Frjáls verslun - 01.02.2010, Síða 78

78 F R J Á L S V E R S L U N • 2 . T B L . 2 0 1 0
Íslenskur iðnaður
iðnaður sparar gjaldeyri
Um 40% af heildar-
útflutningstekjum
þjóðarinnar
Árið 2009 aflaði iðnaðurinn um 40% af heildarútflutningstekjum
þjóðarinnar og munar þar mest um áliðnaðinn. Segja má að
hagkerfið hvíli á þremur álíka stórum útflutningsstoðum: iðnaði,
sjávarútvegi og ferðaþjónustu en uppistaðan í því tengist ferða-
mennsku og samgöngum. Mikilvægi iðnaðar hefur aukist enn
frekar í ljósi þess að með öflugri framleiðslu innanlands má
líka spara verðmætan gjaldeyri sem annars færi í innflutning.
Þarna ræður lækkun á gengi krónunnar miklu, segir Bjarni Már
Gylfason, hagfræðingur Samtaka iðnaðarins.
Fjöldi starfa í
íslenskum iðnaði?
Um 20% vinnu-
færra manna
í iðnaði
Iðnaðurinn á Íslandi veitir um 20% vinnufærra
manna atvinnu eða á bilinu 30-35 þúsund manns.
Þetta hlutfall hefur haldist nokkuð jafnt lengi en
nokkrar tilfærslur hafa verið milli greina innan iðn-
aðarins, segir Jón Steindór Valdimarsson, fram-
kvæmdastjóri Samtaka iðnaðarins.
Hlutfall iðnaðar af landsframleiðslu?
Iðnaður um 25% af landsframleiðslunni
Iðnaðurinn skapar tæp 25% af landsframleiðslunni. Vægi hefðbundinnar iðnframleiðslu hefur minnkað en hlutur stóriðju, hátækni-
iðnaðar og mannvirkjagerðar aukist, segir Bjarni Már Gylfason, hagfræðingur Samtaka iðnaðarins.
Útflutningstekjur af áli
meiri en af sjávarútvegi
Fjörutíu ár eru síðan framleiðsla á áli hófst á Íslandi. Á árunum
1973-1995 var árlegur útflutningur rétt undir 100.000 tonnum.
Árleg framleiðslugeta áliðnaðarins á Íslandi er nú um 800.000
tonn en til samanburðar eru árlega framleiddar um 40 milljónir
tonna af áli í heiminum. Árið 2020 er talið að álþörfin í heiminum
verði komin í 60 milljónir tonna.
Árið 2008 námu tekjur af útflutningi áls 182 milljörðum króna.
Horfur eru á að verðmæti aukist talsvert á árinu 2010 miðað við
árið á undan.
sprotafyrirtæki
Umhverfi sprota-
fyrirtækja hagstæðara
en áður
Sprotafyrirtæki eru venjulega sprottin upp úr rannsókna- eða
þróunarverkefnum einstaklinga, þróunarhópa, háskóla, rann-
sóknastofnana eða annarra fyrirtækja og byggjast á sérhæfðri
þekkingu, tækni eða öðru nýnæmi. Gengið er út frá því viðmiði
að árlegur þróunarkostnaður sprotafyrirtækja sé að jafnaði yfir
10% af veltu. Í mörgum tilfellum, einkum hjá smæstu
fyrirtækjunum í þessum flokki, eru þetta hlutfall mun hærra.
Starfsskilyrði þessara fyrirtækja eru betri nú en oft áður vegna
lægra gengis en aðgengi að fjármagni er takmarkað, segir
Davíð Lúðvíksson, forstöðumaður stefnumótunar og nýsköp-
unar Samtaka iðnaðarins.