Frjáls verslun - 01.02.2010, Page 27

F R J Á L S V E R S L U N • 2 . T B L . 2 0 1 0 27
Ég vil ganga minn veg, þú vilt ganga þinn veg. Svo segir í text-anum. Aðildin að ESB er farin að þvælast stórlega fyrir stjórn-inni. Stjórnin er klofin. Vinstri grænir vilja ekki ganga í ESB
en þetta mál er nánast það eina hjá Samfylkingunni. Vinstri grænir
gáfu þetta mál eftir við myndun ríkisstjórnarinnar. Meirihluti þjóð-
arinnar er á móti aðild og það gerir aðildarviðræður okkar auðvitað
ótrúverðugar í augum sambandsins. Mikil vinna hefur farið í aðild-
arviðræðurnar.
Betra hefði verið að efna fyrst til þjóðaratkvæðagreiðslu um hvort
fara ætti í aðildarviðræður og fá fram samþykki þjóðarinnar. Þá
væri sterkara bakland á bak við umsóknina. Ekki fer á milli mála að
Icesave hefur blandast inn í aðildarviðræðurnar þó að annað sé sagt
opinberlega. Margir hallast að því að Hollendingar og Bretar muni
í leiðtogaráði ESB tefja málið nema Íslendingar gangi frá Icesave á
þeirra nótum. Eftir stendur að viðræðurnar munu væntanlega leiða
til samnings sem borinn verður undir þjóðina.
Íslendingar eru nú þegar um 80% inni í ESB í gegnum EES-
samninginn. Margir spyrja sig að því hver sé ávinningurinn af því
að ganga í sambandið til fulls, nema þá til að skipta um gjaldmiðil
og taka upp evru. Þetta er heitt mál – og þvælist fyrir stjórninni og
stuðningsmönnum hennar. Sagt er að innan Samfylkingar trúi menn
því frekar að ESB komist í gegn með samstarfi við Sjálfstæðisflokk-
inn en VG. Sjálfstæðisflokkurinn er þó á móti aðild, a.m.k. eins og
staðan er núna.
„ESB.
Ég vil ganga minn
veg, þú vilt ...“
EsB