Frjáls verslun - 01.03.2008, Qupperneq 15
F R J Á L S V E R S L U N • 3 . T B L . 2 0 0 8 15
Fyrst þetta ...
Greiningartæki Krabba meinsfélagsins þarfnast
nú endurnýjunar og fyrirhugað er að kaupa
nýjan stafrænan röntgenbúnað sem greinir
brjóstakrabbamein betur en hægt hefur verið
fram að þessu.
„Á allra vörum“ er kynningar- og fjáröfl-
unarátak sem hefur að markmiði að leggja
Krabbameinsfélaginu lið við að safna pen-
ingum til að koma nýjum tækjum sem fyrst í
gagnið.
Gróa Ásgeirsdóttir, verkefnastjóri á sölu-
og markaðssviði Flugfélags Íslands, sem
greindist sjálf með brjóstakrabbamein í nóv-
ember á síðasta ári, fékk þá einstöku hug-
mynd að selja varalitagloss í þessu skyni:
„Varalitaglossið heitir Golden Gloss og verður
í tveimur litum; annar ljósbleikur og hinn
glær. Þeir eru ekki framleiddir fyrir verkefnið
en þó voru sérstaklega valdir skemmtilegir
sumarlitir og þeir ættu að smellpassa í snyrti-
buddur hverrar konu.
Aðalsölustaðirnir verða Saga Boutiqe um
borð Icelandair flugvéla og fríhafnir Flugfélags
Íslands í Reykjavík og á Akureyri. Að auki
verða varalitaglossin seld til fyrirtækja sem
vilja styrkja málefnið og kaupa fyrir starfs-
fólkið sitt.“
Hverjir koma að verkefninu?
„Það eru Icelandair, Flugfélag Íslands,
heildverslun Halldórs Jónssonar og
Krabbameinsfélagið. Að auki hafa fjölmörg
fyrirtæki og félög styrkt verkefnið með ýmsu
móti, þar á meðal Flugfreyjufélagið, Margt
smátt, Íslenska auglýsingastofan, Afa Ísland,
Vörumerking, Gassi ljósmyndari og margir
fleiri. Allir þessir aðilar hafa gefið vinnu sína
og tíma og munu ekki taka þóknun fyrir sölu.
Allur ágóði rennur beint í söfnun fyrir nýjum
myndavélum hjá Krabbameinsfélagi Íslands og
stefnt er að því að hafa safnað um tíu millj-
ónum króna þegar átakinu lýkur í ágúst.
Á allra vörum
Guðný Pálsdóttir, þjónustu-
fulltrúi Flugfélags Íslands,
Gróa Ásgeirsdóttir verk-
efnastjóri á sölu- og mark-
aðssviði Flugfélags Íslands,
og Elísabet Sveinsdóttir,
forstöðumaður hjá
Icelandair, kynna átakið.