Frjáls verslun - 01.03.2008, Qupperneq 14

14 F R J Á L S V E R S L U N • 3 . T B L . 2 0 0 8
Fyrst þetta ...
Baldip Singh, framkvæmda-
stjóri viðskiptaþróunar Sling
Media, kom hingað til lands
nýverið og kynnti athyglisverða
tækni sem heitir Slingbox.
Þessi nýja tækni gerir fólki
kleift að horfa á þær sjónvarps-
stöðvar, sem það hefur aðgang
að heima hjá sér, hvar sem er
í heiminum með aðstoð fartölv-
unnar; t.d. í sumarbústaðnum,
á ferðalögum og hótelher-
bergjum erlendis.
Slingbox er lítið tæki sem er
tengt við myndlykil og þaðan í
beini (router), ókeypis hugbún-
aði er síðan hlaðið niður í tölv-
una. Þegar hugbúnaðurinn er
opnaður og tölvan er nettengd
tengist hún beininum heima
í stofu. Á skjánum birtist þá
mynd af nákvæmlega eins fjar-
stýringu og notuð er heima og
með henni er hægt að flakka á
milli sjónvarpsstöðva og velja
það sem viðkomandi vill horfa
á hverju sinni. Einnig er hægt
að tengja myndbandstækið,
flakkara og DVD spilara við
Slingbox og horfa í tölvunni á
efni sem þar er geymt.
Sömu möguleikar eru í
boði fyrir 3G síma. En þess
bera að geta að eigandi sím-
ans greiðir símafyrirtækinu
fyrir „símtal“ þann tíma sem
verið er að horfa á sjónvarp í
símanum.
Athyglisverð tækni:
Með sjónvarpið
hvert sem þú ferð
Baldip Singh tengdist sjónvarpinu sínu í London á augabragði og
sýndi hvernig hann gat horft á sjónvarpið bæði í tölvunni sinni og
símanum.
Undanfarið hafa menn rætt mikið um kosti og
galla krónunnar. Í því sambandi hafa m.a. komið
fram hugmyndir um að ganga í myntbandalag
Evrópu og raunar verið rætt um hvort það sé
hægt án þess að ganga í Evrópusambandið.
Látum það liggja milli hluta. En einnig hafa
komið fram tillögur um að tengjast norskri
krónu. Það er því ekki úr vegi að rifja upp, að
einu sinni var til norrænt myntbandalag. Vorið
1873 gengu Danmörk og Svíþjóð í myntbanda-
lag og tveimur árum seinna bættist Noregur í
hópinn. Löndin tryggðu myntina með gulli og
skuldbundu sig til þess að gildið yrði hið sama í
öllum löndum, þótt hvert land héldi sinni mynt.
Ísland fylgdi Danmörku að þessu leyti, þótt
Landsbankinn gæfi út seðla frá stofnun hans.
Þetta norræna myntbandalag hélst fram að
fyrri heimsstyrjöld en þá féllu öll ríkin frá gull-
tryggingu og gengi norrænu gjaldmiðlanna varð
misjafnt. Íslendingar slógu svo fyrstu mynt sína
1922 og síðan hefur gengisþróun hér verið með
allt öðrum hætti en hjá hinum norrænu frændum
okkar. En hugmyndin um norrænt myntbandalag
er semsagt ekki ný af nálinni!
(Heimild:Birgir Kjaran: Tilraunir til norrænnar
efnahagssamvinnu, Afmælisrit til Þorsteins
Þorsteinssonar, Rvk 1950.)
Norrænt myntbandalag – gömul hugmynd?
Sigurður G. Tómasson.
„Vorið 1873 gengu Danmörk
og Svíþjóð í myntbandalag og
tveimur árum seinna bættist
Noregur í hópinn.“
Sigurður G. Tómasson: