisleg skref
Bergþóra segir að fyrirtækið hefði getað
vaxið enn hraðar. „Við verðum að passa
okk ur á að fara ekki fram úr sjálfum okk­
ur,“ segir Bergþóra. „Við höfum viljað vaxa
hægt og hafa góða yfirsýn yfir það sem við
erum að gera. Við vöndum því hvert lítið
skref sem við tökum.“
„Erfiðast fyrir lítil fyrirtæki í útflutningi
á Íslandi er sú staðreynd að við erum
ekki hluti af ESB,“ segir Bergþóra. Hún
segir einnig að íslensk tollalög séu mjög
til trafala fyrir hönnunarfyrirtæki, sem
eru stöðugt að þróa nýjar vörur, panta og
senda sýnishorn af efnum og frumgerðir af
vörum.
Bankahrunið hefur þó á margan hátt bætt
aðstöðu sprotafyrirtækja. „Viðhorf hér
heima til þess sem við erum að gera hefur
batnað eftir hrun,“ segir Bergþóra. „Íslend­
ingar fengu hrað­kúrs í hagfræði og kunna
nú sífellt betur að meta íslensk fyrirtæki.“
Gjaldeyrishöftin eru þó erfið en minni
vandi er við fjármögnun. „Við höfum
ekki verið í vandræðum enda eigum við
fyrirtækið okkar sjálf og sníðum okkur
stakk eftir vexti,“ segir Bergþóra.
skortur á starfsfólki
Hins vegar segir hún að það komi á óvart
hvað íslensk framleiðslufyrirtæki eigi erfitt
með að fá fólk til starfa eftir hrun.
„Það er fyrirtæki eins og okkar lífsnauð­
syn að framleiðslan sé hnökralaus og að
þeir framleiðendur sem við vinnum með
séu vandvirkir og standi við afhendingar,“
segir Bergþóra. „Við framleiðum hluta af
lín unni okkar hér heima og hjá þeim sem
við vinnum með er vöntun á starfsfólki
versti flöskuhálsinn. Við gætum framleitt
miklu meira hér ef fólk fengist í vinnu.“
Lædómurinn sem Bergþóra dregur af
reynslu sinni til þessa er að kunna sér hóf.
„Við erum ekki með neina fjárfesta á bak
við okkur og það skiptir okkur miklu máli
hvernig hverri krónu er varið. Þetta hefur
gert það að verkum að við höfum aldrei
freistast til að taka skref sem við sjáum ekki
fram á að geta tekið. Bremsan er jafnmikil­
væg og bensíngjöfin,“ segir Bergþóra
Guðna dóttir.
vantar fólk í vinnu
Bergþóra Guðnadóttir og Jóel Pálsson hjá Farmers market í Reykjavík.
Farmers market
viðTöl: gíSli KriSTjánSSon
myndir geir ólafSSon
Hjónin Bergþóra Guðnadóttir og Jóel Pálsson hafa á síðustu sex árum komið
upp sérstæðu hönnunarfyrirtæki þar sem nú eru framleidar fjörutíu þúsund
flíkur á ári. Galdurinn er að byrja smátt með frumlegar hugmyndir.