Frjáls verslun - 01.02.2010, Qupperneq 32

32 F R J Á L S V E R S L U N • 2 . T B L . 2 0 1 0
Forsíðu grein línudans stjórnarinnar
Svandís Svavarsdóttir umhverfisráðherra hefur sætt harðri gagnrýni fyrir að tefja lagningu Suðvesturlínu til Helguvíkur og þar með framkvæmdir í Helguvík. Hún vill sameiginlegt
umhverfismat. Hún felldi úr gildi ákvörðun Skipulagsstofnunar
um að ekki þyrfti að fara fram sameiginlegt mat á umhverfisáhrifum
framkvæmda vegna Suðvesturlínu en hluti af línunni er sagður
fara yfir viðkvæm svæði. Skipulagsstofnun sagði í úrskurði sínum
að þar sem svo óljóst sé hvaða framkvæmdir muni tengjast raf-
orkuöflun og orkuflutningi vegna álvers í Helguvík og hversu mis-
langt á veg þær framkvæmdir séu komnar í undirbúningi, myndi
það stangast á við meðalhófsreglu stjórnsýslulaga að gera Landsneti
að bíða eftir því að farið yrði af stað með mat á umhverfisáhrifum
nýrra virkjanakosta.
Umhverfisráðherra sagði meðal annars í úrskurði sínum að
ráðuneytið teldi líklegt að vegna álvers í Helguvík auk ann-
arra orkufrekra verkefna á Suðurnesjum þyrfti að virkja frekar á
Reykjanesi og jafnvel víðar. Hins vegar lægi ekki fyrir hversu langt
áform um mögulegar virkjanir væru komnar og það væri því mat
umhverfisráðuneytisins að það lægi ekki fyrir með nægjanlega
skýrum hætti að hvaða marki framkvæmdin Suðvesturlínur er háð
því að til frekari virkjunarframkvæmda og iðnaðaruppbyggingar
komi.
Svandís ákvað í lok janúar að hafna aðalskipulagi vegna þriggja virkjana í neðri Þjórsá, m.a. Urriðafossvirkjun, sem varð til þess að Landsvirkjun ákvað að fresta öllum
viðræðum við fjölda erlendra fyrirtækja sem óskað höfðu eftir
orkukaupum. Sagði forstjóri Landsvirkjunar að ákvörðun ráð-
herrans myndi tefja atvinnuuppbyggingu, sem nýtt hefðu orku
þessara virkjana, um eitt til tvö ár. Sveitarstjórn Flóahrepps hefur
ákveðið að stefna Svandísi vegna Urriðafossvirkjunar en Skeiða- og
Gnúpverjahreppur hefur ekki tekið ákvörðun um málshöfðun
vegna Hvamms- og Holtavirkjana. Ráðherrann hafði þau rök að
Landsvirkjun hefði greitt fyrir skipulagsvinnuna.
„Er Svandís að stöðva
orkugeirann?“
„Flóahreppur
stefnir Svandísi“
Svandís Svavarsdóttir.