Frjáls verslun - 01.02.2010, Qupperneq 41

F R J Á L S V E R S L U N • 2 T B L . 2 0 1 0 41
s t j ó r n m á l
rotaði ríkisstjórnina
Stefanía Óskarsdóttir stjórnmálafræðingur tekur undir
þetta og segir að málið hafi í raun verið tapað fyrstu dagana
eftir að forsetinn synjaði Iceasave-2 staðfestingar. Stefanía
segir að ákvörðun Ólafs Ragnars Grímssonar hafi verið
ríkisstjórninni þungt áfall og að stjórnin hafi ekki náð sér
aftur.
„Ólafur Ragnar rotaði ríkisstjórnina með synjuninni,“
segir Stefanía. „Og ríkisstjórnin virtist ráðlaus í við-
brögðum sínum og er það enn. Átti Jóhanna ekki að segja
umsvifalaust af sér eins og Jón Baldvin Hannibalsson lagði
til? Ríkisstjórnin missti sín völd en ein afleiðingin er að
stjórnin svífur nú áfram í tómarúmi án þess að koma lykil-
atriðinu í efnahagsstefnu sinni í höfn og enginn veit hvað
gerist næst.“
andstaðan bíður líka
Þjóðaratkvæðagreiðslan um Icesave-lögin var þannig áfall
fyrir ríkisstjórnina – ekki bara vegna niðurstöðunnar
heldur vegna þess að stjórnarliðar vissu hvorki fyrir né eftir
kjördag hvernig þeir áttu að bregðast við. Og ekki er árang-
urinn meiri hjá stjórnarandstöðu.
Skoðanakönnun Fréttablaðsins 19. mars sýnir að nú
fyrst fer að fjara undan fylgi ríkisstjórnarinnar. Stjórnarliðar
hafa virkilega haft vindinn í fangið frá upphafi en haldið
fylginu merkilega vel þar til nú. Fjórðungur fylgismanna
stjórnarinnar hefur snúið við henni baki og óþolið er mest
meðal Samfylkingarfólks.
Yfirburðasigur andstæðinga laganna nýtist hins vegar
ekki til annars en að benda á dalandi vinsældir stjórn-
arinnar. Bjarni Benediktsson hefur sagt að stjórnin eigi
að segja af sér en krafa hans um að taka við af Jóhönnu
Sigurðardóttur er ekki hávær. Fyrir Sjálfstæðisflokkinn
skiptir meiru að valda ekki óþarfa óróa í aðdraganda sveit-
arstjórnarkosninga – og rannsóknarskýrslan umtalaða er
ókomin enn.

Forsetinn synjar Icesave-lögunum staðfestingar.